Ըկներների այցելութիւնը սկսւեց չորեքշաբթի 19 ապրիլի 2017 թ.-ին Թաւրիզից: Սկզբում ընկերները այցելեցին Ատրպատականի Հայոց Թեմի Առաջնորդ` Գերաշնորհ. Տ. Գրիգոր Ս. Եպիսկոպոս Չիֆթճեանին եւ Թեմական խորհրդի անդամներին: Ըկներ Գէորգ Վարդանը Կենտրոնական վարչութեան անունից երախտագիտական խօսք ուղեց Սրբազան Հօրը` իր նրբանկատ ուշադրութիւնն ու հովանաւորութիւնը տածելու` Արարատ կազմակերպութեան Ատրպականի մասնաճիւղերի եւ անդամների հանդէպ: Ատրպատականի Թեմական խորհրդի կողմից նաեւ գնահատանքի խօսք ուղւեց` մասնաճիւղերի անդամներին, համայնքային բոլոր միջոցառումներում ու ծրագրերում, իրենց վառ մասնակցութեան եւ ներկայութեան համար, որը անշուշտ նպաստում է գաղութի աշխուժանցման ի խնդիր:
Ապա խումբը այցելեց Արարատ կենտրոնատեղի եւ հանդիպեց Թաւրիզի մասնաճիւղի վարչութեան անդամների հետ: Երկամեայ աշխատանքի համար մասնաճիւղի վարչութեան կազմ են ընտրւել, ընկերներ` Հենրիկ Աբրահամեանը (նախագահ), Բաբգէն Գասպարեանը, Քաթրին Փասէֆեանը, Սարմէն Աւագեանը, Անիտա Աբրահամեանը, Անդրանիկ Դիլանեանը եւ Նարինէ Դաւթեանը: Վարչութիւնը թւարկեց գաղութում եղած դժւարութիւններն ու խնդիրները եւ այս ուղղութեամբ առաջարկներ հնչեցին նիւթական նոր աղբիւրներ ստեղծելու վերաբերեալ: 2017 թւականին Միջմասնաճիւղային խաղերը կազմակերպւելու է Թաւրիզի մասնաճիւղում, առ այդ խօսւեց վայրի յարմարութիւնների բարեկարգելու եւ խաղերին բարձր թւով մարզիկներ ներգրաււելու շուրջ, որի շնորհիւ մասնաճիւղը կը յաջողի առաւել յաջողութեամբ կազմակերպել խաղերը: Խօսւեց մասնաճիւղի սկաուտական աշխատանքների ընդլայնման խնդրի շուրջ, որի համար անհրաժեշտ նկատւեց` Թեհրանից համագործակցութիւն ունենալը: Վերջում խումբը շրջելով կենտրոնատեղիի տարածք, մօտկից ծանօթացաւ կատարւող մարզական փորձերին: Կենտրոնական վարչութեան գնհատումով գաղութներում տիրող խնդրիներով հանդերձ մասնաճիւղին յաջողել է վառ գործունէութիւն ծաւալել շրջանում:
Հինգշաբթի 20 Ապրիլի 2017 թ.-ին ընկերները հանդիպեցին Ուրմիայի մասնաճիւղի նորընտիր վարչական կազմին: Այս շրջան ընտրւել են ընկերներ` Սեւան Ալէքսանեան, Վարդգէս Առաքելեան, Սարինէ Ազիզ, Թադէ Սարգսեան, Ադենա Բադալեան, Րաֆֆի Ալէքսանեան Արմինէ Աւանէսեան, Հանդիպմանը ներկայ էին նաեւ շրջանաւարտ վարչութիւնից որոշ ընկերներ: Կենտրոնական վարչութեան նախագահը ողջունելով նորընտիր կազմին՝ ընտրութիւնների կապակցութեամբ, գնհատաանքի խօսք ուղեց շրջանաւարտ վարչութեան եւ ընկեր Շաղիկ Ջորջեանի կատարած աշխատանքների համար, որը դժւարին պայմաններում յաջողել է փայլուն գործունէութիւն ունենալ, որոնցից մատնանշելի է` միջմասնաճիւղային խաղերի կազմակերպումը, Համահայկական խաղերի մասնակցութիւնը, մասնաճիւղի գրադարանի վերաբացումը եւ այլն: Մտքերի փոխանակում եղաւ յառաջիկայ աշխատանքները առաւել յաջող կազմակերպելու ուղղութեամբ:
Նոյն օրը երեկոյեան ընկերները այցելեցին Գեարդաբադի մասնաճիւղ եւ հանդիպեցին նշանակւած նոր վարչական կազմի հետ: Վարչութեան աշխատանքների համար նշանակւել են, ընկերներ` Լալա Ֆարհադեան (Սեդրակ), Մարգար Բաղդասարեան, Նարեկ Ազիզեան, Սեւակ Օհանեան, Համբիկ Սեդրակ Արշակ: Արծարծւեց մասնաճիւղի կալւածքների պաշտօնական կալւածագիր ստանալու խնդիրը եւ Կենտրոնական վարչութիւնը խոստացաւ հետեւել աշխատանքը:
Այցելութիւնը աւարտւելով ընկերները հինգշաբթի 20 ապրիլի 2017 թ.-ին երեկոյեան վերադարձան Թեհրան:
