Հրատարակութիւն

PDF

Կենտրոնական Վարչութիւն

Հ.Մ.«Արարատ» կազմակերպութեան մեծ ընտանիքը

անհուն վշտով գուժում է ժամանակի

«Սևան» երգչախմբի վաստակաւոր խմբավար՝

Գուրգէն Մովսիսիանի

ցաւալի մահը

 

 

Համառօտ կենսագրութիւն գծեր

   Գուրգէն Մովսիսեանը ծնւել է 1943 թւին Իրանի Համադան քաղաքում, նահապետական մի ընտանիքում:

   Տարիներ անց ընտանեօք փոխադրւում է Թեհրան: Նասկզբում աշակերտել է իր մօրեղբօր՝ Մարտիկ Աւետիսեանին, ապա երաժշտագէտ երգահան Լուդւիկ Բազիլին, որից ստացած գիտելիքները ուղեցոյց են լինում իր ապագայ գործունէութեան ասպարէզում:

   Նա երիտասարդ տարիքից ծառայել է հայոց դպրոցներում որպէս երգի ու երաժշտական ուսուցիչ: Իր իսկ բնորոշմամբ այդ աշխատանքը՝ «Սրբութիւն է ու հաւատք, աղօթք է ու նւիրում նաև անսակարգ սէր է ու հաւատարմութիւն»:

   Գուրգէնը երգել է «Արարատ» երգչախմբում Վազգէն Փիրջանեանի խմբավարութեան օրօք: Նա հրաւիրւել է աշխատանքի ժամանակի «Ռուդաքի» օպերայի բաժնում, նախ որպէս երգիչ ապա խմբավարի օգնական, ինքը նաև երգել է նոյն վայրում մի շարք օպերաներում:

   1973 թ.-ին մեկնել է Վիեննա և հետևել է տեղի երաժշտանոցի դասընթացներին, կատարելագործելով խմբավարութեան և երաժշտութեան իր բնատուր ընդունակութիւնները: Վիեննաի հայկական մշակութային կենտրոնում վերակազմել է տեղի երգչախումբը և փայլուն ելոյթներ ունեցել: Վերադառնալով Թեհրան, աշխուժացրել է պետական երգչախումբը, միաժամանակ հրաւէր է ստացել «Արարատ»-ի կենտրոնական վարչութիւնից կազմելու և խմբավարելու «Սևան» երգչախումբը:

   1982թ.-ին 13 տարիներ շարունակ Գուրգէնը զբաղեցրել է «Սևան» քառաձայն երգչախմբի ղեկավարութիւնը: Իր դաստիարակած սերունդները ցայսօր շարունակում են նրա սերմանած գործը: Տարեկան հերթական ելոյթներում հնչեցրել է հայ և օտար հանճարների ստեղծագործութիւնները, մեծ բաւարարութիւն տալով, երաժշտասէր հանդիսատեսին:

   Նոյն ժամանակաշրջանում նա շարունակ հրաւէրներ էր ստանում Եւրոպայից և ծայրագոյն արևելքից: 1993 թ.-ին Հայաստանի մշակութային նախարարի հրաւէրով մասնակցել է «Աշտարակ» երգչախմբային փառատօնին ներկայացնելով փայլուն ելոյթ:         

   Թեհրանում իր ներդրումն է ունեցել տարբեր երգչախմբերի կազմութեան և ղեկավարման գործում: Օգնել է նաև Սպահան և Շիրազ քաղաքների երգչախմբերին:

   «Ոտքի դատարան է գալիս» և «Մամփրէ Արքան» թատերգութիւնների երաժշտութիւնները Գուրգէն Մովսիսեանի գործն է:

   Իրանի ժամանակի Մշակոյթի և արւեստի նախարարութիւնը նրան և մի քանի այլ երաժիշտներին պարգևատրել է ըստ արժանւոյն, նա վաստակել է երկրի ժամանակի լաւագոյն խմբավարի կոչումը ստանալով շքանշան և գնահատագիր:  

             

 

Ուրբաթ թւականիս հոկտ. 24-ին Հ.Մ.«Արարատ»Կ.-ի Կենտրոնական վարչութեան նախագահ՝ Համլետ Խալոյեանը ներկայացաւ Իրանի հեռուստաընկերութեան առաջին ալիքում: Ընկ. Համլետ Խալոյեանը ամփոփ ներկայացրաւ Կազմակերպութեան պատմութիւնը, կառոյցը, աշխատանքները: Ծրագրի հաղորդավարը շնորհաւորեց Կազմակերպութեան 70-ամեակը: Ցուցադրւեց Մարզաւանից տեսաֆիլմեր:

    

       Հ.Մ.«Արարատ»Կ.-ի 70-ամեակի Կենտրոնական ձեռնարկի առիթով հրաւիրած Հ.Մ.Ը.Մ.-ի ատենապետ՝ Գառնիկ Մկրտչեանը և Համզագային Հայ Կրթական և Մշակութային միութեան Կենտրոնական վարչութեան անդամ՝ Սպարտակ Ղարաբաղցեանը, Թւականիս Ուրբաթ հոկտ. 24-ին մասնակցեցին Հ.Մ.«Արարատ»Կ.-ի Կենտրոնական Վարչութեան նիստին, որտեղ արծարծւեց մի շարք առաջարկներ և մտայաղացումներ: Նիստին ներկայ էր նաև 70-ամեակի յանձնախմբի նախագահ՝ ընկ. Հրաչ Զարիֆեանը և Երէցների միութեան վարչութեան անդամ Արմինէ Գրիգորեանը: Հիւրերը նաև հանդիպումներ ունեցան Մարզական և Արւեստից միութիւնների վարչութիւնների և Սկաուտական Միութեան գերագոյն կազմի հետ, ուր պատկան բնագաւառներում եղան առաջարկներ ու մտքերի փոխանակում:

 

Հ.Մ.«Արարատ»Կ.

 

 

 

       Թւականիս հոկտ. 20-ին երեկոյեան ՀՀ վարչապետ Յովիկ Աբրահամեանը Իրանի Իսլամական Հանրապետութեան կատարած պաշտօնական այցի շրջանակում, Մարզաւան է այցելել մի շարք պետական ու բարձրաստիճան այրերի և նախարարների հետ: Մարզաւանում ՀՀ վարչապետին դիմաւորեց Հ.Մ.«Արարատ»Կ.-ի Կենտրոնական վարչութեան նախագահ՝ ընկ. Համլետ Խալոյեանը և Վարչութեան կազմը:

Վարչապետին ուղեկցում էին ՀՀ կառավարութեան նախարարներ՝ Սփիւռքի նախարար Հրանուշ Յակոբեանը, Մշակոյթի նախարար՝ Յասմիկ Պողոսեանը, բնապահպանութեան նախարար Արամայիս Գրիգորեանը, գիւղատնտեսութեան նախարար՝ Սերգո Կարաոետեանը, էներգետիկայի և բնական պաշարների նախարար՝ Երւանդ Զախարեանը, ֆինանսների նախարար՝ Գագիկ Խաչատրեանը և միւսներ: ՀՀ Վարչապետին Կենտրոնական Վարչութեան ընկերները դիմաւորելուց յետոյ ուղղեւորեցին դէպի Մարզաւանի Ս. Դաւիթ սրահ որտեղ «Արարատ»-ի երգչախումբը յառաջիկա կայանալիք 70-ամեակի նւրիւած ձեռնարկի համար կատարում էր խմբերգային փորձեր: Երգչախումբը հայերենասիրական երգերի շարանից կատարեց մի կտոր, ինչը արժանացաւ Վարչապետի և այլ նախարարների գնահատանքին: Այնուհետև բոլորը շրջեցին Մարզաւանի ֆուտբոլի դաշտը, Թենիսի գետինների տարածքը և Ս. Խաչ մատուռի շրջափակը ծանօթանալով խաչքարերի և Մատուռի պատմութեանը: Վերջում Վ.Ղարաբէգեան սրահում տեղի ունեցաւ համեստ ընդունելութիւն:

        ՀՀ Վարչապետ Յովիկ Աբրահամեանը իր բարձր տպաւորութիւնը յայտնեց Մարզաւան այցելելու համար, շնորհակալութիւն յայտնեց Վարչական ընկերներին որ այսպիսի հայապահպան աշխատանք է տարւում Հ.Մ.«Արարատ»Կ.-ում կարևորելով հայ լեզւի կարևորութիւնը ազգապահպանման գործում նա աւելացրեց որ դրա շնորհիւ է որ կարող ենք կերտել մեր հզօր հայրենիքը: Այնուհետև Վարչապետը Հ.Մ.«Արարատ»Կ.-ի Կենտրոնական Վարչութեան նախագահ Համլետ Խալոյեանին որպէս յիշատակ նւիրեց «Արարատ» լեռան պատկերով մի գեղանկարչութիւն: Ընկ. Համլետ Խալոյեանն Կենտրոնական վարչութեան անունից ողջունեց ՀՀ Վարչապետի և կառաւարութեան նախարարների այցը Մարզաւան աւելացրեց, որ շատ մեծ պատիւ է մեզ վարչապետի ներկայութիւնը մեր Կազմակերպութեան հարկի տակ: Այնուհետև արտայայտւեց ընկ. Թոմիկ Սարուախնեանը կարևորելով երկու երկրների սերտ յարաբերութիւնները զանազան բնագաւառներում: Վերջում Արարատի յուշամատեանում Վարչապետը արձանագրեց իր ձեռագիր գրութիւնը:

Հ.Մ.«Արարատ»Կ.

 

 

 

 

Երէկ հոկտ. 20-ին երեկոյեան ՀՀ վարչապետ Յովիկ Աբրահամեանը Իրանի Իսլամական Հանրապետութեան կատարած պաշտօնական այցի շրջանակում, Մարզաւան է այցելել մի շարք պետական ու բարձրաստիճան այրերի և նախարարների հետ: Մարզաւանում ՀՀ վարչապետին դիմաւորեց Հ.Մ.«Արարատ»Կ.-ի Կենտրոնական վարչութեան նախագահ՝ ընկ. Համլետ Խալոյեանը և միւս ընկերները:

Մանրամասնութիւնները շուտով :

Հ.Մ.«Արարատ»Կ.

       Երէկ թւականիս հոկտ. 17-ին առաւօտեան ժամը 11-ին, Կազմակերպութեան 70-ամեակի առիթով տեղի ունեցաւ հոգեհանգստեան արարողութիւն ի յիշատակ Կազմակերպութեան բոլոր ննջեցեալ անդամների: 

Մանրամասնութիւնները շուտով:

Հ.Մ.«Արարատ»Կ.

«ԱԼԻՔ», Կ. Դ. - Հայաստանի Հանրապետութեան անկախութեան 23-րդ տարեդարձը երէկ՝ սեպտ. 21-ին, նշւեց ոչ միայն Հայաստանում, այլեւ՝ աշխարհի այն երկրներում, ուր Հայաստանի Հանրապետութիւնը ունի դիւանագիտական ներկայացուցչութիւն:
Այդ առիթով երէկ երեկոյեան «Արարատ» մարզաւանի «Այգեստան»-ը վերածւել էր կենտրոնի, ուր հրաւիրւած էին՝ Իրանի պետական կառոյցների ներկայացուցիչներ, Իրանում հաւատարմագրւած տարբեր երկրների դեսպաններ, դեսպանութիւնների դիւանագիտական ու զինւորական կցորդներ եւ ներկայացուցիչներ:
Իրանում Հայաստանի Հանրապետութեան նախաձեռնութեամբ կազմակերպւած միջոցառմանը ներկայ էին՝ Թեհրանի հայոց թեմի առաջնորդական փոխանորդ Տ. Մակար եպս. Աշգարեանը, քահանայից դասը, Իսլ. խորհրդարանում իրանահայ պատգամաւորներ, Թեհրանի, Սպահանի եւ Ատրպատականի հայոց թեմերի ազգային մարմինների ու միութիւնների եւ «Ալիք» հաստատութեան ներկայացուցիչներ: Միջոցառմանը Իրանի եւ Հայաստանի պետական օրհներգերից բացի՝ հնչեցին նաեւ մի քանի երգեր՝ «Հայ կին» միութեան կից «Անահիտ» միութեան «Զւարթնոց» երգչախմբի կատարմամբ՝ Էդիկ Թամրազեանի ղեկավարութեամբ: Հնչեցին նաեւ պարսկերէնով եւ անգլերէնով շնորհաւորական եւ ողջոյնի խօսքեր:
Դասական երգերի կատարմամբ ելոյթ ունեցան Թենի եւ Թեմա Յակոբեանները եւ Արա Կարապետեանը: Էստրադային երգերով ելոյթ ունեցան Էդւին Հայրապետեանը, Մանէ Թահմազեանը եւ Թենի Ֆարմանեանը:
Միջոցառումը զուգորդւած էր ընդունելութեամբ: