Հրատարակութիւն

PDF
Արւեստից Լուրեր
Արւեստից Լուրեր
Մարզական Լուրեր
Սկաուտական Լուրեր
Երէցների Լուրեր
Մասնաճիւղերի Լուրեր
Ընդհանուր Լուրեր

Սոյն թւականի Գրական շրջանակի 4-րդ տեսահանդիպումը կայացաւ փետ. 20-ին, ութ մասնակիցներով։ Օրւայ գրական դէմքն էր արձակագիր Նարդոսը (Միքայէլ Յովհաննիսեան,1867-1933)։ Անդրադարձ եղաւ Թիֆլիսում ծնւած ու ապրած գրողի կեանքին ու գրական գործունէութեանը,
ապա մի հատւած ընթերցւեց նրա մի պատմւածքից։ Նշւեց, որ Նարդոսի "Զազունեան" վէպը պրսկ. է թարգմանել Ա. Նուրիզադէն ու տպագրել "Ամալիա" անւամբ։
Յովհ. Թումանեանի ծննդեան օրւայ առթիւ (19 փետ. 1869) հետաքրքիր դրւագներ փոխանցւեց գրողի կեանքից ու սովորութիւններից։
Անդրադարձ եղաւ Արմենուշ Առաքելեանի պրսկ. թարգմանութեամբ վերջերս լոյս տեսած "Մի մարդ ու մի երկիր" պատմւածքների ժողովածուին։
Ներկաներից ընկեր Յարութ Նազարեանը երգեց Համաստեղի խօսքերով եւ կոմպոզիտոր Ալան Յովհաննէսի (1911-2000) երաժշտութեամբ գրեթէ անծանօթ գեղջկական "Եար նազանի" երգը։

 

2020 թւականի մայիս- յունիս ամիսների ընթացքին  Հ. Մ. «Արարատ» Կ.-ի Արւեստից միութեան նախաձեռնութեամբ՝ ՀՀ Հենրիկ Իգիթեանի անւան Գեղագիտական Ազգային Կենտրոնի մանկապատանեկան նկարչութեան ամենամեայ  Մրցոյթ - Փառատօնին մասնակցութեան նպատակով  տեղի ունեցաւ հեռակայ դասընթացներ:

Դասարանները նախատեսւած էին 6-18 տարեկանների համար, որին մասնակցեցին թւով 11 երեխաներ: 10-րդ փառատօնը կրում էր «Հայոց Աշխարհ» խորագիրը, որի հիման վրայ մասնակիցները երեք շաբաթների ընթացքին իրենց սիրելի ուսուցիչ՝ Մեդէա Կարապետեանի ցուցմունքներով պատկերեցին իրենց գունաւոր նկարագրութիւնները:

Մրցոյթ - Փառատօնը զուգադիպելով համաճարակին ու Արցախեան  պատերազմին այս տարի տարբեր ընթացք ունեցաւ և ցուցահանդէս տեղի չունեցաւ Երևանի ԳԱԿ-ում, սակայն իրաւարար կազմի միջոցով  «Արարատ»-ի 11 մասնակիցների նկարչութիւններից 4-ը գնահատւեցին լաւագոյնների շարանում,այստեղ կը ներկայացնենք անունները իրենց նկարչութեան անւանումով  ըստ հետևեալի՝ Լինա Ղադիմեան ՝ «Նռենի և հայ ընտանիք», Մարիա Յակոբեան  ՝«Հայ հարսիկ», Դարիօ Սաֆարլու «Գետափ Դիլիջան»  և Թալին Ալավերդեան ՝«Արևի ճառագայթներով նուռը»:

Ուրբաթ փետրւարի 26-ին «Արարատ» մարզաւանի տարածքում համաճարակային իրավիճակի  բոլոր օրէնքները յարգելով տեղի ունեցաւ գնահատագրերի տւչութիւն, որտեղ ներկայ էին կազմակերպութեան Կենտրոնական Վարչութեան անդամներից, նկարչութեան դասարանների դասատուն, մասնակիցները, ծնողները և Արւեստից միութեան վարչութեան անդամները:

Յաջողութիւն ենք մաղթում բոլորին նորանոր ձեռքբերումների ակնկալիքով:

Ուրբաթ՝ փետրւարի 12-ին, Սկաուտական միութեան անդամներից ոմանք մասնակցեցին վիրտուալ երրորդ կարգի քննութեանը:

Երէցների միութեան «Գրական շրջանակ»-ի 2021-ի 3-րդ տեսահանդիպումը կայացաւ փետ. 6-ի, երեկ. ժամը 7.00-ին։ Օրւայ ներկայացւելիք դէմքը գրող Ստեփան Ձօրեանն(1889-1967) էր։
Գրողի կենսագրականին ծանօթանալուց յետոյ Ընթերցւեց գրականագէտ Սուրէն Աղաբաբեանի յուշերից մի հատւած նւիրւած Ղարաքիլիսէում (Կիրովական, այժմ Վանաձոր) ծնւած գրողին։ Նաեւ անդրադառնալով գրողի երեք պատմավէպերից "Պապ թագաւոր"-ին, ներկայացւեց վէպի համառօտ բովանդակութիւնը։ Ներկայացւեց նաեւ Զօրեանի "Պապն ու թոռը" պատմւածքի բովանդակութիւնը եւ ընթերցւեց վերջաբանի հատւածը։
Համօ Սահեանի "Հաւատում եմ քեզ" բանաստեղծութեան արտասանութեամբ աւարտւեց օրւայ հեռավար հանդիպումը ։
Հաւատում եմ քեզ, հայոց հանճար,
Քեզ համար դեռ տօներ կը գան,
Նարեկացիներ կը գան աշխարհ,
Սայեաթ Նովաներ կը գան։

Նրանց թռիչքը մենք չունեցանք,
Երեւի հնար էլ չկար...
Բայց մի համարիր մեղք ու յանցանք,
Մի կոչիր թոյլ ու տկար։

Մենք հազար մազէ կամուրջ անցանք,
Տագնապով անցանք եւ ահով...
Եւ մենք ինքներս կամուրջ դարձանք,
Որ անցնես մեր վրայով...

Հաւատում եմ քեզ, հայոց հանճար,
Քեզ համար դեռ տօներ կը գան...
Դեռ Վարուժաններ կը գան աշխարհ,
Սիամանթօներ կը գան։
_Համօ Սահեան_

Ուրբաթ՝ փետրւարի 5-ին, հակահամաճարակային կանոնների պահպանման պայմաններում տեղի ունեցաւ Սկաուտական միութեան Արիների հատւածի թիւ 2 խմբի տարեդարձը, այնուհետեւ նրանք մասնակցեցին խմբի աստիճանաւորների միջոցով ներկայացւած դասընթացին:

ՀՀ Կրթութեան և Գիտութեան , Մշակոյթի և Սպորտի նախարարութեան միջոցով 2020թ.-ին կազմակերպւած «Հայոց Աշխարհ» խորագրով 10֊րդ նկարչութեան փառատօնին մասնակցած Հ.Մ.« Արարատ» Կ.֊ի Արւեստից միութեան 17 մասնակիցների նկարչութիւններից՝  Թալին Ալավերդեանի, Լինա Ղադիմեանի, Մարիա Յակոբեանի և Դարիօ Սաֆարլուի նակրչութիւնները գնահատւել են լաւագոյնների շարանում։

Այսու շնորհաւորում ենք  բոլոր մասնակիցներին ի մասնաւորի գարնանային հեռակայ նկարչութեան դասարաների դասատու ընկ. Մեդէա Կարապետեանին ձեռք բերած յաջողութեան համար։

Նորոնոր յաջողութիւններ ենք մաղթում բոլորին:

 

 

Ուրբաթ, 2020 թւականի դեկտեմբերի 11-ին հակահամաճարակային կանոնների կիրառման պայմաններում տեղի ունեցաւ Սկաուտական միութեան Երդման արարողութիւնը:
Արարողութեանը ներկայ էին սահմանափակ թւով մասնակիցներ, այդ թւում՝ Կենտրոնական Վարչութեան նախագահ ընկ. Հարմիկ Զովէլեանը, մի քանի ներկայացուցիչներ եւ քաւորներ:
Երդման արարողութեան նախօրօք նկարահանւած տեսաֆիլմը նոյն օրը հեռարձակւեց Կազմակերպութեան ինսթգրամեան ուղիղ եթերով, որի ընթացքում բացման խօսքով ներկայացաւ Արիների հատւածի պատասխանատու Խմբ. Արգին Պօղոսեանը:
Նա բացման խօսքի ընթացքում անդրադարձաւ երդման արարողութեան կարեւորութեանը եւ ընդգծեց, որ սկաուտները շարունակելու են աշխատել Սկաուտական միութեան զարգացման ուղղութեամբ:
Ծրագրի վիրտուալ բաժինը յագեցած էր գեղարւեստական յայտագրով, որի ընթացքում միութեան ղեկավարները իրենց պատգամն ուղղեցին Արցախեան վերջին պատերազմի առիթով:
Նրանց պատգամի տեքստում նշւած էր, որ սկաուտները լինելով նոր սերնդի ներկայացուցիչներ իրենց ջանքերն են գործադրելու՝ փոխելու պատմութեան ընթացքը, եւ նոր արշալոյս բերելու մեր հայրենիքին:
Նշենք, որ օրւայ առիթով ելոյթ ունեցաւ նաեւ Սկաուտական միութեան սկաուտապետը:
Խմբ. Սիւնէ Ֆարմաեանն իր խօսքերում նշեց, որ հիմա գործ ունենք բոլորիս ապագայի, եւ դրա անվտանգութեան խնդրի հետ եւ, որ բոլորիս մտահոգութիւնը իրականում նոյնն է:
Այդ միտքն ըստ նրա՝ պահին կարող է լինել պատերազմի հետեւանքները աւելի հեշտ յաղթահարելու սփոփանքը եւ վերջապէս կարող է ստիպել բոլորիս, կրել մեր բաժին պատասխանատւութիւնը:
Ծրագիրը իր ելոյթով ամփոփեց ԿՎ նախագահ ընկ. Հարմիկ Զովէլեանը:
Նա իր ելոյթի ընթացքում անդրադարձաւ կորոնավիրուսային իրավիճակին եւ դրա թելադրած պայմաններին նշելով, որ համավարակի հետեւանքները պէտք է յաղթահարել եւ զարգացնել միութեան աշխատանքները:
Կազմակերպութեան նախագահն իր ելոյթի ընթացքում նաեւ յաւերժ փառքով յիշատակեց Արցախեան վերջին պատերազմի անմեղ զոհերի եւ յանուն Հայրենիքի իրենց կեանքը զոհաբերած նւիրեալների յիշատակը:
Նա նշեց, որ նոր սերունդն իր գործունէութեամբ պէտք է նոր թափ հաղորդի ազգային, մշակութային եւ հասարակական արժէքների պահպանմանը գործին:
Նշենք, որ երդման արարողութեան ընթացքում յանձնւեց մի շարք պաշտօններ, աստիճաններ եւ գնահատականներ:

Հ.Մ.«Արարատ»Կ.-ի Արւեստից միութեան նախաձեռնութեամբ՝ ուրբաթ 2020 թ.-ի հոկտեմբերի 9-ի առաւօտեան ժամը 11:00-ից 12:30-ը մարզաւանի լողաւազանների շրջափակում Արարատ կազմակերպութեան ինսթագրամի էջից, կենդանի միացումով առցանց նշւեց «Մշակոյթի » և «Մանուկների համաշխարհային» տօները:
Մինչ այս, տօները նշւում էր մանուկների աշխոյժ ներկայութեամբ սակայն, այս տարի Կորոնավիրուսի համաճարակի պատճառով մանուկները տօները նշեցին իրենց տներում ուղիղ կապ հաստատելով ուսուցիչների հետ, որոնք ևս գտնւում էին «Արարատ» մարզաւանում:
Յարգելով Արցախի պատերազմի զոհերի յիշատակը մէկ րոպէ լռութեամբ սկսւեց միջոցառումը: Ծրագիրը կազմւած էր հայկական մշակոյթին բնորոշ հինգ ամենանշանաւոր էջերից՝ գրականութիւն, երաժշտութիւն, պար, խոհանոց և նկարչութիւն:
Միջոցառումը սկսւեց հայանուն մեծ հեքիաթագիր Ղազարոս Աղայեանի՝ «Դանակով» հեքիաթով Արտոյտ Զոհրաբեանի ասութեամբ: Այնուհետև մանուկները պատրաստեցին մրգային աղցան Նինա Շահնազարեանի մշակմամբ:
Ծրագիրը շարունակւեց «Զինւորիկ» երգի ուսուցմամբ Մեղեդի Նազարեանի դասաւանդմամբ, որին յաջորդեց ձեռքի աշխատանքի բաժինը Թիէդրա Զոհրաբեանի դասատւութեամբ: Իսկ վերջում մանուկները սովորեցին հայկական պարի մի քանի շարժումներ Ալմարա Շամիրեանի և Թառա Մալխասեանի գլխաւորութեամբ: Միջոցառումը վարեց սիրելի Անի Զաքարեանը:
Առաջացած պատերազմական իրավիճակի բերումով ամբողջ ծրագիրը ողողւած էր հայրենասիրական շնչով: Աչքի էր ընկնում Հայկական եռագոյնը ծրագրի հիմնական անկիւնում: Անընդմէջ յաջորդւում էին հայրենասիրական երգերը և մասնակիցները մեծ յուզմունքով ու եռանդով իրենց պարտքն էին կատարում հայրենիքի պահպանման ի նպաստ:
Սոյն միջոցառումը նշելու հիմնական նպատակը մեր մանուկների մտքում հայկական տօների զգօն պահելն էր: Այս օրերին ծրագրի իրականացման թիրախը նաև մեր հայրենիքին սատար հանդիսանալու պատրաստակամութեան բարձրաձայնումն էր :
Մեր շատ սիրելի և միակ հայրենիք հաւատացած ենք որ մենք «Յաղթելու ենք»: