2022 թւականի սեպտեմբերի 7-ին, Հայ Մշակութային «Արարատ» Կազմակերպութեան Մարզական միութեան նախաձեռնութեամբ, Թեհրանում կայանալու է 53-րդ շրջանի Համահայկական խաղերը։
Աշխատանքը սկսւել է մայիսի 9-ից։
Ընդհանուր պատասխանատու է նշանակել ընկ. Նորիկ Մինասեանը,
կեանքի է կոչւել Գործադիր յանձնախումբ
ըստ հետեւեալի
Ընկերներ՝
Նորիկ Մինասեան՝ նախագահ
Մեղմիկ Աբեդեան՝ փոխնախագահ
Ալինա Թադէոսեան՝ քարտուղարութեան եւ գրասենեակի պատ.
Նայիրի Յարութիւնեան՝ նիւթականի պատ.
Էդւին Աւանէսեան՝ խաղերի պատ.
Արմոնդ Միրզախանեան՝ բացման հանդիսութեան պատ.
Արգին Շահբազեան՝ բանակումի պատ.
Մարթին Աղանեան՝ խաղերի Հանրային կապի պատ.
Արթին Մինասեան եւ Լեռնիկ Դանիէլեան՝ Մարզական միութեան վարչութեան կապեր յանձնախմբի հետ
Մասնակցող միութիւնների ներկայացուցիչների հետ Հանդիպումը, կայանալու է ուրբաթ, յունիսի 24-ի, ժամը 11-ին «Արարատ» մարզաւանում:
«Ալիք» օրաթերթում արդէն տպագրւել է Տեղեկանք թիւ 1-ը, որտեղ մատնանշւած է խաղերի թւականը՝ սեպտ. 7-ից 15-ը:
Յանձնախումբը սկզբից զբաղւել է
Իրանի 53-րդ Համահայկական խաղերի Ընդհանուր կանոնագրութեամբ, որը հաստատելուց յետոյ առաջին նամակով յղւել է միութիւններին եւ շրջաններին։
Խաղերը ընթանալու են հետեւեալ մարզաձեւերում՝
Բասկետբոլ, սթրիթբոլ, ֆուտբոլ, ֆուտսալ, Վալիբոլ, թեթեւ ատլետ, թենիս, սեղանի թենիս, ճատրակ, բռնցքամարտ, ժայռամագլցում և առաջին անգամը լինելով տեղի է ունենալու play station-ի մրցութիւններ։
Յանձնախումբը հանդիպումներ է ունենալու Հ.Մ.Ա.Կ.-ի միութիւնների վարչութիւնների հետ, աշխատանքները միասնական և սահուն ընթանալու և համադրութիւնների նպատակով։
Շրջաններից և Մասնաճիւղերից մասնակցող մարզիկների կեցութեան համար նախատեսւած է «Արարատ» մարզաւանը:
Համահայկական խաղերի մասին հետևել մեր յայտարարութիւնները։
