Հրատարակութիւն

PDF

Կենտրոնական Վարչութիւն

Հանդիպում 100-ամեակի Կենտրոնական յանձնախմբի հետ

            2015 թ. փետրւարի 3-ին, Թեհրանի հայոց թեմի կողմից կեանքի կոչւած Յեղասպանութեան 100-ամեակը ոգեկոչող Կենտրոնական յանձնախմբի միջոցով հրաւիրւած հանդիպմանը, ներկայացաւ Հ.Մ.Ա.Կ.-ի Կենտրոնական վարչութեան դիւանը, որտեղ ներկայ էին Թեհրանում գործող միութիւնների դիւանի կազմերը:

Հանդիպման ընթացքին Յանձնախմբի նախագահ՝ տկն. Արմենուշ Առաքելեանը բացատրութիւններ տւեց վերջերս ՀՀ-ի պետական Կենտրոնական յանձնախմբի կողմից հրաւիրւած ժողովի մասին, որը տեղի էր ունեցել Երևանում:

Տկն. Առաքելեանի խօսքերից յետոյ ներկաները բացատրութիւններ են տւել պատկան միութեան ծրագրերի մասին, որոնք պիտի գործադրւեն ընթացիկ տարւայ մէջ:

Իսկ վերջում ներկաներին փոխանցւեց, որ ծրագրւած աշխատանքների ցուցակը յանձնախմբին փոխանցել մինչև փետրւար ամսի աւարտը:

Հ.Մ.«Արարատ»Կ.

Հանդիպում Հիւսիսային իրանահայութեան պատգամաւոր ՝Դկտ. Կարէն Խանլարեանի հետ

     2015 թ. փետրւարի 4-ին, ԻԻ խորհրդարանում Հիւսիսային իրանահայութեան պատգամաւոր դկտ. Կարէն Խանլարեանը իր գրասենեակում ընդունեց Հ.Մ.«Արարատ»Կ.-ի նորընտիր կենտրոնական վարչութեան կազմին:

Հանդիպման սկզբում Կենտրոնական վարչութեան նախագահ՝ ընկ. Գէորգ Վարդանը շնորհակալութիւն յայտնեց տրամադրւած առիթի համար, ներկայացրեց կազմի անդամներին ու նրանց վարչական հանգամանքները: Ապա նա հանգամանօրէն ակնարկեց Հ.Մ.Ա.Կ.-ի դերակատարութիւնը և նրա պարտաւորութիւնները, որոնք վստահւած են Կազմակերպութեանը: Ընկ. Գէորգը բացատելով որ «Արարատ»-ի մեծ ընտանիքը խորը գիտակցելով իր ունեցած պարտականութիւնները և հնարաւորութիւնները, անշուշտ պիտի ծառայի հայապահպանման ու նոր սերնդի հայեցի դաստիարակութեան գործընթացին:

            Այցելութիւնը հիւրընկալող դկտ. Խանլարեանը ողջունելով կազմին շնորհաւորեց նրանց՝ Կազմակերպութեան անդամների վստահութեան և ստանձնած պատասխանատւութեան համար: Պատգամաւորը կարևորութեամբ ակնարկեց Հ.Մ.Ա.Կ.-ի ներուժի և հնարաւորութիւնների մասին, որոնք իրենց հայկական տարողութեամբ ու ծաւալով պատճառ են դարձել, որ «Արարատ»-ը հայ ժողովրդի իրականութեան մէջ իր իւրայատուկ տեղն ու դերը զբաղեցնի:

Դկտ. Խանլարեանը յաջողութիւն մաղթելով նորընտիր Կենտրոնական վարչութեանը յոս յայտնեց որ իրեն վստահւած պատասխանատւութիւնը լաւագոյնս կիրագործի ու խոստացւած ինչպէս միշտ կանգնած մնալ Կազմակերպութեան կողքին՝  օժանդակելով իր բոլոր հնարաւորութիւնների սահմաներում:

Հանդիպումը շարունակւեց մտերմիկ մթնոլորտում, որտեղ խօսւեց որոշ գործնական դժւարութիւնների մասին: Պատգամաւորը իր ուղղութիւնները փոխանցեց կազմին՝ Մասնաճիւղերի աշխատանքները ծաւալելու նկատմամբ:

Փոխանակւած ընկերական երկողմ բաւարարութեամբ աւարտւեց այցելութիւնը, յաճախակի հանդիպումներ ունենալու հեռանկարով:

Հ.Մ.«Արարատ»Կ.

2015 թ.-ի յունւարի 16-ին Հ. Մ. «Արարատ» Կ.-ի 26-րդ պատգամաւորական ժողովում ընտրւեց 43-րդ շրջանի Կենտր. վարչութիւնը: Անձնակազմը առաջին հանդիպմանը պաշտօնաբաշխումներ կատարեց ըստ հետևեալին ՝

 

   2015 թ.-ի յունւարի 17-ին Հ.Մ.«Արարատ»Կ.-ի 26-րդ Պատգամաւորական ժողովը աւարտւելով և 43-րդ նստաշրջանի Կենտրոնական վարչութիւնը ընտրւելով բացում ենք նոր էջ Կազմակերպութեան պատմութեան կեանքում:

  

Երեքշաբթի 2015 թ.-ի յունւարի 13-ի երեկոյեան ժամը 8-ին տեղի ունեցաւ հիմնադիր անդամ, առաջին, 2-րդ, 3-րդ, 5-րդ, 8-րդ և 14-րդ նստաշրջանների Կենտրոնական վարչութեան անդամ հանգուցեալ՝ ընկ. Նորայր Պահլաւունու անւամբ՝ «Արխիւային» գրասենեակի բացումը: Հանգուցեալ ընկ. Նորայր Պահլաւունու ընտանիքը ի յիշատակ իր ամուսնու և սիրասուն հօր իր նիւթական ներդրումն է ունեցել այս սրահի կառուցման գործում:

 

   Երէկ երեքշաբթի 2015 թ. յունւարի 13-ի ժամը 6-ին դռնբաց բացումը կատարւեց 26-րդ Պատգամաւորական ժողովի: Ժամանակաւոր դիւանի ընտրութիւնից յետոյ ընտրւեց մնայուն դիւանը, այնուհետև ժողովականները շտապեցին դէպի Ցուցասրահի և Արխիւային սրահի բացման հանդիսութեան վայրը, այդ բարեբաստիկ արարողութիւնը կատարւելուց յետոյ ժողովականները անցան «Վաչիկ Ղարաբէգեան» սրահ որտեղ տեղադրւած էր միութիւնների աշխատանքները ներկայացնող պատկերներից ցուցատախտակներ:

 

   Երէկ 2015թ.-ի յունւարի 13-ի երեկոյեան ժամը 8-ին բացումը կատարւեց հանգուցեալ ընկ. Խաժակ Արզումանեանի անւամբ Ցուցասրահի: Ընկ. Խաժակ Արզումանեանը ընդհանրապէս Հ.Մ.Ա.Կ.-ի կեանքում և մասնաւորապէս Մարզաւանում ունեցել է մեծ ներդրում: Նա եղել է Կենտրոնական վարչութեան մի քանի նստաշրջանների անդամ: 

 

2015 թ. յունւարի 7-ին

Ամանորեայ տօների առիթով Մարզաւան են այցելել քաղաքապետարանի երրորդ մասի առաջին բաժնի ներկայացուցիչներ՝ պարոնայք Գոլեստանին՝ վերոյիշեալ բաժնի քաղաքապետը, Շէյխ Հէյդարին՝ նոյնի օգնականը, Միր Սարաֆը՝ Արարատ քաղաքամասի պետը և նրանց ուղեկցող մի շարք պաշտօնեաներ:

Հ.Մ.Ա.Կ.