Print this page
Երեքշաբթի, 24 Հուլիս 2018 20:12
Rate this item
(1 Vote)
Գյումրիում բացվել է Վահան Չերազի արձանը

Գյումրիում այսօր բացվել է հասարակական-քաղաքական գործիչ, Հայաստանում և Օսմանյան կայսրությունում սկաուտական շարժման հիմնադիր Վահան Չերազի արձանը: Այն Գյումրիում տեղադրելու նախաձեռնությամբ հանդես է եկել Հոմենըթմենը (Հայ մարմնակրթական ընդհանուր միություն), իսկ առիթը եղել է Հայաստանում սկաուտական շարժման  հիմնադրման 100-ամյակը:

 

 Վահան Չերազը քաղաքական գործիչ լինելուց բացի հայտնի մարզիկ էր, նա առաջինն էր, որ Թուրքիայում հիմնեց ֆուտբոլային խմբեր և կազմակերպեց խաղեր: Չերազը Նիկոլ Աղբալյանի հրավերով Կոստանդնուպոլսից 1920 թվականին եկել և հաստատվել է Ալեքսանդրապոլում, զբաղվել Արևմտյան Հայաստանից գաղթած, Ամերկոմի որբանոցներում ապրող հայ երեխաների դաստիարակությամբ ու խնամքով: Այն տանը, որտեղ ապրել է Չերազը, հիմա տեղակայված է Մերկուրովի անվան նկարչական  դպրոցը:

Արձանի բացմանը ներկա են եղել Վահան Չերազի դուստրը՝  Բյուրակն Չերազ-Անդրասյանը, թոռը՝ Ավետիք Իշխանյանը, աշխարհի 26 երկրներից ժամանած 1200 սկաուտներ, ովքեր մասնակցում են նաև Հայաստանում  անցկացվող 11-րդ սկաուտական բանակումին: Սկաուտները Գյումրիի Վարդանանց հրապարակում անցկացրել են շքերթ, որտեղ առանձին խմբերով ներկայացրել են իրենց երկրներն ու դրոշները:

Լուսանկարներ

View the embedded image gallery online at:
http://www.araratorg.org/index.php?option=com_k2&view=item&id=2437:2018-07-24-15-44-31&Itemid=633&tmpl=component&print=1&lang=hy#sigProGalleriad89f45996e