Հրատարակութիւն

PDF
Արւեստից Լուրեր
Արւեստից Լուրեր
Մարզական Լուրեր
Սկաուտական Լուրեր
Երէցների Լուրեր
Մասնաճիւղերի Լուրեր
Ընդհանուր Լուրեր

 

 Ուրախութեամբ տեղեկացնում ենք,որ թւականիս փետրւարի 12-ից մարտի 15-ը «Արարատ» պարի դպրոցը հիւրընկալում է Արա Վլադիմիր Թևոսեանին, որպէս փորձավար:

     Արա Վլադիմիր Թևոսեանը՝ ծնւել է 1990թ. Արմաւիրի մարզի Էջմիածին քաղաքում: Նախնական կրթութիւնը ստացել է Մ. Գիորգիսեանի անւան դպրոցում:                                Աւարտել է Երևանի պարարւեստի պետական քոլէջը, որպէս բալետի արտիստ:                                          Բարձրագոյն ուսումը ստացել է Երևանի թատրոն և կինոյի պետական ինստիտուտում, որպէս թատրոնի և կինոյի դերասան:                                                                                                                   

 Աշխատել է ՀՀ Մշակութային նախարարութեան «Խորէոգրաֆիկային պետական թատրոն»-ում որպէս դերասան, պարող, փոխտնօրէն և խորէոգրաֆ  և Երևանի «Կենտրոն» համայնքի «Մանկապատանեկան» ստեղծագործութեան և գեղագիտական դաստիրակչական պարի կենտրոնում , որպէս խմբի ղեկավար:

Հ.Մ.«Արարատ» Կ.

 

 

 

 Կիրակի մարտի 4-ի երեկոյեան, Ազգային Առաջնորդարանի դահլիճում Սրբազան հօր հրաւէրով, Թեմական խորհրդի և Պատգամաւորական ժողովի, ազգային մարմինների, «Արարատ» Կազմակերպութեան նախագահի, Կենտրոնական վարչութեան, ներկայացուցիչների ու պատասխանատուների, «Արարատ»-ի տղայոց բասկետբոլի խմբի ու նրանց ծնողների ներկայութեամբ գնահատւեցին մեր տղաները՝ «Օրւայ Ախոյեանները»:

Արարատը Երկրի Ակումբային Օմիդ լիգայի բասկետբոլի մրցումների ախոյեան

Շնորհաւորում ենք բոլորին

Ուրբաթ փետրւարի 23-ին տեղի ունեցաւ Արենուշների հատւածի թիւ 1 խմբի Գիշերային աշխատանքը:

Խումբը ունեցաւ կապի դասարան Դ.Խ. Արէն Քարամեանի միջոցով, այնուհետեւ պատրաստեցին Օդային ֆիզիկականի սարքաւորումը ՝ սկաուտական կամուրջը ,որտեղ էլ սովորեցին քայլել կամուրջի վրայով : Այն նպատակ ունէր բարձրացնել համախմբւածութեան ոգին: Այնուհետև խումբը ունեցաւ  խոհարարութեան դասարան ու գիտելիքների մրցութիւն:

Յատկանշական է, որ ուրբաթ փետրւարի 24-ին խմբի բարձր խմբակները ունեցան ազատ զրոյց Դ.Խ. Սիւնէ Ֆարմանեանի հետ՝ պատասխանատւութեան թեմայով, որն և  ոգեւորեց անհատներին:

Ուրբաթ փետրւարի 9-ին տեղի ունեցաւ Արիների հատւածի թիւ 1 խմբի սարագնացութեան աշխատանքը: Արիները միասնաբար բարձրացան «Ալբերտ քար», որտեղ ծանօթացան դժւար պայմաններում գոյատեւելու հնարքների հետ: Աշխատանքը նպատակ ունէր սկաուտներին հաւաքելով հայ սկաուտի նշանաբանի՝ բարձրացիր եւ բարձրացուրի ներքոյ զարգացնել եւ՜ գիտելիքները եւ՜ փոխայարաբերութիւնը: Յատկանշական է, որ ոգեւորւած արիները 1 օր գիշերեցին բնութեան գրկում:

Ուրախութեամբ յայտնում ենք, որ Մարզական միութեան ընկեր՝ Դրօ Զարգարեանը Երկրի ախոյեանական լողի մրցումներում (دهه فجر) գրաւել է 3 ոսկէ մեդալ լողի 3 ճիւղերում։

Շնորհաւորում ենք սիրելի ընկերոջը և մաղթում նորանոր յաղթանակներ։

Հ.Մ.Ա.Կ.-ի Սկաուտական Միութիւնը ՝ երէկ փետրւարի 16-ին մեծ խանդավառութեամբ նշեց տեառնընդառաջը

Հ.Մ.Ա.Կ.-ի Սկաուտական Միութեան Արենուշների հատւածի թիւ 1 խումբը փետրւարի 9-ին ունեցաւ դասարան  « ջղերի լարւածութեան  սահմանները» թեմայով ,որտեղ բոլոր անդամները փորձեցին իրենց  կանգուն պահել թոկի վրայ եւ բարձրացնել կենտրոնանալու կարողութիւնը:

 Այնուհետև խումբը ունեցաւ հաղորդակցութեան դասընթաց Դ.Խ. Ադանա Աբեդեանի միջոցով: Դասրանում պէտք էր ձեռք բերած գիտելիքներով յաղթահարէին նամակախաղի փուլերը:

Խումբն ունեցաւ շատ աշխոյժ , գիտելիքներով և փորձառութիւններով լի օր:

Մեծ թւով հայրենակիցների եւ աշակերտ-աշակերտուհիների մասնակցութեամբ յունւարի 24-ի երեկոյեան, «Արարատ» մարզաւանի «Սասունցի Դաւիթ» սրահում մեկնարկեց 42-րդ շրջանի Համադպրոցական խաղերը, որը այս տարի նւիրւել է Հայաստանի Հանրապետութեան 100-ամեակին:

Իրանի Իսլամական հանրապետութեան Յեղափոխութեան 39-րդ տարեդարձի առիթով կազմակերպւել էր ընկերական մրցոյթ «Արարատ»ի Երէց վոլիբոլի և Քալիմիների խմբերի միջև իրենց ներկայացուցիչների ներկայութեամբ:
Շաբաթ փետրւարի 10-ի ժամը 8:30 -ին «Արարատ» մարզաւանում տեղի ունեցաւ վոլիբոլի մրցութիւն Արարատ երէցների և Քալիմիների վոլիբոլի խմբերի միջև:
Արդիւնք ՝ «Արարատ»Երէց 1 - 3 «Քալիմի»
Մրցոյթի աւարտին տեղի ունեցաւ հիւրընկալութիւն: