Հրատարակութիւն

PDF

Կենտրոնական Վարչութիւն

Ուրբաթ, դեկտեմբերի 21-ին, Հ.Մ.Ա.Կ.-ի «Շահբազեան» սրահում մտերմիկ հանդիպում կայացաւ Կենտրոնական Վարչութեան եւ Կազմակերպութեան միութիւնների մի շարք հրաւիրեալ երիտասարդ անդամների ներկայութեամբ, «Երիտասարդական միութիւն» կեանքի կոչելու նպատակով:

Կազմակերպութեանս նախագահ՝ ընկեր Համլետ Խալոյեանը Կենտրոնական Վարչութեան անունից շնորհակալութիւն յայտնեց ներկաներին, հրաւէրը ընդունելու եւ ներկայանալու համար, ապաª հանգամանօրէն բացատրեց հանդիպման նպատակը. «Անցեալ շրջանից Կենտրոնական Վարչութիւնը ուսումնասիրութիւններ կատարելով, եզրակացրեց, որ Կազմակերպութեան անդամների միջին տարիքը բարձրացել է: Երիտասարդ անդամների մի բաժինը, իրենց տարիքի բերումով, հեռանում են Կազմակերպութիւնից, յատկապէս Մարզական եւ Սկաուտական միութիւններից, արդիւնքումª 20-35 տարեկան երիտասարդները քիչ-քիչ հեռանում են միութենական կեանքից եւ աշխատանքներից: Նաեւª վերջին տարիներին Երէցների միութեան միջին տարիքը բարձրացել է, առ այդª յանձնարարեցինք Երէցների միութեանը, ուսումնասիրել նոր բաժանմունք կեանքի կոչելու գաղափարը այն տեսլականով, որ այդ բաժանմունքում եւ Երէցների միութեան ուղղակի վերահսկողութեան ներքոյ, համախմբւեն Կազմակերպութեան միւս միութիւններում ակտիւ մասնակցութիւն չունեցող անդամները եւ այդպիսով ունենալ «Երիտասարդական բաժանմունք», որը հետագային կը ստւարացնի նաեւ Երէցների միութեան շարքերը£ Երէցների միութիւնը ուսումնասիրութիւններից յետոյ յանգեց այն եզրակացութեան, որ իրենց համար հնարաւոր չէ այդպիսի բաժանմունք կեանքի կոչելը: Այդ իսկ պատճառով, այս հարցը, որպէս մտահոգութիւն ներկայացրեցինք Պատգամաւորական ժողովին եւ որպէս լուծումª առաջարկեցինք Կազմակերպութեան յարկի տակ կեանքի կոչել «Երիտասարդական միութիւն»: Պատգամաւորական ժողովը ընդառաջելով առաջարկը, այն ընդունեցª որպէս որոշում:

Ընկերը շարունակելով բացատրութիւնները, նշեցª որ անցեալ տարի նորակազմ Կենտրոնական վարչութիւնը ընթացիկ աշխատանքների ծաւալի նաեւ բազմազբաղութեան բերումով, հնարաւորութիւն չունեցաւ իրագործելու որոշումը եւ այնª փոխանցելւով այս տարւայ իրագործւելիք ծրագրերի շարքում, սկսեց աշխատանքը:

Ընկ. Խալոյեանը աւելացրեց՝ Կ. Վարչութիւնը քանի նիստ յատկացրել է այս հարցին եւ եզրակացրել է, որ այս երիտասարդ միութենականները այն ուժերն են, որոնք ժամանակին իրենց ներդրումն են ունեցել Կազմակերպութեան աշխատանքներում, ուստի այս միութիւնը կազմելու գործում եւս կարող են օգտակար հանդիսանալ: Նա շարունակեց. «Միութիւնը կեանքի կոչւելուց յետոյ, հէնց անդամների միջոցով պիտի ճշտւի միութեան Նպատակը, աշխատանքային ասպարէզներն ու բնագաւառները եւ վերջումª մշակւի նեքին կանոնագրութիւնը: Ի հարկէ Կենտրոնական Վարչութիւնը նորաստեղծ միութեան աշխատանքային ոլորտի համար ունի առաջարկներ, ինչպէս օրինակ՝ բարեգործական, հետազօտական, գաղափարական, ուսումնասիրական, հաճոյական, գիտական եւ … սակայն որոշողը պիտի լինէք դուք, որպէս միութեան անդամներ:»

Կենտրոնական Վարչութեան կազմից մի շարք ընկերներ նաեւ իրեց տեսակէտները յայտնեցին, ըստ հետեւեալիª

- «Կազմակերպութեան Կանոնագրում ասւում է, ընդհանուր հետաքրքրութիւն ու ձիրք ունեցող անհատների խմբեր, հաւաքւում են եւ դառնում մի միութիւն, այստեղ ընդհանուր կէտը ձեր տարիքն է, որը մօտաւորապէս 20-35 տարեկան է նկատի առնւել: Նաեւ այս միութեան աշխատանքները չի խաչաձեւելու Արարատի միւս միութիւնների աշխատանքներին, որովհետեւ առանցքը ընդհանրապէս ուրիշ է»:

- «Այս միութիւնը չի սահմանափակւելու միայն «Արարատ» Կազմակերպութեան անդամներով, լինելու են նաեւ մեր համայնքի երիտասարդները, որոնք ապագայում կաւելանան»:

- «Իւրաքանչիւր միութենական կարեւոր է Կազմակերպութեան համար, ապագայումª իրենք են լինելու վարչութեան կազմի անդամները եւ ղեկավարները»:

Այնուհետեւ առիթ տրւեց երիտասարդներին, որ առանց կաշկանդումների ազատ արտայայտւեն. տեղի ունեցաւ մտքերի փոխանակում միութենականների եւ Վարչութեան ընկերների միջեւ ըստ հետեւեալի.

-           Կ. Վարչութիւնը միութեան աշխատանքային բաժնում սահմաններ չի նշանակել, որը եւ բարդացնում է գործը: Բացատրւեց, որ ցանկացել են այդ առիթը վերապահել երիտասարդներին, որպէսզի իրենք ուսումնասիրեն եւ որոշումներ կայացնեն:

-           Այս միութեան եւ Կազմակերպութեան միւս երիտասարդ միութիւնների աշխատանքները կը խաչաձեւի:

-           Եթէ այս միութիւնը յանձնախմբային աշխատանքներով զբաղւի, արդէն կը ոչնչանան յանձնախմբային դրւածքները, որը շփումների եւ փորձառութիւնների փոխանակման վայր է:

-           Չպէտք է հէնց սկզբից բացասական մօտենանք խնդրին, պիտի ուսումնասիրենք եւ յետոյ ճիշտ ուղղութեամբ կողմնորոշւենք:

-           Պէտք է անպայման բացի Կազմակերպութեան ընկերներից, աւելանան դրսից երիտասարդներ, որովհետեւ նրանց մէջ էլ կարող ուժեր կը լինեն, նրանք էլ իրենց ներդրումը տարբեր բնագաւառներում ունենան:

Հանդիպման աւարտին որոշւեց ներկաներից 10 հոգուց բաղկացած կազմ նշանակել, որը այս մտահոգութիւնները եւ մտքերը աւելի մանրամասնօրէն ուսումնասիրի եւ գործադրութեան անցնելու համար ձեւեր մշակի: Կենտրոնական Վարչութիւնը եւս ներկայացրեց իր կազմից 3 ընկերների, որոնք կը մասնակցեն այս կազմի հանդիպումներին:

Վերջում ընկեր Համլետը յաջողութիւն մաղթեց կազմի անդամներին իրենց աշխատանքներում եւ շնորհակալութիւն յայտնեց ներկայութեան համար:

میهمانان وحضار گرامی

 

از طرف هیئت مدیره واعضاء باشگاه فرهنگی ورزشی آرارات از اینکه دعوت ما را پذیرفته ودر ایام خجسته دهه فجر که به مناسبت سی و پنجمین  سالگرد پیروزی انقلاب اسلامی است میهمان ما هستید سپاسگزاریم وخیر مقدم عرض می نمائیم .

باشگاه فرهنگی و ورزشی آرارات طبق آئین دیرینه  طی 35 سال گذشته همواره مراسم دهه فجر وپیروزی انقلاب را با شکوه هر چه تمامتر برگزار نموده و ضمن تدارک مسابقات ورزشی ، بازیهای دوستانه ، مشارکت در برنامه های هنری و فرهنگی در سطح کشور هر سال با حضوری پر رنگ تر در این ایام مبارک در صحنه حاضر بوده است .

این حضور ، در این ایام گواه پایداری – استقامت ومبارز بودن ملتی سر فراز ومعتقد است که با برگزاری جشنها واعیاد ، به شکوفاتر شدن  هر چه بیشتر انقلاب ، کمک نموده وجهانیان را شکفت زده می نماید .

مفتخریم از اینکه این ایام امسال مقارن با جشنهای هفتادمین سالگرد تاسیس باشگاه فرهنگی و ورزشی آرارات بوده واین مجموعه در حقیقت 2 مناسبت که هر یک به تنهائی مبین فصلی از تاریخ پر افتخار وسربلند ایرانیان وایرانیان ارمنی است را جشن گرفته و با تدارک گردهم آئیها ، بهره وری از برکت حضور سروران ومسئولین متعهد مملکت ، به استقبال این ایام پرشکوه می رویم  .

35 سال استقامت – تجربه – مبارزه وآنچه پشت سر گذاشته شد ما را بر آن وا می دارد که امروز خود را مقاومتر از دیروز دانسته و در تمامی عرصه ها بخصوص عرصه ورزش ، هنر وفرهنگ در این فضائی که امروز ما را احاطه نموده است کوشاتر باشیم که این " دین ما " به این مرز وبوم است .

همانا هفتاد سال انگیزه تلاش بی وقفه ،مباره با دشواری ها ، نیل به هدف ساختن محیطی پاک وسالم وخانه ای دوم برای نوجوانان و جوانان این باشگاه " دین ما " به جامعه ارامنه وجوانان ایرانی بوده که ما این رسالت را نیز با سربلندی تحقق بخشیده ایم .

با شد که همواره نام   نامی   نام آوران ، ورزش دوست ، هنرپرور و آنان که خدمتگزار وطن هستند ، پر آوازه بدرخشد .

میهمانان گرامی از اینکه در آستانه طلوع  خورشیدی دیگر از پیروزی پر افتخار انقلاب اسلامی  و شروعی نوین در کنار دولت قدرتمند تدبیر و امید  در جوار شما عزیزان هستیم مراتب مباهات خود را اعلام وامیدواریم در سال جدید ، بهار وحدت و همبستگی واتحاد آرمانها را تجربه کرده و با  هم در راه اعتلای اهداف مرز وبوم ایران عزیز پیروز وسربلند باشیم .

                                                                                                                                                                                                باسپاس

Հ.Մ.Ա.Կ.–ի նախաձեռնութեամբ՝

22 Բահմանի առիթով մեծարւեցին Հայ արւեստագէտներն ու լաւագոյն մարզիկները

 

Հայ Մշակութային  «Արարատ»  Կազմակերպութեան նախաձեռնութեամբ, եւ Իսլամական յեղափոխութեան 35 –րդ տարեդարձի առիթով, չորեքշաբթի  փետրւարի  19–ի երեկոյեան, տօնակատարութեան եւ գնահատագրերի տւչութեան արարողութիւն տեղի ունեցաւ «Արարատ» Մարզաւանի «Վաչիկ Ղարաբէգեան»ի սրահում։

Դրօշակի արարողութիւնից յետոյ Հ.Մ.Ա.Կ.–ի «Արարատ» երգչախումբը  Արաքս Խաչատրեանի խմբավարութեամբ կատարեց Իրանի իսլ. հանրապետութեան հիմներգը, եւ ապա հայերէն եւ պարսկերէն խմբերգեր։

Այնուհետեւ Կազմակերպութեան փոխ–նախագահ ընկ. Արմինէ Սէթխանեանը ողջունելով յեղափոխութեան տարեդարձը, ընդգծեց որ   Հայ Մշակութային  «Արարատ»  Կազմակերպութիւնը ամէն տարի մեծ շուքով կատարելով այս մեծ առիթի տօնախմբութիւնը և  իր  գործակցութիւնն է բերում այս առիթով կազմակերպւող միջոցառումներին։

Այնուհետեւ Կազմակերպութեան կենտրոնական վարչութեան նախագահ ընկ. Համլետ Խալոյեանի, պետական հիւրի եւ Թեմական Խորհրդի անդամ Ռուբէն Շահվերդեանի ձեռամբ  գնահատելու հետ միասին յուշանւէրներ յանձնւեցին տարւայ լաւագոյն արւեստագէտներին ու մարզիկներին, որոնք մեծարւել են պետական եւ մարզական շրջանակների կողմից։

Եւ այսպէս յուշանւէրներ յանձնւեցին երաժշտագէտ՝ Ռազմիկ Օհանեանին, Իրանի ֆուտբոլի հաւաքականի մարզչի օգնական՝ Անդրանիկ Թէյմուրեանին, Իրանի հաւաքականի ֆուտբոլիստ Մարգար Աղաջանեանին, եւ Հարմի Նազարեանին։ Յուշանւէրներ պիտի յանձնւէին նաեւ Օշին Սահակեանին եւ Արէն Դաւթեանին, որոնք մրցութիւնների մասնակցելու պատճառով ներկայ չէին։

Վերջում տեղի ունեցաւ ընդունելութիւն։

 

 

Կարինէ Բրուտեանի և Գագիկ Յարութիւնեանի հանդիպումը՝

Կենտրոնական վարչութեան և

միութիւնների ու մարմինների նախագահ ընկերների հետ

 

Երէկ 18 փետրւարի երեկոյեան, Արւեստից միութեան վարչութեան նախաձեռնութեամբ, Կենտրոնական վարչութիւնը և Կազմակերպութեան միութիւնների և մարմինների նախագահ ընկերները, հիւրընկալեցին Հայաստանից թեհրան ժամանած Հայաստանի Կոմիտասի անւան պետական կոնսերւատորիայի  հայ երաժշտական ֆոլկլորագիտութեան ամբիոնի դասախօս՝ տկն. Կարինէ Բրուտեան և մասնագիտութեամբ կինոռեժիսոր և վաւերագրական ֆիլմերի հեղինակ՝ պրն. Գագիկ Յարութիւնեանին: Հիւրերին ընկերակցում էր «Արարատ» երգչախմբի ղեկավար՝ օրդ. Արաքս Խաչատրեանը:

Կենտրոնական վարչութեան նախագահ՝ ընկեր Համլետ Խալոյեանը բարիգալստեան ողջոյններից յետոյ, գնահատեց Արւեստից միութեան մտայղացումը  Կիմիտասին նւիրւած կայանալիք աշխատանքի կապակցութեամբ և «Արարատ» երգչախմբի խմբավար՝ օրդ. Արաքս Խաչատրեանի ներկայութիւնը պատեհ համարելով, կրկին շնորհաւորեց Իրանի 29-րդ երաժշտական Ֆաջր համաշխարհային փառատօնին երգչախմբի մասնակցութեան և փետրւարի 16-ին Ռուդաքի դահլիճում ունեցած փայլուն ելոյթի կապակցութեամբ:

Արւեստագէտ և Կոմիտասագէտ հիւրերը հակիրճ կերպով բացատրեցին իրենց աշխատանքի բնագաւառը, ներկայացնելով մի տեսահոլովակ, ուր արտացոլում էր Կոմիտասի երգերն ու գործունէութիւնը: Հիւրերը մէկ շաբաթ հիւրնկալելու է  կազմակերպութեան յարկի տակ, Արւեստից միութեան հետ միասնաբար «Արարատ» երգչախմբի Կոմիտասի «Լոռու գութան» կատարումը նկարահանելու և համահայկական համաշխարհային մասշտաբով պատրաստւող ֆիլմում ներառելու նպատակով:

Վերջում տկն. Կարինէն՝ որպէս յիշատակ նւիրեց Գրիգոր Փիտէճեանի հեղինակութեամբ՝ «Քրիստափոր Կարա մուրզա» գիրքը և 2014 թւականի Յովհաննէս Թումանեանի «Տէրն ու Ծառան» հեքիաթ օրացոյցը: 

معاون دستیار ویژه رئیس جمهور در باشگاه «آرارات» - فوتبال «آرارات» در سراشیبی احیاء

 

آقای زارع به منظور ایجاد سهولت در كار احیاء فوتبال «آرارات» با هیئت امناء باشگاه دیدار كردند

«آلیك» - دو روز مانده به سالگرد پیروزی انقلاب اسلامی، هیئت فوتبال باشگاه «آرارات» تهران میزبان معاونت دستیار ویژه رئیس جمهوری آقای زارع بود.
در این دیدار كه با حضور نمایندگان شورای خلیفه گری ارامنه تهران برگزار شد، به منظور بررسی و رفع موانع احتمالی حضور فوتبال «آرارات» در میادین بزرگ كشوری انجام شد.
طی گفتگوهای انجام شده طرفین تداوم برگزاری جلسات كاری با شركت هیئت امناء «آرارات» و همراهی هیئت فوتبال باشگاه و پیشكسوتان و دست اندركاران برای ایجاد شرایط سهل در راه احیای مسیر پرافتخار گذشته تیم فوتبال «آرارات» تاكید داشتند.

Ուրախութեամբ ստացել ենք Հ.Մ.Ա.Կ.-ի ժամանակի «Սևան» երգչախմբի խմբավար՝ Գուրգէն Մովսիսեանի (այժմ Ա.Մ.Ն) Ամանորեայ շնորհաւորական բացիկը:

Իմ Արամը

 

Շատ առումներով ուրիշներից տարբերւում էր Արամը։ Մենք առաջին անգամ հանդիպեցինք վաղուց, շա՜տ վաղուց։ Ինքը 10-11 տարեկան էր, ես՝ 14-15։ Երկուսս էլ Թեհրանի Հայ մշակութային Արարատ կազմակերպութեան Սկաուտական միութեան անդամներ էինք, որը մեր ու էլի շատ ուրիշների կեանքում, մանաւանդ՝ որպէս մարդ ձևաւորւելու գործում, անգնահատելի դեր ունեցաւ։

 

Ես արդէն մէկուկէս-երկու տարւայ անցեալ ունեցող սկաուտ էի, ինքը, սկաուտ դառնալու տարիքին հասած լինելով, եօթ-ութ տարեկիցների հետ միասին «Գայլիկների վոհմակ» կոչւող կրտսեր սկաուտների շարքերից փոխանցւել էր սկաուտների մեր խումբը։ Մեր խմբապետի որոշումով նրանցից կազմւեց մի առանձին, նոր խմբակ, ու ես նշանակւեցի՝ սկզբում խմբակի պատասխանատուի օգնական, ապա պատասխանատու։ Ու այսպէս, մէկս միւսի կեանքում տեղ գտաւ։

 

Դեռ այդ տարիքից հանդարտաբարոյ էր, խելացի, կարգապահ, լաւ պահւածքի տէր։ Մէկ անգամ ընդմիշտ սիրեցի իրեն ու հոգեպէս ամուր կապւեցի իրեն։ Թէև կեանքի այդ տարիների համար մեր տարիքային տարբերութիւնը մեծ էր, բայց ժամանակի ընթացքում մեր յարաբերութիւնները պաշտօնականից հետզհետէ ընկերականի վերածւեցին։

 

Սկաուտական միութեան մէջ՝ դեռահասներին իրենց ունակութիւնները դրսևորելու հնարաւորութիւն ընձեռող այդ առողջ միջավայրում, Արամն ի յայտ բերեց կազմակերպչական ձիրք ու ղեկավարման շնորք, ինչով հետագայում միշտ էլ աչքի ընկաւ։ Մի քանի տարի յետոյ, երբ երաժշտական ուսում առնելու նպատակով Ամերիկա էր մեկնում, Սկաուտական միութեան մէջ նա արդէն սկաուտական խմբի ղեկավար էր։

 

Ես իրենից երկու տարի առաջ էի ուսումնառութեան նպատակով Անգլիա մեկնել։ Մօտ հինգ տարի իրար չէինք հանդիպել։ 1976 թւականի ամռանը երկուսս էլ Թեհրանում էինք: Հանդիպեցինք տարբեր առիթներով ու շատ անգամներ, ընկերական համախմբումներում ու երկուսով առանձին։

 

Այդ անգամ իրենց տանն էինք։ Շէնքի երկրորդ յարկում գտնւող իր հօրաքրոջ յարկաբաժնին կից իր առանձնասենեակում։ Խանդավառութեամբ ինձ պատմում էր երաժշտութեան մասին։ Փորձում էր իր աշխարհը բացել նաև իմ առաջ։ Նւագարկիչով հնչեցրեց Չայկովսկու 6-րդ սիմֆոնիան՝ «Պաթետիկը», և մեկնաբանեց այն։ Ու յաջողեց ինձ գերել ու իր աշխարհը մտցնել։ Դասական երաժշտութեան հանդէպ իմ սէրը, աւելի ճիշտ, իմ մէջ այդ սիրոյ արթնացումը ես պարտական եմ իմ Արամին։

 

Այդ ամռանը Արարատ կազմակերպութեան Արւեստից միութեան «Թիւ երկու» թատերախումբը պատրաստւում էր բեմադրել Հ. Վարդանեանի «Կիբոսա» թատերգութիւնը։ Արամին առաջարկել էին բեմադրութեան համար յատուկ երաժշտութիւն յօրինել, ու նա ընդունել էր։ Ես սկզբից այդ մասին չգիտէի, յետոյ իմացայ։

 

Միասին ճամբորդում էինք։ Իր ծնողներն այդ օրերին հանգստի համար Կասպից լճի հարաւային ափեզրի Դարեաքենար կոչւող հանգստեան գոտու իրենց առանձնատանն էին գտնւում։ Երկու օրով նրանց մօտ էինք գնում։ Ինքնաշարժն ինքն էր վարում։ Ճամփին ծարաւներս հագեցնելու և մի քիչ հանգստանալու համար ինչ-որ սննդավաճառի մօտ կանգ առանք։ Երկուսս էլ ինքնաշարժից դուրս եկանք, մի քիչ խօսեցինք, ու յետոյ մի քանի րոպէ լռութիւն տիրեց։ Յետոյ ինչ-որ բաներ քթի տակ հմհմացրեց և ինձ դառնալով ու ցուցամատը օդում ճօճելով՝ բացականչեց «գտա՛յ»։ Կիբոսայի երաժշտութեան մեղեդիներից մէկն էր գլխում հասունացրել։

 

«Կիբոսայի» բեմադրութեան ժամանակ ոչ մէկս Թեհրանում չէինք։ Հետագայում նւագարանների փոքր համոյթով կատարւած իր այդ ստեղծագործութեան ձայնագրութեան կրիչն ինձ տւեց։ Երևի դա պատւէրով յօրինւած իր առաջին ստեղծագործութիւնն էր։ Շատ անգամներ եմ լսել վեց-եօթ առանձին մասերից բաղկացած այդ ստեղծագործութիւնն ու ամէն անգամ միևնոյն բանի վրայ եմ զարմացել՝ ժամանակի ինչպիսի՜ շունչ ու դրամատիզմ կա այդ ստեղծագործութեան մէջ, նւագարանների ինչպիսի՜ խելամիտ ընտրութիւն...

 

Նոյն ամռանը յարմարւեց, և ես ու ինքը վեց ուրիշ ընկերների հետ Իրանի հիւսիս-արևմտեան ծայրամասում գտնւող Սբ. Ստեփանոս Նախավկայի վանքն այցելեցինք։ Կարճ, ընդամենը 3 րոպէ տևող շարժանկար ունեմ այդտեղ նկարահանւած պահերից։ Արամն այդտեղ էլ, նկարահանումից անտեղեակ, ինչ-որ բաներ է հմհմացնում։ Չեմ կասկածում, որ իր գլխում բիւրեղացող «Կիբոսայի» մի հատւածն է...

 

Յետոյ, որքան յիշում եմ, մի ամռան էլ Իրանում հանդիպեցինք ու այնուհետ երկար ժամանակ միմեանցից կտրւեցինք։

 

Մանկութեան, պատանեկութեան տարիներում ձևաւորւած ընկերութիւնների մէջ կախարդական, անհասկանալի, բայց գեղեցիկ մի բան կայ, որ ուրիշ ծանօթութիւնների ու կապակցութիւնների դէպքում չի լինում։ Որքան ժամանակ էլ որ այդ տարիների ընկերներիդ չես հանդիպում, մի տարի, հինգ տարի, տասը տարի, քսան տարի յետոյ էլ հանդիպելիս կարծես ժամանակն այդքան տարի մի տեսակ կանգնած է եղել։ Այսօրւայ ու տարիներ առաջ տեղի ունեցած վերջին հանդիպման միջև անցած-գնացած ոչինչ չկայ։ Մանկական ու պատանեկան անեղծ զգացումներով միմեանց կապւած նոյն մարդիկ, հոգեպարար նոյն ընկերութիւնը, որ յաճախ աւելի խոր է ու աւելի սերտ, քան հետագայում ձևաւորւած «նոր» ընկերութիւնները։

 

Յաջորդ հանդիպումը տեղի ունեցաւ Հայաստանում, որտեղ արդէն մի քանի տարի էր, որ ես հաստատւել էի։ 1994 թւականն էր։ Առաջին անգամւայ համար եկել էր ղեկավարելու Հայաստանի ֆիլհարմոնիկ նւագախումբը։ Մինչև ելոյթը միմեանց չէինք հանդիպել։ Համերգի աւարտից յետոյ, իրեն հանդիպելու նպատակով համերգասրահի կողքում գտնւող սենեակն անցայ: Շատ մարդ կար։ Շատերն էին եկել իրենց գոհութիւնն ու հիացմունքն արտայայտելու։ Որոշեցի սպասել։ Իրենից քիչ հեռու կանգնած կարօտով դիտում էի նրան։ Իմ Արամն էր. բարեհամբոյր, արժանապատիւ, սիրելի-սիրելի՜։

 

Իր հետ ու իր ներկայութեամբ եղած ու անցած կեանքիս դրւագները, մե՛ր՝ իմ ու իր կեանքի դրւագները, շարժանկարի պէս աչքերիս առջևով անցան, ու երբ ամենավերջին երկու-երեք անձինք էին իրենց սրտի խօսքն ասում, ես մօտեցայ։ Ինձ տեսաւ ու քարացաւ։ Արցունքները խեղդում էին ինձ։ «Արամ...», և ուրիշ ոչ մի խօսք արտաբերել չկարողացայ։ «Նորիկ»,- իրեն յատուկ շեշտադրումով բացականչեց նա, և ուրիշ ոչ մի խօսք... Գգւանքով գրկախառնւեցինք։ Արցունքները երբեմն աւելին են ասում, քան բառերը։

 

Յետոյ, երբ արդէն Հայաստանում հանգրւանեց, շատ անգամներ իրար հանդիպեցինք։ Մեր իւրաքանչիւր հանդիպումը վայելք էր ինձ համար, ուզում եմ կարծել՝ նաև իր համար։ Ամէն ինչի մասին զրուցում էինք՝ անցեալի, ներկայի, ապագայի, յատկապէս՝ իր աշխատանքի ու ծրագրերի մասին։ Երկուսս էլ խանդավառ էինք Հայաստանի անկախութեամբ, որի երազը փայփայողներից էինք։ Դեռ վաղուց երդւել էինք «հաւատարիմ մնալ Աստծուս, ազգիս և հայրենիքիս...»։ Մեր պատւով էինք երդւել։ Ես վկաներից մէկն եմ, որ մինչև վերջ տէրը մնաց իր երդման։

 

Խոր ցաւ եմ ապրում այն բանի համար, որ իր ազգին ու հայրենիքին անմնացորդ նւիրւած արժանաւոր այս հայը, գերազանցապէս բարոյական ու ազնիւ այս մարդը, շնորհալի արւեստագէտը, իմ Արամը, Հայաստանում իր ազգին ծառայելու, նրա հոգևոր վերելքի ճամբին իր լուման ներդնելու գործում աւելին անելու հնարաւորութիւնը չունեցաւ։ Փոքրոգի մարդիկ նենգ արարքներով իր մեծ հոգին խռովքի մատնեցին։ Խարդաւանքներին դէմ-հանդիման նա մնաց ներողութեան իր բարձունքներում, ինքն իրեն հաւատարիմ. մաքուր, վսեմ, արժանապատիւ։

 

Կեանքի հեգնանք էր, որ նա իր ստեղծագործական կեանքը շարունակելու համար վերահաստատւեց Ամերիկայում, թեկուզև ժամանակաւորապէս։ Ինքը տուժեց այնքանով, որ նիւթեղէն հայրենիքի տևական ներշնչանքից զրկւեց։ Մնաց հոգևոր հայրենիքը, որ միշտ էլ իր հետ էր եղել։ Իսկ մե՞նք։ Մենք շատ տուժեցինք։ Զրկւեցինք արւեստի ճամբով ներշնչանքի իր բաշխումից։ Գեղեցիկն ու կատարեալն ըմբոշխնելու վայելքից, որ իր համար նոյնանիշ էին։

 

Որպէս ստեղծագործող, արարող մարդ՝ հիմա նա չկայ։ Իր նւաճած իմացական ու մասնագիտական բարձունքից իր գործով ու արւեստով ուրիշներին բարձրացնելու անհոգնում մղումն ու սէրն այլևս թանձրացեալ մարմին չունի։ Այս փաստի հետ հաշտւելը ծանր է, շա՜տ ծանր։ Մենք աղքատացանք։

 

Բայց կայ մխիթարանք՝ կեանքի ընթացքում այն ամէնն, ինչ նա մեզ տւեց, մեզ նւիրեց, մնաց մեզ, կմնայ՛ մերը. անկորչելի, որքան որ ապրենք։ Իրմով մենք հարստացանք։

 

Ազնիւ, գաղափարական մարդու հմայիչ իր կերպարով, կեանքն արժեցնելու վարակիչ իր օրինակով նա մնայուն տեղ գրաւեց իմ և իրեն ճանաչողներից շատերի ներաշխարհում, որտեղ կապրի քանի դեռ կանք. աննման Արամը, ի՛մ Արամը։

 

«Հայելի»

 

 

 

Թեհրանի Քաղխորհրդի նախագահ Ահմադ Մասջէդջամէի-ի այցը «Արարատ» մարզաւանից

 

Թեհրանի Քաղխորհրդի նախագահ Ահմադ Մասջէդջամէին, Քաղխորհրդի տարբեր բաժինների պատասխանատուներ, իսլ. մշակոյթի եւ առաջնորդութեան նախարարութեան Կրօնական փոքրամասնութիւնների գրասենեակի նախկին պատասխանատու Սաիդ Թաղաւին, Թեհրանի քաղաքապետարանի երրրորդ շրջանի պատասխանատուներ ուրբաթ յունւար 24-ի առաւօտեան  Թեհրանի հայոց Թեմական խորհրդի  ներկայացուցիչների ընկերակցութեամբ այցելութիւն ունեցան «Արարատ» մարզաւանից:
«Արարատ» մարզաւանում'  հիւրերին դիմաւորեցին  Հ.Մ.Ա.Կ.-ի Կենտրոնական վարչութեան ներկայացուցիչներն ու Վարիչ մարմինների անդամները:

 

 

 

 

Հայկական մշակութային կեանքը մեծ կորուստ ունեցաւ

 

2014 թւականի յունւարի 11-ին, Հայկական մշակութային կեանքը մեծ կորուստ ունեցաւ:

Վաղահաս մահը, մեզանից առյաւէտ խլեց Կազմակերպութեանս Սկաուտական միութիւնում հասակ նետած,  անւանի դիրիժոր, երաժշտագէտ, միջազգային տարբեր մրցանակների դափնեկիր, Հ.Հ. արւեստի վաստակաւոր գործիչ՝ ԱՐԱՄ ՂԱՐԱԲԷԳԵԱՆ-ին, խոր վիշտ պատճառելով մեր մեծ ընտանիքի անդամներին եւ բոլոր նրանց ովքեր ճանաչում էին իրեն եւ իր արւեստը:

Արամ Ղարաբէգեանը ծնւել էր 1955 թւականին Թեհրանում: Նա՝ որդին էր Հայ մշակութային «Արարատ» կազմակերպութեան հիմնադիր, ազգային-հասարակական գործիչ եւ Կենտրոնական վարչութեան երբեմնի նախագահ՝ հանգուցեալ Վաչիկ Ղարաբէգեանի:

Արամ Ղարաբէգեան երաժշտական կրթութիւնը ստացել էր Բոստոնի “ New England”  կոնսերւատորիայում, որից յետոյ ուսումը շարունակել էր Գերմանիայի Մայնց քաղաքում: Դիրիժորական արւեստ էր սովորել Ֆրանկօ Ֆերարային մօտ: Գերմանիայում եղել էր հանրայայտ Ս. Չելիբիդակէի ուսանողը: Սովորել էր նաեւ Ջ. Դրուգմանի եւ Լ. Բերնշտայնի մօտ:

Եղել էր Հայաստանի պետական Կամերային նւագախմբի ղեկավարն ու դիրիժորը:

1983 թւականին հիմնել էր Բոստոնի «ՍինՖոնովա» նւագախումբը, որը ղեկավարել էր մինչեւ 1991 թւականը:

Աշխատել էր Կիեւի ռադիօ եւ հեռուստատեսութեան սիմֆոնիկ նւագախմբի հետ, ղեկավարել էր Ուկրայինայի ազգային սիմֆոնիկ նւագախումբն ու Օպերային եւ բալետի թատրոնը եւ Ուկրայինայի մշակոյթի նախարարը դիրիժորին նշանակել էր իր գլխաւոր խորհրդական:

Տարբեր երկրներում, որպէս հրաւիրւած դիրիժոր աշխատել էր նոյն երկրների նւագախմբերի հետ:

Երաժշտական աշխարհը կորցրեց վաստակաւոր մի գործիչª որի բացակայութիւնը դեռ երկար կը զգացւի ամենուր:

Ցաւակցում ենք Արամ Ղարաբէգեանի ընտանիքին ու անմիջականներին եւ նրա արւեստը ճանաչող արւեստագէտ-արւեստասէրներին:

Ցաւօք կրկին կորցրինք մեր հաւատարիմ ընկերներից՝

Րաֆֆի Գասպարեանին

 

70 ամեայ «Հայ Մշակութային Արարատ Կազմակերպութիւն»-ը մէկ առ մէկ կորցնում է իր հին ու ազնիւ անդամներին: «Արարատ»-ի մեծ ընտանիքը 2014-ը դիմաւորեց թախիծով, կիրակի 5 յունւարի 2014 թ.-ին կորցնելով իր հաւատարիմ անդամներից՝ Րաֆֆի Գասպարեանին:

Աւաղ, սա բնական ընթացքն է կեանքի: Գնում են հները եւ նորերն են գալիս նրանց փոխարինելու. նորեր, որ դաստիարակւել են հէնց նոյն հների շնչով:

Ընկեր Րաֆֆին իր ներկայութեամբ ամենուրեք աշխուժութիւն եւ եռանդ էր սփռում, ի մասնաւորի իր հետ աշխատող երիտասարդների շարքերում: Շնորհիւ իր ընկերական եւ ջերմ բնաւորութեան, նա սիրելի անձը դարձաւ նաեւ «Արարատ»-ի երկրորդ սերունդի անդամների:

Եղել է Երէցների եւ Կենտրոնական վարչական կազմերի անդամ եւ 28-րդ նստաշրջանին նախագահ Կենտրոնական վարչութեան:

Կրկին կեանքը յուշում է իր անշեղ օրէնքները: Սիրելի Րաֆֆին մեզնից առյաւէտ հեռացաւ՝ թողնելով իր յետին, լաւ ընկերոջ եւ բարի մարդու անունը: Անշուշտ նրանից մնացած վառ յուշերը դեռ երկար են մնալու հին Արարատականների սրտերում ու մտքերում:

Մեր յարգանքի տուրքն ենք մատուցում նրա անմոռաց յիշատակին եւ սգում նրա ցաւալի կորուստը:

                        Յիշատակդ վառ սիրելի ընկեր Րաֆֆի …