Ուրախութեամբ յայտնում ենք, որ Թեհրան նահանգի օրդ. Բասկետբոլի Ա կարգի Ակումբային մրցաշարում, երեկ՝ երկուշաբթի մարտի 14-ին «Արարատ» թիւ 1 խումբը յաղթեց «Փիրուզան» խմբին 71-66 նիշով :
Շնորհաւորում ենք մեր մարզկուհիներին :
Այսպիսով աւարտւեց նախապատրաստական խաղերը և չորս թիմեր՝ «Գազ», «Արարատ» (Ա խումբ) «Քուշա» , «Քիա Գալեռի» (Բ խումբ) անցան կիսաեզրափակիչ փուլ:
Յառաջիկայ մրցումը տեղի կունենայ «Արարատ» -«Քուշա» խմբերի միջև «Հէյդարնիա» դահլիճում, որի մասին կը տեղեկացւի ժամանակին:
Հ.Մ.Ա.Կ.-ի Սկաուտական միութեան Աստճանաւորական դասընթացների շարանում մարտի 8-ին «Շահբազեան» սրահում տեղի ունեցաւ Սկաուտական «Բաջ» եւ մասնագիտական նշանների մասին դասարան :
Սոյն ընդարձակ նիւթը ուսումնասիրել և պատրաստել էր ընկ.Անդրէ Գալստեանը:
Վերջում տեղի ունեցաւ հարց ու պատասխաններ , կարծիքներ և առաջարկներ որոնց սիրով պատասխանեց դասախօսը:
Մարզական միութեան նախաձեռնութեամբ 8 շաբաթ տևողութիւն ունեցող Համադպրոցակն խաղերը երեկ՝ ուրբաթ, մարտի 11-ի երեկոյեան ժամը 8:30 հասաւ իր աւարտին:
Շնորհւեցին բոլոր մեդալները և 560 մարզիկ աշակերտներ նոր փորձառութիւններով ու յաղթական հոգով, վերադարձան տուն , անշուշտ պատրաստւելու 41-րդ Համադպրոցական խաղերի մասնակցելու ցանկութեամբ ու կամքով :
Ուժ ու կորով բոլոր մասնակիցներին:
Վարձքներդ կատար սիրելի ծնողներ ,ծնողական խորհուրդներ , մարզիչներ և դպրոցների տնօրէններ և պատասխանատուներ ու
վարձքդ կատար Կազմակերպիչ յանձնախումբ:
Թւականիս փետրւարի 26-ի առաւօտեան ժամը 10-ին, Հ. Մ. «Արարատ» կազմակերպութեան Սկաուտական բաժանմունքի գայլիկ-արծւիկները թւով աւելի քան 23 հոգի իրենց պատասխանատուների գլխաւորութեամբ ներկայ գտնւեցին Ս. Սարգիս մայր եկեղեցում մատուցւող Արեւագալի եւ ս. պատարագի արարողութեանը, որի ընթացքում քարոզեց Տ. Սեպուհ արք. Սարգսեանը: Սրբազան Հայրը իր քարոզում յատուկ կերպով ողջունեց բոլորին եւ գնահատեց նրանց ներկայութիւնը:
Կիրակի փետրւարի 28-ին «Արարատ» մարզաւան այցելեցին Իրանում «Ճանաչողական գիտութիւնների և տեխնոլոգիաների խորհրդի» ներկայացուցիչները (ستاد علوم و فناوریهای شناختی):
Այցելութիւնը տեղի ունեցաւ երկրի մակարդակում կայացող «Ուղեղի մասին տեղեկացման շաբաթ» -ի (هفته آگاهی از مغز)աշխատանքների շարանում:
Այցելութիւնը կազմակերպւել էր Հ.Մ.Ա.Կ.-ի Մարզական միութեան նախաձեռնութեամբ :
Նշւած խորհրդից ներկայ էին Իրան նէորոսայնսի խորհրդի նախագահ և հանրապետութեան նախագահի և առողջապահութեան նախարարի խորհրդատու դկտ.Մոհամմադ Թաղի Ջողթային,նշւած խորհրդի ուսումնասիրական խորհրդատու դկտ. Նիլին ,նշւած խորհրդում մարզական հոգեբանութեան մասնագէտ տկն.Եաւարին ,խորհրդի աշակերտական հարցերի յանձնախմբի անդամ դկտ.Ալիրեզան և հոգեբան պրն. Սեդիղմանեշը, Հ.Մ.Ա.Կ.-ից մասնակցում էին կենտրոնական վարչութեան անդամ ընկ.Հարմիկ Համբարչեանը ,Մարզական միութեան վարչութեան նախագահ՝ Արա Ջահանեանը և Համադպրոցական խաղերի ընդհանուր պատասխանատու ընկ.Էդւին Աւանէսեանը:
Ճանաչողական գիտութիւնները և տեխնոլոգիաները (cognitive science technologies),գիտութեան , նոր ոլորտ է համարւում որը հիմնւելով մարդկային ուղեղի կարողութիւնների վրայ փորձում է զարգացնել դրանք և օգնել մարդուն , իսկ մեր պարագայում մեր մարզիկները ունենան առաւևլ յաջող գործունէութիւն,տիրապետեն ստրեսները և կարողանան յաղթահարել մարզական մրցումներում տիրող ճնշումները և բարելաւեն այդ պայմաններում որոշումներ կայացնելու և ֆիզիկական հմտութիւնները դրսեւորելու ունակութիւնը:
Այս գիտութիւնը առաջացել է ուղեղի և ջղերի ,հոգեբանութեան ,լեզւաբանութեան մարդաճանաչման, դաստիարակչական, արհեստական ինտելեկտի և փիլիսոփայութեան փոխազդեցութիւնից,որը Իրանի գիտական ծրագրի առաջնահերթութիւններից է համարւում :
Որպէս առաջին քայլ,որոշւեց զբաղւել այդ ոլորտում մասնագէտներ վարժեցնելու աշխատանքով,որոնք պիտի ուղղակիօրէն լծւեն աշխատանքի ու գործնական ծրագրեր մշակեն:Այս փուլում աշխատանքի են հրաւիրելու համայնքում գոյութիւն ունեցող մասնագէտներ՝ բժիշկներ ,հոգեբաններ,ուսուցիչներ,մարզիչներ և այլն:
Աշխատանքը կատարւելու է Հ.Մ.«Արարատ» Կազմակերպութեան , Թեհրան և Շահիդ Բեհեշթի համալսարանների և Լոնդոնում UCL համալսարանի ճանաչողական գիտութիւնների անգլերէնի համագործակցութեամբ:
Հ.Մ.Ա.Կ.
Ուրբաթ փետրւարի 26-ին Կրտսերների հատւածը, ներկայ գտնւեց Ս.Սարգիս եկեղեցի և մասնակցեց Ս. Պատարագին:
Այնուհետև օրհնւեց հատւածի խմբակների դրօշները, որոնցից տարիներ էր ինչ հեռու էին յիշեալ խմբակները:
Օրհնութիւնից յետոյ սկաուտները բարձրացել են սրբազանի մօտ ,կրտսերները իրենց հարցերն են յղել սրբազանին և ստացել են համապատասխան պատասխաններ:
Կրտսերները օրհնւած դրօշներով վերադարձել են մարզաւան: