Հրատարակութիւն

PDF
Արւեստից Լուրեր
Արւեստից Լուրեր
Մարզական Լուրեր
Սկաուտական Լուրեր
Երէցների Լուրեր
Մասնաճիւղերի Լուրեր
Ընդհանուր Լուրեր

ՀՀ Կրթութեան և Գիտութեան , Մշակոյթի և Սպորտի նախարարութեան միջոցով 2020թ.-ին կազմակերպւած «Հայոց Աշխարհ» խորագրով 10֊րդ նկարչութեան փառատօնին մասնակցած Հ.Մ.« Արարատ» Կ.֊ի Արւեստից միութեան 17 մասնակիցների նկարչութիւններից՝  Թալին Ալավերդեանի, Լինա Ղադիմեանի, Մարիա Յակոբեանի և Դարիօ Սաֆարլուի նակրչութիւնները գնահատւել են լաւագոյնների շարանում։

Այսու շնորհաւորում ենք  բոլոր մասնակիցներին ի մասնաւորի գարնանային հեռակայ նկարչութեան դասարաների դասատու ընկ. Մեդէա Կարապետեանին ձեռք բերած յաջողութեան համար։

Նորոնոր յաջողութիւններ ենք մաղթում բոլորին:

 

 

Ուրբաթ, 2020 թւականի դեկտեմբերի 11-ին հակահամաճարակային կանոնների կիրառման պայմաններում տեղի ունեցաւ Սկաուտական միութեան Երդման արարողութիւնը:
Արարողութեանը ներկայ էին սահմանափակ թւով մասնակիցներ, այդ թւում՝ Կենտրոնական Վարչութեան նախագահ ընկ. Հարմիկ Զովէլեանը, մի քանի ներկայացուցիչներ եւ քաւորներ:
Երդման արարողութեան նախօրօք նկարահանւած տեսաֆիլմը նոյն օրը հեռարձակւեց Կազմակերպութեան ինսթգրամեան ուղիղ եթերով, որի ընթացքում բացման խօսքով ներկայացաւ Արիների հատւածի պատասխանատու Խմբ. Արգին Պօղոսեանը:
Նա բացման խօսքի ընթացքում անդրադարձաւ երդման արարողութեան կարեւորութեանը եւ ընդգծեց, որ սկաուտները շարունակելու են աշխատել Սկաուտական միութեան զարգացման ուղղութեամբ:
Ծրագրի վիրտուալ բաժինը յագեցած էր գեղարւեստական յայտագրով, որի ընթացքում միութեան ղեկավարները իրենց պատգամն ուղղեցին Արցախեան վերջին պատերազմի առիթով:
Նրանց պատգամի տեքստում նշւած էր, որ սկաուտները լինելով նոր սերնդի ներկայացուցիչներ իրենց ջանքերն են գործադրելու՝ փոխելու պատմութեան ընթացքը, եւ նոր արշալոյս բերելու մեր հայրենիքին:
Նշենք, որ օրւայ առիթով ելոյթ ունեցաւ նաեւ Սկաուտական միութեան սկաուտապետը:
Խմբ. Սիւնէ Ֆարմաեանն իր խօսքերում նշեց, որ հիմա գործ ունենք բոլորիս ապագայի, եւ դրա անվտանգութեան խնդրի հետ եւ, որ բոլորիս մտահոգութիւնը իրականում նոյնն է:
Այդ միտքն ըստ նրա՝ պահին կարող է լինել պատերազմի հետեւանքները աւելի հեշտ յաղթահարելու սփոփանքը եւ վերջապէս կարող է ստիպել բոլորիս, կրել մեր բաժին պատասխանատւութիւնը:
Ծրագիրը իր ելոյթով ամփոփեց ԿՎ նախագահ ընկ. Հարմիկ Զովէլեանը:
Նա իր ելոյթի ընթացքում անդրադարձաւ կորոնավիրուսային իրավիճակին եւ դրա թելադրած պայմաններին նշելով, որ համավարակի հետեւանքները պէտք է յաղթահարել եւ զարգացնել միութեան աշխատանքները:
Կազմակերպութեան նախագահն իր ելոյթի ընթացքում նաեւ յաւերժ փառքով յիշատակեց Արցախեան վերջին պատերազմի անմեղ զոհերի եւ յանուն Հայրենիքի իրենց կեանքը զոհաբերած նւիրեալների յիշատակը:
Նա նշեց, որ նոր սերունդն իր գործունէութեամբ պէտք է նոր թափ հաղորդի ազգային, մշակութային եւ հասարակական արժէքների պահպանմանը գործին:
Նշենք, որ երդման արարողութեան ընթացքում յանձնւեց մի շարք պաշտօններ, աստիճաններ եւ գնահատականներ:

Հ.Մ.«Արարատ»Կ.-ի Արւեստից միութեան նախաձեռնութեամբ՝ ուրբաթ 2020 թ.-ի հոկտեմբերի 9-ի առաւօտեան ժամը 11:00-ից 12:30-ը մարզաւանի լողաւազանների շրջափակում Արարատ կազմակերպութեան ինսթագրամի էջից, կենդանի միացումով առցանց նշւեց «Մշակոյթի » և «Մանուկների համաշխարհային» տօները:
Մինչ այս, տօները նշւում էր մանուկների աշխոյժ ներկայութեամբ սակայն, այս տարի Կորոնավիրուսի համաճարակի պատճառով մանուկները տօները նշեցին իրենց տներում ուղիղ կապ հաստատելով ուսուցիչների հետ, որոնք ևս գտնւում էին «Արարատ» մարզաւանում:
Յարգելով Արցախի պատերազմի զոհերի յիշատակը մէկ րոպէ լռութեամբ սկսւեց միջոցառումը: Ծրագիրը կազմւած էր հայկական մշակոյթին բնորոշ հինգ ամենանշանաւոր էջերից՝ գրականութիւն, երաժշտութիւն, պար, խոհանոց և նկարչութիւն:
Միջոցառումը սկսւեց հայանուն մեծ հեքիաթագիր Ղազարոս Աղայեանի՝ «Դանակով» հեքիաթով Արտոյտ Զոհրաբեանի ասութեամբ: Այնուհետև մանուկները պատրաստեցին մրգային աղցան Նինա Շահնազարեանի մշակմամբ:
Ծրագիրը շարունակւեց «Զինւորիկ» երգի ուսուցմամբ Մեղեդի Նազարեանի դասաւանդմամբ, որին յաջորդեց ձեռքի աշխատանքի բաժինը Թիէդրա Զոհրաբեանի դասատւութեամբ: Իսկ վերջում մանուկները սովորեցին հայկական պարի մի քանի շարժումներ Ալմարա Շամիրեանի և Թառա Մալխասեանի գլխաւորութեամբ: Միջոցառումը վարեց սիրելի Անի Զաքարեանը:
Առաջացած պատերազմական իրավիճակի բերումով ամբողջ ծրագիրը ողողւած էր հայրենասիրական շնչով: Աչքի էր ընկնում Հայկական եռագոյնը ծրագրի հիմնական անկիւնում: Անընդմէջ յաջորդւում էին հայրենասիրական երգերը և մասնակիցները մեծ յուզմունքով ու եռանդով իրենց պարտքն էին կատարում հայրենիքի պահպանման ի նպաստ:
Սոյն միջոցառումը նշելու հիմնական նպատակը մեր մանուկների մտքում հայկական տօների զգօն պահելն էր: Այս օրերին ծրագրի իրականացման թիրախը նաև մեր հայրենիքին սատար հանդիսանալու պատրաստակամութեան բարձրաձայնումն էր :
Մեր շատ սիրելի և միակ հայրենիք հաւատացած ենք որ մենք «Յաղթելու ենք»:

Երէկ հոկտեմբերի 2-ին, Հ.Մ.Ա.Կ.-ի Սկաուտական միութեան մի խումբ անդամներ մասնակցեցին գերաշնորհ Տ. Սեպուհ արք. Սարգսեանի միջոցով, Հայոց բանակի նահատակների հոգիների խաղաղութեան համար մատուցւած արարողութեանը:
Նշենք, որ արարողութեանը սկաուտներին ուղեկցում էին Կենտրոնական վարչութեան անդամներ ընկերներ՝ Անահիտ Աբրահամեանը եւ Արին Մկրտչեանը:

Երէկ սեպտեմբերի 25-ին, Սկաուտական միութեան Արիների հատւածի պատասխանատուական կազմի անդամները մեկնեցին «Ռուդ Աֆշան» քարանձաւ:
Արշաւի կազմակերպումը սկաուտների մօտ գիտելիքների զարգացման, թիմային ոգու ամրապնդման, եւ ֆիզիքական պատրաստւածութեան ապահովման նպատակ ունէր:
Արշաւի ընթացքում սկաուտները Մորզէի հաղորդակցութեան միջոցները կիրառելով հեռավար հաղորդակցման իրականացման փորձեր կատարեցին:
Դժւարին անցումներից յետոյ սկաուտները բնութեան գրկում պատրաստեցին խարոյկ, դրա շուրջ հանգստանալու, եւ, իհարկէ, խարոյկի վրայ եփած ծխահամ թէյ խմելու նպատակով:
Օրն Արիների մօտ անցաւ շատ ակտիւ եւ աշխատանքն ոգեւորեց նրանց:


ՀՃՃՄ-ի նախաձեռնութեամբ, վերջին օրերին Նայիրի հրատարակչութիւնը լոյս է ընծայել "Հայ որբերի գորգը" գիրքը' Հ.Մ.Ա.Կ.-ի Երէցների միութեսն անդամ՝ ընկեր Կարինէ Դրորի պարսկերէն թարգմանութեամբ։ Անգլերէն բնագիրը տպագրւել է 2013-ին ԱՄՆ-ում դոկտ. Մարտին Դերանեանի հեղինակութեամբ։
Գիրքը պատմում է հայ որբերի ձեռամբ գործւած, շուրջ 20 ք.մ. մակերեսով գորգի մասին, որը որպէս երախտագիտութիւն' հայ որբերին ցուցաբերած Ամերիկայի ժողովրդի օժանդակութեան, 1925 թ. նւիրւել է ԱՄՆ-ի ժամանակի նախագահ Քալւին Քուլիջին եւ այժմ գտնւում է ԱՄՆ-ի նախագահական պալատի հաւաքածոյում։
Յետ Եղեռնի տարիներին հազարաւոր հայ որբեր պահւում էին մարդասիրական զանազան հաստատութիւնների կողմից հիմնւած որբանոցներում։ Դրանցից մէկը Սիրիայի տարածքում գտնւող "Ղազիր" որբանոցն էր (այժմ' Լիբանանում), շուրջ 1400 որբուհիներով, որի հոգատարութիւնը յանձնւած էր դոկտ. Կիւնցլէրին եւ նրա կնոջը։ Այդ որբուհիների տքնաջան աշխատանքի արգասիքը հանդիսացաւ թանգարանային այդ գորգը։
1923-1929 թ.թ. տարբեր որբանոցների որբերի ձեռքերով գործւել են աւելի քան 3200 կտոր գորգ, որոնց վաճառքից գոյացած հասոյթը նպաստել է որբանոցների աշխատանքներին։

Էջ 1, 93-ից