Հրատարակութիւն

PDF
Արւեստից Լուրեր
Արւեստից Լուրեր
Մարզական Լուրեր
Սկաուտական Լուրեր
Երէցների Լուրեր
Մասնաճիւղերի Լուրեր
Ընդհանուր Լուրեր

Հ.մ.«Արարատ»Կ.-ի Արւեստից միութեան նախաձեռնութեամբ՝ուրբաթ մայիսի 17-ի առաւօտեան "Ս.Խաչ" Մատուռի շրջափակում տեղի ունեցաւ արդեն աւանդոյթ դարձած Նախաճաշի միջոցառումը։
Ապա յամաձայն յայտարարութեան Քոչարի երաժշտութեան ներքոյ կատարւեց "Արի պարի Քոչարի" Համահայկական ֆլէշ մոբ միջոցառումը։
Պարախմբի անդամները,սկաուտները և ներկաները միանալով միմեանց նախ սովորեցին և ապա պարեցին Քոչարի։
ներկաները մեծ գոհունակեւթեամբ ու բաւարարութեամբ հրաժեշտ տւեցին միմեանց։

Շաբաթ մայիսի 11-ին տեղի ունեցաւ Երէցների միութեան « Գրական Շրջանակ»-ի հերթական հանդիպումը:

Ներկայացւեց Դանիէլ Վարուժանի (1884-1915) կենսագրականը և բանաստեղծութիւններից ընթերցումներ եղան:

Ունկնդրւեցին Ռազմիկ Արզուեանի ձայնով Դ.Վարուժանից ասմունքներ:

Յաջորդ հանդիպումը՝ մայիսի 25-ին ,նիւթը՝ Սիամանթօ:

Հ.Մ.Ա.Կ-ի Երէցների միութեան Շրջագայութեան յանձնախումբը չորեքշաբթի մայիսի 8- ին կազմակերպել էր այցելութիւն դէպի «باغ موزه گياه شناسي» :
45 հոգուց բաղկացած խումբը ժամը 13:30-ին Ազգ.Առաջնորդարանի շրջափակից հանրակառքով մեկնեց նշւած վայր, այցելուները շրջեցին հոյակապ և հրապուրիչ այգին և ստացան համապատասխան բացատրութիւններ :
Այգու գեղեցիկ ծաղիկների և բոյսերի զանազանութիւնը հրապուրել էր բոլորին:
Մասնակիցները հիւրասիրւեցին :
Շրջագայութիւնը աւարտւեց ժամը19:00ին,ընկերները միմեանց հրաժեշտ տւեցին բաւարարւած և բաձր տրամադրութեամբ:

1951 թւականի ապրիլի 14-ին Թեհրանում Հ.Մ.Ա.Կ.- ի յարկի ներքոյ հիմնադրւեց Սկաուտական առաջին խմբակը, որը կոչւեց «ԱՐԻ 1»։
Երէկ՝ մայիսի 3-ին Արիները նշեցին իրենց խմբի ծնունդը ,հին եւ նոր սերունդի սկաուտների մասնակցութեամբ, ընդառաջ գնալով հայ սկաուտի գաղափարներից մէկին, որտեղ ասւած է՝ «Բոլոր սկաուտները մէկ օղակի շուրջ են հաւաքւում»

Մայիսի 3-ին տեղի ունեցաւ Հ.Մ.Ա.Կ-ի Սկաուտական միութեան «Ընտանիքի օր»-ւայ տօնակատարութեան ձեռնարկը։ Ծրագրի սկզբում բացման խօսքով հանդէս եկաւ Վ.Ա. Գայիանէ Դաւթեանը ,որտեղ ընդգծեց. «Մարդու կատարելագործմանը նպաստող առաջին և հիմնական կառոյցն է ընտանիքը, որի գրկում մարդը ստանում է ճշմարտութեան և բարու մասին առաջին և որոշիչ գիտելիքները, սովորում է , թէ ի՜նչ է նշանակում սիրել և սիրւած լինել»։
Ծրագրին ներկայ էին միութեան ծնողները և սկաուտները , որոնք վայելեցին սկաուտների գեղարւեստական կատարումները։ Ծրագրի ընթացքում նախատեսւել էր տախտակի, սկաուտական կապի և հրացանաձգութեան զբաղմունքներ, որոնցից յետոյ տեղի ունեցաւ զւարճալի մրցոյթներ և մասնակիցները միասնաբար պարեցին հայկական քոչարի։ Ծրագրի վերջում տեղի ունեցաւ ճաշկերոյթ ,որին մասնակցեցին ներկաները։

Հայ ժողովրդի երկրորդ կեանք ստանալու կամքի խորհրդով. «Արարատ»-ի Սկաուտները կատարեցին ծաղկահաւաք եւ ծառատնկութիւն

Հինգշաբթի ապրիլի 25-ին, Հ.Մ.Ա.Կ.-ի Սկաուտական միութիւնը, կազմակերպել էր «Ծաղկահաւաք» միջոցառումը:
Սկաուտների համատեղ ջանքերով Սուրբ Սարգիս եկեղեցու շրջափակում տեղադրւած Հայոց Ցեղասպանութեան յուշարձանի մօտից հաւաքւեց ապրիլի 23-ին եւ 24-ին խոնարհւած ծաղիկները, այնուհետեւ դրանց ցողունը անջատւեց ծաղկաթերթերից, որից յետոյ ծաղիկները փոխադրւեց «Արարատ» մարզաւան:

Երէկ առաւօտեան ապրիլի 26-ին սկաուտները ծաղկաթերթիկները միախառնեցին հողին, այնուհետեւ կատարեցին ծառատնկութիւն:
Ծառատնկութեանը ներկայ էին «Արարատ» կազմակերպութեան նախագահ ընկեր. Հարմիկ Զովէլեանը, կենտրոնական վարչութեան ներկայացուցիչներ եւ Հայոց Ցեղասպանութեան 104-րդ տարելիցի ոգեկոչման յանձնախմբի անդամներից, եւ սկաուտական միութեան բոլոր սկաուտները:
Նշենք որ, Նախաձեռնութիւնը մէկտեղում է ծաղիկներին «երկրորդ կեանք» հաղորդելու խորհուրդը և բնապահպանական վերամշակման միջոցով կրկին օգտագործելու առաքելութիւնը:
Սկաուտները այս խորհրդանշական նախաձեռնութեամբ ցանկանում են ներկայացնել հայ ժողովրդի երկրորդ կեանք ստանալու կամքը: Քանի, որ հայ ժողովուրդը, անցնելով տառապանքների ու ցաւի, կորուստների ու դժւարութիւնների միջով, շարունակեց ապրել եւ արարել:
Վերջում միութեան սկաուտապետի եւ կազմակերպութեան նախագահի միջոցով կատարւեց ծառատնկութիւնը, որից յետոյ միութեան բոլոր անհատները ծաղկաթերթիկները միախառնեցին հողին:

Իրանի տարբեր նահանգներում տեղի ունեցած ջրհեղեղից տուժած մեր հայրենակիցներին օժանդակութիւն ցուցաբերելու նպատակով, Հ.Մ.Ա.Կ.-ի Սկաուտական միութիւնը ուրբաթ ապրիլի 12-ին առաւօտեան ժամը 9-ից 13–ը յայտարարել էր  առաջնային օգնութեան իրերի հաւաք   ,իրերը ուղարկւելու են Կարմիր Մահիկ: 

Ուրբաթ ապրիլի 12-ին Հ. Մ. «Արարատ» Կ.-ի Արւեստից միութեան «Արարատ »պարախմբի թիւ 3 և 4 խմբերի և «Էլպիս Ֆերահեան» նախակրթարանի աշակերտների մասնակցութեամբ տեղի ունեցաւ պարահանդէս« Էլպիս Ֆերահեանի» «Արմէն և Վահէ Սարգսեաններ» սրահում:
Հանդէսին խմբերը մասնակցեցեին 10 պարերով: Ծրագիրը նւիրւած էր մանկապարտեզի հիմնադրման 75-ամեակին։

Հ. Մ. «Արարատ» Կ.-ի Արւեստից միութեան «Արարատ» երգչախմբի անդամները ուրբաթ, ապրիլի 12-ին Մայրերի տօնի առիթով ներկայ եղան «Սօսէ Մայրիկ»տարեցների տանը:
Խումբը մի քանի երգերով ելոյթ ունեցաւ սիրելի ծերերի համար ,որը և մեծ եռանդ ստեղծեց բոլորի սրտերում և մեծ բաւարարութիւն հոգիներում:


Հ.Մ.Ա.Կ.-ի Երէցների միութեան Ապրիլ ամսւայ Ընդհանուր հանդիպումը տեղի ունեցաւ 8 ապրիլի 2019 թ.-ին «Արարատ» մարզաւանի «Վաչիկ Ղարաբէգեան» սրահում, միութեան անդամների և իրենց հիւրերի ներկայութեամբ:
Միութեան վարչութեան նախագահ՝ ընկեր Նորիկ Մանասերեանը, ողջունելով ներկաներին և շնորհաւորելով բնութեան վերածնունդն ու գարնան գեղեցիկ օրերն ու Հայ Մայրերի Տօնը, իր ցաւակցական խօսքը փոխանցեց Իրանի տարբեր քաղաքներում և գիւղերում տեղի ունեցած հեղեղի աղետալի պատահարներից տուժածներին և յայտարարեց, որ Թեհրանի Հայոց Թեմի Թեմական խորհրդի միջոցով հաշւեհամար է ներկայացւել՝ ժողովրդական օժանդակութեան համար:
Ապա տեղեկացրեց Երէցների միութեան վարչութեան հրաւէրով սրահում ներկայ են Մարզական միութեան վարչութեան անդամները, բասկետբոլի մարզկուհիները, իրենց պատասխանատու և մարզիչը և մարզկուհիների մայրերը :
Յատկանշական է, որ Ապրիլ ամսւայ հանդիպումը նւիրւած է Հայոց Ցեղասպանութեան 104-րդ տարելիցի յիշատակին:
Միութեան վարչութեան փոխ նախագահ՝ ընկեր Ժանետ Թարվերդեանը ամփոփ կենսագրականով ներկայացրեց յարգարժան բանախօս՝ օրդ. Վարսիկ Աբադին: Վաստակաւոր ուսուցիչ, ազգային-հասարակական կեանքում իր ներդրումը ունեցող բանախօսը ներկայացրեց «Եղեռն և Հայ Կին» նիւթը. Իր ելոյթի ընթացքին մանրակրկիտ անդրադարձաւ հայ կնոջ անցած ցաւալի ու դաժան ուղին՝ Եղեռնի ընթացքին, կորցնելով ամուսնուն, հօրը և եղբօրը, որպէս կին և մայր, մինչ ներկայ ժամանակաշրջան:
Ծրագրի երկրորդ բաժնում գնահատւեցին Հ.Մ.Ա.Կ.-ի Մարզական միութեան օրիորդաց բասկետբոլի երէց խմբի պատասխանատու, մարզիչ ու մարզկուհիները, որը Իրանի երկրորդ լիգայում յաղթել ու անցել են առաջին լիգա:
Մարզական միութեան նախագահ՝ ընկեր Հարմիկ Սարգսեանը ևս իր գնահատանքի և շնորհակալական խօսքը ուղղեց Երէցների միութեան վարչութեան և ներկաներին:
Մայրերի և Գեղեցկութեան Տօնի առիթով վարչութեան միջոցով պատրաստւել էր գեղեցիկ ծաղկեփնջեր և ծաղկամաններ, որը նւիրւեց յարգելի մարզկուհիներին, իրենց մայրերին և սիրելի անդամուհիներին:
Ծրագրի վերջին բաժինը յատկացւած էր ընդունելութեան և տարեդարձների նշմանը, որը ինչպէս միշտ հաճելի ու ջերմ մթնոլորտում կատարւեց:

Էջ 1, 77-ից