2015 թ. յունւարի 29 և 30-ին Հ.Մ.«Արարատ»Կ.-ի Արւեստից միութեան նախաձեռնութեամբ, Հ.Մ.Մ.«Նայիրի» Միութեան Արւեստից բաժանմունքի հրաւէրով, տեղի ունեցաւ «Շանթ» և «Շանթիկ» թատերախմբի Կարմիր գլխարկ ներկայացումը, ղեկավարութեամբ՝ Ռուբեն Մկրտիչ Պէտրոսեանի:

         Նշելի որ սոյն թատերախումբը Կարմիր գլխարկը բեմադրել է Հ.Մ.Ա.Կ.-ի Կենտրոնատեղիի «Կոմիտաս» և Հ.Մ.«Սիփան» միութեան «Նայիրի» սրահներում:

(լուսանկարները՝ www.Nairi.ir -ից)

Հ.Մ.«Արարատ»Կ.

Հ.Մ.«Արարատ»Կ.-ի Օրիորդաց  բասկետբոլի  խմբի յաջողութիւնները

              Հ.Մ.Ա.Կ.-ի Օրիորդաց բասկետբոլի խումբը, Իրանի բասկետբոլի Սուպեր Լիգայի մրցութիւնների ընթացքում յաղթանակ տարեց երկու թիմի դիմաց՝

Յունւարի       29-ին՝     «Արարատ»՝ 83 - «Զոբահան» ՝ 68

Յունւարի       30-ին՝ «Արարատ»՝ 75 - «Շահրդարի Բանդար Աբբաս»՝ 57

Խաղերը տեղի են ունեցել «Արարատ» Մարզաւանում:

Շնորհաւորում ենք մեր մարզիկուհիներին:

www.araratorg.org                                                                                                      Հ.Մ.«Արարատ»Կ.

       Ինչպէս ժամանակին տեղեկացւել է՝ աղջկանց բասկետբոլի Սուպեր լիգայի մրցութիւնները սկսւել են 2014 թ. հոկտեմբեր ամսից:

Հ.Մ.Ա.Կ.-ի «Արարատ» ֆուտբոլի խմբի յաղթանակը

«Արարատ»՝ 2 – «Շահրդարի Ղօդս»՝ 0

    2015 թ.-ի  Յունւարի 9-ին «Արարատ»-ը Թեհրանի ֆուտբոլի Ա կարգի լիգայի մրցութիւնների եզրափակիչ մրցութեան ընթացքում 2-0 հաշւով յաղթեց Բ ենթախմբի առաջատար՝ «Շահրդարի Ղոդս» թիմին :

55 և 60-րդ րոպէ՝ Էդմոնդ Ախումեանս

Շնորհաւորում ենք մեր Մարզիկներին

Հ.Մ.«Արարատ»Կ.

«ԱԼԻՔ» - Տօնական օրերին յաջորդող առիթներից ամենագունեղը կարող է դառնալ Թեհրանի Ա կարգի լիգայի եզրափակիչ դուրս եկած «Արարատ»-ի սպասւող յաղթանակը:

   Ուրբաթ դեկտեմբերի 26-ի երեկոյեան Սուրբ Աստւածածին եկեղեցում տեղի ունեցաւ հոգեհանգստեան արարողութիւն Հ. Մ. Ա. Կ.-ի «Սևան» երգչախմբի հիմնադիր և խմբավար լուսահոգի՝ Գուրգէն Մովսիսեանի մահւան առիթով: Արարողութեանը ներկայ էին Հ.Մ.Ա.Կ.-ի Կենտրոնական վարչութեան անդամները, Արւեստից միութեան անդամները, Սևան երգչախմբի նախքին անդամ-ուհիները, ընկերները, բարեկամները և գործակիցները:

   Արարողութիւնից յետոյ յուշերեկոյ տեղի ունեցաւ Հ.Մ.Ա.Կ.-ի Կենտրոնատեղիի «Կոմիտաս» սրահում:Կենսագրական ֆիլմի ցուցադրումից յետոյ ելոյթներով հանդէս եկան Գուրգէն Մովսիսեանի աշակերտներ՝ Արփի Սիմրոջեաը Հ.Հ.Ը.Մ.-ի «Տաւիղ» երգչախմբի խմբավարութեամբ և Ռազմիկ Օհանեանը «Մաշտոց» երգչախմբի խմբավարութեամբ, որին սոյն ծրագրի համար յաւելւել էին նախքին Սևան երգչախմբի անդամ-ուհիները:

  Երկու դաշնամուրային կտորներով ներկայացաւ նաև տկն. Զարմիկ Բաբայեանը:

  Ելոյթին ներկայ էին մեծանուն հայ և պարսիկ երաժիշտներ և երաժշտասէր անհատներ: