Հրատարակութիւն

PDF
Արւեստից Լուրեր
Արւեստից Լուրեր
Մարզական Լուրեր
Սկաուտական Լուրեր
Երէցների Լուրեր
Մասնաճիւղերի Լուրեր
Ընդհանուր Լուրեր

Օգոստոսի 16-ին, տեղի ունեցաւ Կրտսերների հատւածի թիւ 1 խմբի բնապահպանական վերամշակման աշխատանքը:
Ծրագրի նպատակն էր Կրտսերների մօտ սերմանել եւ զարգացնել բնապահպանութեան մշակոյթի էկոլոգիապէս գրագէտ անձի եւ սերնդի ձեւաւորմանը:
Նրանք սկզբում պլաստիկ շշերը վերամշակեցին դրանց վերածելով ծաղկամանների, որից յետոյ բոյսեր ցանեցին պլաստիկ ծաղկամանների մէջ:
Ծրագրի նպատակներից էր նաեւ Կրտսերների մօտ զարգացնել պատասխանատւութեան զգացումը հէնց բոյսերի հանդէպ հոգատարութեամբ:

Հայաստանի 7-րդ  Համահայկական խաղերին մասնակցող  Թեհրանի մարզիկները և պատւիրարկութեան պատասխանատուները ու մի շարք հիւրեր,երեքշաբթի օգոստոսի 13-ին այցելեցին Թեհրանի խմբի 7-րդ Համահայկական խաղերի հովանաւոր՝ ընկ.Հենրիկ Տ.Ղուկասեանին և  «ԱՐՄ ՕՅԼ» գործարանը :

Ուրբաթ, օգոստոսի 9-ին, տեղի ունեցաւ Սկաուտական միութեան կրտսերների հատւածի թիւ 1 խմբի նկարչութեան դասընթացը, որի դասատուն էր Թենի Յարութիւնեանը:
Դասատուն սկզբում կրտսերներին ներկայացրեց կերպարւեստի եւ գեղանկարչութեան մասին հետաքրքիր տեղեկութիւններ, այնուհետեւ փոքրիկներին օգնեց թղթին բերել իրենց գունաւոր պատկերացումները:
Դասարանի կազմակերպումը նպատակ ունէր կրտսերների մօտ զարգացնել շրջապատի նկատմամբ գեղեցիկը նկատելու, զգալու եւ գնահատելու ունակութիւնները:
Նշենք, որ նկարչութիւնը, որպէս արւեստի ճիւղ կարեւոր դեր ունի կրտսերների համընդհանուր դաստիարակութեան գործում, որի ժամանակ շեշտադրւում է փոքրիկների գործնական կարողութիւնների և գեղարւեստական ընկալման հմտութիւնների ձեռքբերմանը:

 

Երէցների միութեան ամսական հանդիպումը տեղի ունեցաւ երկուշաբթի, օգոստոսի 5-ին «ՎաչիկՂարաբէգեան» սրահում։ Ծրագրից առաջ, տեղի վրայ կատարւում էր արեան շաքարի քննութիւն, որին ընդառաջեցին ներկաներից շատերը։
Միութեան փոխնախագահ ընկ. Ժանեթ Թարվերդեանը մի շարք փոխացումներ կատարելուց յետոյ ներկայացրեց օրւայ բանախօս, սննդառութեան վաստակաւոր մասնագէտ՝ընկ. Անահիտ Գրիգորեանին, փոխանցելով կենսագրական տւեալներ, ապա ելոյթ ունեցաւ բանախօսը "Առողջ սննդառութիւն" թեմայով։
Նիւթը բնականաբար բոլորին հետաքրքրում էր։ Ընկեր բանախօսը սահմանափակ միջոցում լայն բացատրութիւններ տւեց, յատկապէս միջին տարիքի անհատների սննդակարգի վերաբերեալ։
Ծրագրի վերջին բաժինը բաժանմունքների պատրաստած ընթրիքն էր, որ ներկաները հաճոյքով վայելեցին, փոքր ինչ խախտելով բանախօսութեամբ փոխանցւած խորհուրդները։
Նշւեցին նաեւ Յուլիս և Օգոստոս ամսւայ տարեդարձները։

Ուրբաթ օգոստոսի 2-ին Արենուշների հատւածի թիւ 3 խմբի մօտ կար շատ բարձր տրամադրութիւն: Նրանք օրւայ սկզբում մասնակցեցին պարի դասարանին, որին յաջորդեց նախնական օգնութեան դասարանը:
Դասարանի ժամանակ սկաուտները սովորեցին արեւահարութեան դէմ պայքարի միջոցների եւ դրա պատճառների մասին:

Երէկ` ուրբաթ օգոստոսի 2-ին տեղի ունեցաւ Սկաուտական միութեան Կրտսերների հատւածի թիւ 2 խմբի միասնական աշխատանքը «Թունեան» դպրոցի աշակերտուհիների հետ:
Օրւայ սկզբում սկաուտներն ու աշակերտները ծանօթացան միմեանց հետ այնուհետեւ խաղացին ջրախաղ, որին յաջորդեց խեցէգործութեան դասարանը, ինչն էլ նրանց ոգևորեց:
Օրւայ վերջում սկաուտների համար նախատեսւած էր նամակախաղ:

Երեքշաբթի յուլիսի 30-ի ժամը 19։00-ին, Հ.Մ.Ա.Կ.-ի Մարզական միութեան վարչութեան հրաւէրով կայացաւ յանձնախմբերի հետ հանդիպում:Նախ Ընկեր Հարմիկ Սարգսեանը շնորհակալութիւն յայտնեց ներկայութեան համար ապա յայտնեց ,որ մարզաձևերի միջյանձնախմբային հանդիպումները պարբերաբար կը կայանան :
Մարզաձևրը զեկուցեցին իրենց կատարած աշխատանքները ապ տեղի ունեցաւ Գերդաբադ մասնաճիւղում միջմասնաճիւղային խաղերին մասնակցող մարզիկների գնահատման երեկոն: Վարչութեան կողմից մարզիկներին յանձնւեց գնահատագրեր:
Նշելի է, որ սոյն խաղերին մասնակցել էին ֆուտբոլի,բասկետբոլի ( երիտ. տղ.աղջ. )և սեղանի թենիսի խմբերը:

Էջ 1, 81-ից