Հրատարակութիւն

PDF

Կենտրոնական Վարչութիւն

Թ.Հ.Թեմի հրաւէրով և Հուր հաստատութեան նախաձեռնութեամբ Համաշխարհային  Հանրութեան հետ կապի և Թանգարանային օրւայ առիթներով երէկ մայիսի 17-ին մի խումբ պարսիկ  թղթակիցներ այցելեցին Սուրբ Աստւածածին եկեղեցի , «Արտակ  Մանուկեան»-ի անւան թանգարան և «Արարատ» մարզաւան:

Այցելուներին դիմաւորեց կազմակերպութեան Կենտրոնական վարչութեան դիւանը և մի խումբ ընկերներ:

Մարզաւանի տարածքի և «Արարատ»-ի աշխատանքների վերաբերեալ  լրագրողներին լայն բացատրութիւն տւեց փոխ նախագահ՝ ընկեր Ալէքս Կարապետեանը:

 Մարզաւանում այցելուները համեստ ընդունելութեամբ  հիւրասիրւեցին «Շահբազեան» սրահում:

Ուրբաթ մարտի 11-ին առաւօտեան ժամը 11:00 ին «Արարատ» մարզաւանի «Շահբազեան» սրահում Հ.Մ.Ա.Կ.-ի Վարչութեան հրաւէրով տեղի ունեցաւ միութիւնների և մարմինների երրորդ միջվարչական հանդիպումը:

Հանդիպման ընթացքին , Կենտրոնական վարչութիւնը փոխանցեց իր զեկոյցը , այնուհետև լսեց միութիւնների ու մարմինների զեկոյցները:

Եղան հարցումներ և պատասխաններ, հանդիպումը աւարտւեց ժամը 14:00-ին

 

 

 

  Երկուշաբթի մարտի 7-ին «Արարատ» մարզաւան ներկայ գտնւեցին պարոնայք՝ Մարք Թիմըր-ը UEFA և Շահին Ռահմանին AFC-ի ներկայացուցիչները, որոնք Պարսկաստան էին ժամանել ֆուտբոլի ֆեդերացիայի հրաւէրով, յիշեալները իրենց ցանկութեամբ այցելել են մարզաւան, որոնց դիմաւորել են «Արարատ» ֆուտբոլի նախագահ՝ Դարւին Աւագեանը և Արմէն Սարուխանեանը: Մարզաւանը այցելելուց յետոյ ծանօթացել են հնարաւորութիւնների հետ և խօսւել է ընդհանրապէս ֆուտբոլի աշխարհի մասին, նաև ծանօթացել են «Արարատ» ֆուտբոլի կազմակերպչական աշխատանքների հետ:

 

 

 

  Ս. թ. չորեքշաբթի, մարտի 2-ին «Ալիք»-ի խմբագրութիւն այցելեցին Հ. Մ. «Արարատ» կազմակերպութեան Կենտրոնական վարչութեան անդամները: Ջերմ ու հարազատ մթնոլորտում ծաւալւեց զրոյց-մտքերի փոխանակում՝ ընդհանրապէս մամուլ-միութիւն եւ մասնաւորապէս «Ալիք»-«Արարատ» համագործակցութեան մասին:
 «Ալիք»-ի խմբագիրը յատուկ շնորհակալութիւն յայտնեց՝ «Արարատ»-ի հանրութեան հետ կապի կողմից կանոնաւոր հաղորդագրութիւնների վերաբերեալ, որոնք տեղեկատւութիւններ են հաղորդում կազմակերպութեան տարբեր միութիւնների ու բաժանմունքների գործունէութեան մասին:
  Հ.Մ.Ա.Կ.-ի Կենտրոնական վարչութեան նախագահ ճրտգ. Գէորգ Վարդանը եւս կազմակերպութեան ծրագրային աշխատանքների համատեքստում թւարկեց կատարւած ու կատարւելիք նախաձեռնութիւնները, որոնց մասին էլ երկուստեք պայմանաւորւեց, որպէսզի հանգամանալի հարցազրոյցի ընդմիջից աւելիով իրազեկ դարձնել հասարակայնութեանը:

Հ.Մ.Ա.Կ.-ի Արարատ ֆուտբոլի  թիւ 1 խումբը մարզիկներ ընդունելու համար երեկ  փետ.21 ին մարզաւանում կատարեց  ընդունման քննչական փուլը , մարզիչ`  պրն.Դինւար զադէյի գլխաւորութեամբ:

 2016 թ. երկուշաբթի՝ փետրւարի  8-ին Ուրմիոյ Արարատի մասնաճիւղում տեղի ունեցաւ 2 մարզաճիւղերի ՝ Փինգ փոնգ-ի և Ճատրակի մրցութիւնների բացման արարողութիւնը, նւիրւած Իրանի Իսլամական Հանրապետութեան յեղափոխութեան 37-ամեակին:

Ուրբաթ փետրւարի 12-ին «Վ . Ղարաբէգեան   » սրահում տեղի ունեցաւ Թ.Հ.Թ  Կրթական խորհրդին կից մշակութային  յանձնախմբի կազմակերպած աշակերտական մշակութային փառատօնը:

Ուրբաթ յունւարի 1-ին Հ.Մ.Ա.Կ-ի կենտրոնատեղիում տեղի ունեցաւ 2016 թւականի առաջին հանդիպումը:

Թեհրանի քաղ.խորհրդի անդամ պրն. Մասջէտ-ջամէիի Թեհրան քաղաքի շրջագայութեան հերթական վայրը Արարատ կենտրոնատեղիի թաղամասն էր:

Ամանորի առիթով Պրն Մասջէտ-ջամէիին և Թեհրանի քաղաքապետրանի պաշտօնեայ անձինք այցելութեան եկան Կենտրոնատեղի: Հիւրերին դիմաւորեցին Կենտրոնական Վարչութեան նախագահ ընկեր Գէորգ Վարդանը և ընկերներ՝  Ալեքս Կարապետեանը, Ժանետ Թարվերդեանը , Հրաչ Ղարախանեանը, Սևան Ծառուկեանը և Արարատ կենտրոնատեղիի վարիչ մարմնի նախագահ Ընկ. Վանիկ Սարխոշեանը:

Հիւրերը այցելեցին Կենտրոնատեղիի տարբեր մասեր, մասնաւորապէս Թեհրանի մշակութային ժառանգութեան կազմակերպութեան (سازمان میراث فرهنگی استان تهران) միջոցով կառուցւած տարածքներ և կենտրոնատեղիի բեմահարթակ, որը համարւում է Թեհրանում առաջին շարժական բեմը:

Պրն. Մասջէդ-ջամէին, ողջունելով այս առաւելութիւնները և իր շնորհաւորանքները յղելուց յետոյ խոստացաւ հերթական հանդիպումներ ունենալ Կենտրոնատեղիում և Արարատի պաշտօնեայ անձանց հետ:

Իր հերթին Ընկ. Գէորգ Վարդանը Շնորհակալութիւն յայտնելով այցելութեան կապակցութեամբ Արարատ կազմակերպութեան աշխատակազմի պատրաստակամութիւնն յայտնեց հետագայ  հանդիպումների համար:

 

Երկրի նախագահի առաջին օգնական՝ Հոջաթօլէսլամ Իւնեսին որպէս օրւայ հիւրընկալ շնորհաւորեց Յիսուս Քրիստոսի ծնունդը և շեշտեց ,որ  միաբանութիւնը և միասնականութիւնը բոլոր կրօնների մէջ եղել է մարգարէների հիմնական քարոզը:

Ծրագրիրը սկսւել է  Ղուրանից և Աստւածաշնչից հատւածների ընթերցմամբ ապա հնչել է Իրանի հիմներգը ցրւել է փոքրամասնութիւնների մասին մի տեսաերիզ և հերթաբար արտայայտւել են դկտ. Իւնեսին, հոգևոր հայրերը և փոքրամասնութիւնների ներկայացուցիչները վերջում յուշանւերներ է յանձնւել փոքրամասնութիւններիընտրեալմարզիկներին, ուսանողներին և արւեստագէտներին: Միասնական լուսանկարով փակւել է համախմբւան նիստը, որը կայացաւ Իրանի Ազգային գրադարանի դահլիճում երկուշաբթի յունւարի 4-ին ժամը 15-ից 17-ը:

Նշենք որ Հ.Մ.Ա.Կ.-ի ներկայացուցիչներն էին ընկերներ՝ Մայիս Մինասեանը և Արա Ջահանեանը: