Ինչքան վայրն էր մտերմիկ և հոգեհարազատ, նոյնքան՝ մթնոլորտը ջերմ ու տօնական: Բակն ու նախասրահը դասաւորւած էր ամառային ու գունագեղ գեղեցիկ սեղաններով ու ծաղիկներով:
Նախասրահի անկիւնից հնչում էր հայկական ու տարբեր ոճի նւագներ ու երգեր՝ «Արարատ» Կազմակերպութեան մօտիկ բարեկամ եւ հարազատ երաժիշտ վարպետների կատարումներով: Երգիչ՝ Արա Դաւթեանը իր տաք ձայնով ու գեղեցիկ երգերով յատուկ ջերմութիւն և աշխուժութիւն էր ստեղծում ներկաների մօտ, որին սաքսիֆոնով ընկերակցում էր Վրէժ Մելիքեանը:
Բացման խօսքով հանդէս եկաւ Կենտրոնատեղի վարիչ մարմնի նախագահ՝ ընկեր Արմէն Զարգարեանը և բարի գալստեան խօսքով ողջունեց բոլորի ներկայութիւնը, որը առաւել շուք և եռանդ է պարգևել հանդիսութեանը: Նա բացատրեց թէ մարմինը նպատակ ունի կազմակերպելով այս երիտասարդական հաւաքները՝ իրար շուրջ հաւաքել համայնքիս պատանի ու պարմանուհիներին, ինչու չէ նաև աւելի մեծերին, առիթ ստեղծել նրանց միմեանց հետ շփւելու և տօնական մթնոլորտում վայելելու ուրախ ժամանց: Հաւաքը լինելու է երեքշաբթի և չորեքշաբթի օրերը երեկոյեան ժամը 19:00- ից մինչև 22:30-ը հէնց նոյն վայրի առողջ և մտերմիկ մթնոլորտում՝ օգտւելով ճոխ բիւֆէից: Ընկերը աւելացրեց, որ անշուշտ աշխատանքը իր լաւագոյն արդիւնքը ստանալու համար կարիք ունի միութենական ընկերների նաև համայնքիս երիտասարդութեան բուռն ներկայութեանը:
Նա իր խօսքերի շարունակութեան մէջ յիշեց հանգուցեալ՝ Արմէն Մկրտիչեանին, որը պիտի մաս կազմէր աշխատանքի կազմակերպիչ յանձնախմբին: Ընկերը միշտ խրախուսում ու եռանդ էր ներշնչում աշխատանքներին և երբևէ իր համագործակցութիւնը չէր խնայում որևէ գործում: Թող ընկերոջ յիշատակը միշտ վառ մնայ մեր սրտերում:
Ընկեր Արմէնը յայտնեց թէ կազմը միշտ պատրաստ է լսելու առաջարկներն ու քննադատութիւնները, որը վստահ շինիչ կը լինի աշխատանքի բարելաւման առումով: Նա իր խօսքերի աւարտին մէկ անգամ ևս ցանկացաւ քաջալերել շրջապատի պատանի պարմանուհիներին մասնակցելու և ուրախ ժամանց վայելելու «Արարատ» Կենտրոնատեղիի հոգեհարազատ բակից ու նախսարհից՝ օգտւելով բիւֆէի մատակարումներից, որը պատրաստւել է հէնց իրենց համար և շնորհակալութիւն յայտնեց երաժիշտ ընկերներին՝ որ այս գիշեր գեղեցիկ կատարումներով և երգերով իրենց սիրայօժար և սերտ համագործակցութիւնը ցուցաբերելեցին ու տօնական մթնոլորտ ստեղծեցին բոլորիս համար: Վերջում նա ուրախ ժամանց մաղթեց բոլորին:
Ապա առիթ տրւեց Կազմակերպութեանս նախագահ՝ ընկեր Համլետ Խալոյեանին արատայայտւելու: Վերջինս գնահատեց կենտորնատեղիի վարիչ մարմնի գեղեցիկ մտայղացումը, կարևորելով համայնքիս ինչու չէ նաև միութենական երիտասարդ ընկերների համախմբումբը՝ կենտրոնատեղիի հարազատ յարկի տակ, ցանկանալով յաջողութիւն եռանդ ու շունչ մարմնի ընկերներին՝ յառաջիկայ աշխատանքներում:
Վերջում բոլորը հիւրասիրւեցին համեստ ընդունելութեամբ և ուրախ պահեր անցկացրին մինչեւ ուշ երեկոյ:
Հ.Մ. «Արարատ» Կազմակերպութիւն