Հրատարակութիւն

PDF

Կենտրոնական Վարչութիւն

Համայնքիսքոյրմիութիւններիվարչութիւններիհանդիպում՝

«Արարատ»մարզաւանում

 

Երկուշաբթի սոյն թւականի 12 մայիսին, «Արարատ» մարզաւանի լողաւազանների շրջափակում տեղի ունեցաւ արդէն աւանդոյթ դարձած համայնքիս քոյր միութիւնների վարչութիւնների հետ հանդիպումը£ Հանդիպմանը ներկայ էին՝ Հայ Ուս. Չհարմահալ, Հայ Մշակութային «Սիփան», «Նայիրի» և «Սարդարապատ» միութիւնների վարչութիւնները, նաև  Հայ Դատի Յանձնախումբը :

Ողջոյնի խօսքը փոխանցեց Կազմակերպութեան նախագահ՝ ընկեր Համլետ Խալոյեանը, որը հակիրճ ներկայացրեց Կազմակերպութեանս միութիւնների և 70-ամեակի սեմին կատարւող աշխատանքներն ու ծրագրերը, ապա առիթ տւեց միութիւնների վարչութիւններին ներկայացնելու իրենց աշխատանքները:

Նման հանդիպումներ հնարաւորութիւն է ընձեռնում ազգային նոյն նպատակին ծառայող համայնքիս միութիւններին, ծանօթանալով եւ իրազեկ դառնալով միմեանց դժւարութիւններին ու խնդիրներին, միասնաբար ելքեր փնտրել եւ յաղթահարել ցանկացած խոչընդոտ, որը թերեւս կարող է առնչւի իւրաքանչիւր միութեան,  նաեւ նպաստում է  աշխատանքները առաւել սահուն ընթանալու գործում և դա անշուշտ ողջունելի է թէ Կազմակերպութեանս եւ թէ անկասկած միւս միութիւնների վարչութիւնների կողմից:

Յուսանք այս հանդիպումները շարունակական դառնալով, հարթ ուղով կընթանան հայապահպանման եւ սերունդների հայեցի դաստիարակութեան միութիւններիս աշխատանքների ի նպաստ:

Վերջում տեղի ունեցաւ համեստ հիւրասիրութիւն եւ ներկաները ընկերական մթնոլորտում շարունակեցին մտքերի փոխանակումները:

«ԱԼԻՔ» - Հ. Մ. «Արարատ» կազմակերպութեան նախաձեռնութեամբ եւ «Ռոստոմ» Երիտասարդական միութեան համագործակցութեամբ, հինգշաբթի, մայիսի 8-ի երեկոյեան, «Արարատ» մարզաւանի Ս. Խաչ մատուռի շրջափակում տեղի ունեցաւ միջոցառում՝ նւիրւած Մեծ Եղեռնի 99-ամեակին եւ 100-ամեակին ընդառաջ:
Բացման խօսքով հանդէս եկաւ Ռուբինա Գալստեանը: Այնուհետեւ Թեհրանի Հայ Դատի յանձնախմբի նախագահ Յովսէփ Աւետեանը ներկայացրեց նախ Հայ Դատի յանձնախմբերի աշխատանքները՝ ընդհանուր առմամբ՝ դրանք դասակարգելով հինգ կէտերում, որոնք են զօրացնել Հայաստանի պետականութիւնը, օժանդակել Արցախի ինքնորոշման հարցին, արձագանգել ջաւախքահայութեան դժւարութիւններին, բարձրաձայնել Նախիջեւանի հայկական լինելու հարցը եւ չէզոքացնել Ադրբեջանի հակահայ նկրտումները, ապա խօսքը կենտրոնացնելով Թեհրանի Հայ Դատի յանձնախմբի աշխատանքների շուրջ՝ անդրադարձաւ այդ յանձնախմբի գործունէութեանը, որն է ի շարս վերը նշւած աշխատանքների Հայ Դատի մարտավարութեան քննարկումը, պարսկական շրջանակներում Հայկական Հարցի արծարծումը, «Պայման» պարբերաթերթի եւ տարբեր գրքերի հրատարակումը, կայքէջի եւ ֆէյսբուքեան էջի առկայութիւնը եւ այլն:

Այնուհետեւ արտայայտւեց Հենրիկ Խալոյեանը, որը ներկայացրեց Մեծ Եղեռնի 100-ամեակին ընդառաջ՝ այդ ուղղութեամբ կեանքի կոչւած տարբեր յանձնախմբերի աշխատանքները՝ Հայոց Ցեղասպանութեան եւ Արցախի ինքնորոշման հարցի ճանաչեցման, հողային պահանջատիրութեան, Թուրքիայում թուրք մտաւորականութեան եւ ժողովրդի շարքերում հայանպաստ հասարակական կարծիքի ձեւաւորման, կրթա-մշակութային ձեռնարկների, յուշերեկոների եւ ուխտագնացութիւնների կազմակերպման ու հակահայ տրամադրութիւնների եւ գործողութիւնների չէզոքացման բնագաւառներում:
Դասախօսը նաեւ անդրադարձաւ այդ գծով իրանական պետական մակարդակով տարւելիք աշխատանքներին, որոնցում կարող են իրենց դերակատարութիւնն ունենալ Իսլ. խորհրդարանի հայ պատգամաւորները:
Միջոցառման վերջում իրականացւեց Կոմիտասին առնչւող Ռաֆայէլ Արամեանի «Անտունի» գրւածքի հիման վրայ պատրաստւած ռադիօ-բեմադրութիւն՝ Անահիտ Աբադի ղեկավարութեամբ եւ «Ռոստոմ» Երիտասարդական միութեան անդամների մասնակցութեամբ, որի ընթացքում ջութակով հնչեցւում էին կոմիտասեան մեղեդիներ:

 

 

alikonline.ir -ից

Հանդիպում Կազմակերպութեան նախկին անդամ Նշան Փիրումեանի հետ

 

Կազմակերպութեան նախկին շրջանների գործունեայ եւ հաւատարիմ անդամ, Կենտրոնական վարչութեան երբեմնի շրջանների նախագահ՝ ընկեր Նշան Փիրումեանը, իր իսկ ցանկութեամբ, երէկ 29 ապրիլին ներկայ գտնւեց Կենտրոնական վարչութեան նիստին: Ըստ ընկերոջ՝ ինքը չէր կարող Թեհրան ժամանելու երկրոդ օրը չայցելել իր սիրելի ու հարազատ երկրորդ օջախ՝ Արարատ:

Մեր երէց ընկերը, որը մեծ ներդրում է ունեցել «Արարատ» մարզաւանի շինարարական աշխատանքում, բարձր գնահատեց Կազմակերպութեան աշխատանքները, յատկապէս մարզաւանի գոյութիւնը, որը ամենօրեայ հարազատ հիւրընկալն է լինում հազարաւոր հայորդիների եւ յոյս յայտնեց այս փառահեղ կառոյցը մնայ միշտ կանգուն եւ օր ըստ օրէ ծաղկի ու բարգաւաճի:

Անշուշտ մեր սիրելի ընկերոջ հետ ծանօթ Արարատկանների համար եւս, պատեհ առիթներ կը ստեղծւի  հանդիպելու եւ հաղորդւելու հետ:

Աշակերտական հաւաք եւ Հայոց Մեծ Եղեռնի ոգեկոչում՝

«Արարատ» մարզաւանում

 

Թեհրանի Հայոց դպրոցների ուղեցոյց եւ միջնակարգ օղակների աշակերտութիւնը երեքշաբթի 15 ապրիլին ներկայ գտնւեցին «Արարատ» մարզաւան՝ իրենց յարգանքի տուրքը մատուցելու՝ Հայոց Մեծ Եղեռնի զոհերի յիշատակին: Ծրագիրը սկսւեց մոմավառութեամբ եւ ծաղիկների մատուցումով և գեղարւեստական բաժնում հնչեցին ազգային երգեր ու ասմունքներ:

Աշակերտութիւնը ինչպէս միշտ իրենց պահանջատէր բողոքը ներկայացրին լօզունգներով եւ բռունցքներով:

Հարգելի բարեկամ,

 

Ինչպես գիտեք, ս.թ. մարտի 21-ին Թուրքիայի կողմից հարձակման է ենթարկվել Քեսապ բնակավայրը, որի բնակչության ճնշող մեծամասնությունը հայեր են: Նրանք ստիպված են եղել թողնել իրենց տներն ու հեռանալ:

ՀՀ սփյուռքի նախարարությունն իր խորը մտահոգությունն է հայտնում Քեսապում տեղի ունեցած իրադարձությունների կապակցությամբ:

Խնդրում ենք տեղեկացրեք, թե Ձեր կազմակերպությունն ինչ քայլեր (միջոցառումներ, բողոքի ցույցեր, երթեր, հրատարակումներ և այլն) է ձեռնարկել՝ ի պաշտպանություն Քեսապի և մեր հայրենակիցների:  

 

 

Հարգանքով՝

ՀՀ սփյուռքի նախարարության

համահայկական ծրագրերի վարչություն

Հեռ.՝ 58-56-01 (117)

Իրանի դեսպանն ընդունեց Հ.Մ.Ա.Կ-ի պատւիրակութեան

 

Իրանի Հայ Մշակութային «Արարատ» Կազմակերպութեան ներկայացուցիչները երեքշաբթի՝ 11 մարտի 2014-ին, նախապէս առնւած ժամադրութեամբ այցելեցին Հայաստանի Հանրապետութիւնում Իրանի Իսլամական Հանրապետութեան արտակարգ և լիազօր դեսպան պրն. Մոհամեդ Ռայիսիին: Հ.ՄԱԿ-ի պատւիրակութեան անդամներ՝ կենտրոնական վարչութեան երբեմնի  նախագահներ պրն. Հանրի Քոչարեանը և պրն Վանիկ Փեթրոյեանը Հ.Մ.Ա.Կ.-ի հիմնադրման եօթանասունամեակին նւիրւած  տօնական միջոցառումների մասին հակիրճ տեղեկատւութիւն ներկայացրեցին յարգարժան դեսպանին: Հանդիպման ներկայ էր նաև դեսպանութեան առաջին տեղակալ պրն. Ջաֆար Զամանին: Հ.Մ.Ա.Կ.-ի ներկայացուցիչները պրն. Ռայիսիին ու դեսպանութեան անձնակազմին հրաւիրեցին «Արարատ»ի 70-ամեակը Հայաստանում նշող յանձնախմբի կազմակերպած ծառատունկի արարողութեան, որը սիրով ընդառաջեց մեծայարգոյ դեսպանը: Պատւիրակութեան անդամներն ԻԻՀ-ի դեսպանին նւիրեցին Հ.Մ.Ա.Կ.-ի 70-ամեակի առիթով թողարկւած կրծքանշանը, 2014 թւականի օրացոյցը և «Արարատ»ի անցած ուղին պատմող պարսկերէն լեզւով գրքոյկը, ապա կողմերը քննարկեցին Իրան-Հայաստան մշակութային և  մարզական կապերը զարգացնելու վերաբերեալ հարցեր և շեշտեցին այս ոլորտում իրանաբնակ հայերի ունեցած կարևոր դերը:  

 

Հ.Մ.Ա.Կ.-ի Կենտրոնական Վարչութեան հանդիպումը «Ցեղասպանութեան 100-ամեակ»-ին նւիրւած  Կենտրոնական յանձնախմբի հետ

 

Թւականիս մարտի 8-ի Երեկոյեան ժամը 8-ին  Հ.Մ.Ա.Կ.-ի Կենտրոնական Վարչութեան ընկերները մարզաւանում հանդիպեցին «Ցեղասպանութեան 100-ամեակ»-ին նւիրւած  Կենտրոնական յանձնախմբի հետ:

Հանդիպման ընթացքին յանձնախմբի նախագահ ընկ. Արմենուշ Առաքելեանը բացատրեց հաստատւած ուղեգիծ-հեռանկարը 100-ամեակի  աշխատանքների վերաբերեալ, և արտաքին ու ներքին միջոցառումների կազմակերպման հարցերը:

Ապա Կ.Վարչութեան նախագահ ընկ. Համլետ Խալոյանը յայտնեց կազմակերպութեան կողմից նախատեսւած աշխատանքները և անելիքները այդ ուղղութեամբ:

Սոյն հանդիպմանը ներկայ էին մեր միութիւնների վարչութիւնների ներկայացուցիչները:

Տեղի ունեցաւ մտքերի փոխանակումներ և մի շարք առաջարկութիւններ:

 

 

 

   Ուրբաթ փետրւարի 28-ին կայացաւ Կ.Վարչութեան հրաւերով միջվարչական հանդիպումը, որտեղ ներկայ էին Կ.Վարչութեան անձնակազմը, կազմակերպութեան չորս միութիւնների վարչականները Թաւրիզի և Գեարդաբադ մասնաճիւղերի ներկայացուցիչները, 70-ամեակի յանձնախմբի նախագահը, օտօմասիոնի ներկայացուցիչը, մարզաւանի և կենտրոնատեղիի վարիչ մարմինները, հաշւեքննիչ մարմինը, արխիւայինի պատասխանատուն և հանրային կապի յանձնախումբը:

   Օրակարգերը ընթացան միութիւնների և մարմինների զեկուցումների և Կ.Վարչութեան միջոցով արտաքին հարաբերութիւնների բացատրականը, տեղի ունեցաւ մտքերի փոխանակումներ, առաջարկութիւններ, հարցեր ու պատասխաններ որոնք բոլորը ինչպէս միշտ նպաստում են կազմակերպութեան աշխատանքների ընթացքը աւելի սահուն ընդանալու համար: 

 

 

 

Ուրբաթ, դեկտեմբերի 21-ին, Հ.Մ.Ա.Կ.-ի «Շահբազեան» սրահում մտերմիկ հանդիպում կայացաւ Կենտրոնական Վարչութեան եւ Կազմակերպութեան միութիւնների մի շարք հրաւիրեալ երիտասարդ անդամների ներկայութեամբ, «Երիտասարդական միութիւն» կեանքի կոչելու նպատակով:

Կազմակերպութեանս նախագահ՝ ընկեր Համլետ Խալոյեանը Կենտրոնական Վարչութեան անունից շնորհակալութիւն յայտնեց ներկաներին, հրաւէրը ընդունելու եւ ներկայանալու համար, ապաª հանգամանօրէն բացատրեց հանդիպման նպատակը. «Անցեալ շրջանից Կենտրոնական Վարչութիւնը ուսումնասիրութիւններ կատարելով, եզրակացրեց, որ Կազմակերպութեան անդամների միջին տարիքը բարձրացել է: Երիտասարդ անդամների մի բաժինը, իրենց տարիքի բերումով, հեռանում են Կազմակերպութիւնից, յատկապէս Մարզական եւ Սկաուտական միութիւններից, արդիւնքումª 20-35 տարեկան երիտասարդները քիչ-քիչ հեռանում են միութենական կեանքից եւ աշխատանքներից: Նաեւª վերջին տարիներին Երէցների միութեան միջին տարիքը բարձրացել է, առ այդª յանձնարարեցինք Երէցների միութեանը, ուսումնասիրել նոր բաժանմունք կեանքի կոչելու գաղափարը այն տեսլականով, որ այդ բաժանմունքում եւ Երէցների միութեան ուղղակի վերահսկողութեան ներքոյ, համախմբւեն Կազմակերպութեան միւս միութիւններում ակտիւ մասնակցութիւն չունեցող անդամները եւ այդպիսով ունենալ «Երիտասարդական բաժանմունք», որը հետագային կը ստւարացնի նաեւ Երէցների միութեան շարքերը£ Երէցների միութիւնը ուսումնասիրութիւններից յետոյ յանգեց այն եզրակացութեան, որ իրենց համար հնարաւոր չէ այդպիսի բաժանմունք կեանքի կոչելը: Այդ իսկ պատճառով, այս հարցը, որպէս մտահոգութիւն ներկայացրեցինք Պատգամաւորական ժողովին եւ որպէս լուծումª առաջարկեցինք Կազմակերպութեան յարկի տակ կեանքի կոչել «Երիտասարդական միութիւն»: Պատգամաւորական ժողովը ընդառաջելով առաջարկը, այն ընդունեցª որպէս որոշում:

Ընկերը շարունակելով բացատրութիւնները, նշեցª որ անցեալ տարի նորակազմ Կենտրոնական վարչութիւնը ընթացիկ աշխատանքների ծաւալի նաեւ բազմազբաղութեան բերումով, հնարաւորութիւն չունեցաւ իրագործելու որոշումը եւ այնª փոխանցելւով այս տարւայ իրագործւելիք ծրագրերի շարքում, սկսեց աշխատանքը:

Ընկ. Խալոյեանը աւելացրեց՝ Կ. Վարչութիւնը քանի նիստ յատկացրել է այս հարցին եւ եզրակացրել է, որ այս երիտասարդ միութենականները այն ուժերն են, որոնք ժամանակին իրենց ներդրումն են ունեցել Կազմակերպութեան աշխատանքներում, ուստի այս միութիւնը կազմելու գործում եւս կարող են օգտակար հանդիսանալ: Նա շարունակեց. «Միութիւնը կեանքի կոչւելուց յետոյ, հէնց անդամների միջոցով պիտի ճշտւի միութեան Նպատակը, աշխատանքային ասպարէզներն ու բնագաւառները եւ վերջումª մշակւի նեքին կանոնագրութիւնը: Ի հարկէ Կենտրոնական Վարչութիւնը նորաստեղծ միութեան աշխատանքային ոլորտի համար ունի առաջարկներ, ինչպէս օրինակ՝ բարեգործական, հետազօտական, գաղափարական, ուսումնասիրական, հաճոյական, գիտական եւ … սակայն որոշողը պիտի լինէք դուք, որպէս միութեան անդամներ:»

Կենտրոնական Վարչութեան կազմից մի շարք ընկերներ նաեւ իրեց տեսակէտները յայտնեցին, ըստ հետեւեալիª

- «Կազմակերպութեան Կանոնագրում ասւում է, ընդհանուր հետաքրքրութիւն ու ձիրք ունեցող անհատների խմբեր, հաւաքւում են եւ դառնում մի միութիւն, այստեղ ընդհանուր կէտը ձեր տարիքն է, որը մօտաւորապէս 20-35 տարեկան է նկատի առնւել: Նաեւ այս միութեան աշխատանքները չի խաչաձեւելու Արարատի միւս միութիւնների աշխատանքներին, որովհետեւ առանցքը ընդհանրապէս ուրիշ է»:

- «Այս միութիւնը չի սահմանափակւելու միայն «Արարատ» Կազմակերպութեան անդամներով, լինելու են նաեւ մեր համայնքի երիտասարդները, որոնք ապագայում կաւելանան»:

- «Իւրաքանչիւր միութենական կարեւոր է Կազմակերպութեան համար, ապագայումª իրենք են լինելու վարչութեան կազմի անդամները եւ ղեկավարները»:

Այնուհետեւ առիթ տրւեց երիտասարդներին, որ առանց կաշկանդումների ազատ արտայայտւեն. տեղի ունեցաւ մտքերի փոխանակում միութենականների եւ Վարչութեան ընկերների միջեւ ըստ հետեւեալի.

-           Կ. Վարչութիւնը միութեան աշխատանքային բաժնում սահմաններ չի նշանակել, որը եւ բարդացնում է գործը: Բացատրւեց, որ ցանկացել են այդ առիթը վերապահել երիտասարդներին, որպէսզի իրենք ուսումնասիրեն եւ որոշումներ կայացնեն:

-           Այս միութեան եւ Կազմակերպութեան միւս երիտասարդ միութիւնների աշխատանքները կը խաչաձեւի:

-           Եթէ այս միութիւնը յանձնախմբային աշխատանքներով զբաղւի, արդէն կը ոչնչանան յանձնախմբային դրւածքները, որը շփումների եւ փորձառութիւնների փոխանակման վայր է:

-           Չպէտք է հէնց սկզբից բացասական մօտենանք խնդրին, պիտի ուսումնասիրենք եւ յետոյ ճիշտ ուղղութեամբ կողմնորոշւենք:

-           Պէտք է անպայման բացի Կազմակերպութեան ընկերներից, աւելանան դրսից երիտասարդներ, որովհետեւ նրանց մէջ էլ կարող ուժեր կը լինեն, նրանք էլ իրենց ներդրումը տարբեր բնագաւառներում ունենան:

Հանդիպման աւարտին որոշւեց ներկաներից 10 հոգուց բաղկացած կազմ նշանակել, որը այս մտահոգութիւնները եւ մտքերը աւելի մանրամասնօրէն ուսումնասիրի եւ գործադրութեան անցնելու համար ձեւեր մշակի: Կենտրոնական Վարչութիւնը եւս ներկայացրեց իր կազմից 3 ընկերների, որոնք կը մասնակցեն այս կազմի հանդիպումներին:

Վերջում ընկեր Համլետը յաջողութիւն մաղթեց կազմի անդամներին իրենց աշխատանքներում եւ շնորհակալութիւն յայտնեց ներկայութեան համար: