«ԱԼԻՔ» - Հինգշաբթի, հոկտեմբերի 9-ին «Արարատ» մարզաւանում տեղի ունեցաւ «Արարատ»-«Էսթեղլալ» (ընտրանին) ընկերական հանդիպում, որի ընթացքում իրենց խփած 7 գոլով «Արարատ»-ի տղաներին յաջողւեց արթնացնել արդէն նոստալգիա դարձած «նարնջագոյնների» փայլը՝ կանաչ գորգի վրայ:

Խաղի մեկնարկից առաջ տեղի ունեցաւ «Արարատ»-ի վերադարձի առիթով Հ.Մ.Ա.Կ.-ի Կենտրոնական վարչութեան խօսքի ընթերցումը, որը կատարւեց Կենտր. վարչութեան նախագահ Համլետ Խալոյեանի միջոցով:
Ապա ելոյթ ունեցաւ խորհրդարանում Թեհրանի եւ հիւսիսային իրանահայութեան պատգամաւոր դոկտ. Կարէն Խանլարեանը, որը նոյնպէս կարեւորեց առիթը որպէս Իրանի մարզական կեանքում իրանահայութեան ներկայութեան լաւագոյն յատկանիշերից մէկը: «Արարատ»-ի վերադարձի առթիւ կազմակերպւած ընկերական խաղին «Արարատ»-ի ֆուտբոլի պատասխանատուներից բացի՝ ներկայ էին մարզա-մշակութային միութիւնների ներկայացուցիչներն ու երբեք «Արարատ»-ին միայնակ չթողած ու այդ պահին երկար սպասած ֆուտբոլասէր հասարակութիւնը:
Խաղի աւարտին «Արարատ» մարզաւանի մատուռի շրջափակում տեղի ունեցաւ ընդունելութիւն, որտեղ նաեւ Իրանի ֆուտբոլի հանրայայտ մեկնաբաններն ու լրագրողները, ինչպէսեւ՝ «Էսթեղլալ»-ի պատասխանատուները հանդէս եկան շնորհաւորանքի ու քաջալերական խօսքերով ու «Արարատ»-ին «վերադարձի ճամբին մենակ չթողնելու» խոստումներով:
Նշելի է, որ «Էսթեղլալ»-ի կազմում դաշտ մտան «կապոյտ»-ների կազմում տարբեր շրջանների վաստակաւոր ֆուտբոլիստներ, որոնք նոյնպէս յուշեր ունէին «Արարատ»-ի դիմաց կատարած խաղերից, ինչպէս նաեւ «օմիդէ Էսթեղլալ»-ի կազմում խաղացող երիտասարդներից մի փունջ:
Յիշեցնենք, որ վաղը՝ երկուշաբթի, հոկտեմբերի 13-ին, ժամը 15-ին, «Արարատ»-ն անց է կացնելու Թեհրանի առաջին կարգի լիգայի իր պաշտօնական հանդիպումների առաջին խաղը, որը տեղի կունենայ «Ազադեգան» խմբի դիմաց՝ «Արարատ» մարզաւանում:

  Թւականիս հոկ. 9-ին երեկոյան ժամը 4-ին, Հ.Մ.«Արարատ»Կ.-ի Ֆուտբոլի դաշտում տեղի ունեցաւ ֆուտբոլի ընկերական հանդիպում «Արարատ»-«Էսթեղլալ» հաւաքականների միջև, շուրջ 3000 հանդիսատեսի ներկայութեամբ: «Արարատ»-ի ֆուտբոլի հաւաքականը Իրանի ֆուտբոլի լիգայից երկար դադար ունենալուց յետոյ իր աշխատանքը սկսելու է յաջորդ շաբաթւանից: «Էսթէղլալ»-ի հաւաքականի կազմում հանդէս էկան մի շարք հանրայայտ մարզիկներ ինչպիսին էին՝ Մոհամմադ Նաւազին, Ալի Սամերէն, Ալի Ակբարփուրը, Նիկբախտը և ուրիշներ: Խմբի գլխաւոր մարզիչն էր Սիրուս ԴինՄոհամմադին, և «Արարատ»-ի գլխաւոր մարզիչն էր Մասիս Յակոբեանը: Խաղին ներկայ էին Իսլ. խորհրդարանում Թեհրանի եւ հիւսիսային իրանահայութեան պատգամաւոր դոկտ.Կարէն Խանլարեանը, քրիստոնէական փոքրամասնութիւնների հարցերով զբաղւող Նախագահի օգնականի տեղակալ պրն. Զարէ-ն, «Էսթեղլալ»-ի Վարչութեան փոխնախագահ պրն. Էֆջէհին և մի շարք ֆուտբոլի յայտնի մասնագէտներ՝ պրն. Հաջրէզային, պրն. Սադր և պրն. Շաֆաղը: Ընկերական խաղը աւարտւեց «Արարատ»-ի յաղթանակով 7-0 հաշւով: Վերջում Մարզաւանի Ս.Խաչ մատուռի շրջափակում տեղի ունեցաւ համեստ ընդունելութիւն Մարզիկներից և հրաւիրեալներից: Բոլոր հրաւիրեալները իրենց դրւատանքի խօսքերը յայտնեցին «Արարատ»-ի վերադարձը Իրանի ֆուտբոլի լիգայ և խոստացան օգնել թիմին որպէսզի նորից իր տեղն ու դիրքը գրաւի երկրի մարզական ասպարէզում:

Հ.Մ.«Արարատ»Կ.

   Իրանահայ արւեստի երկնակամարը ի մասնաւորի երաժշտութեան բնագաւառում ունեցել է եւ ունի արհեստավարժ դէմքեր, որոնք իրենց ուրոյն տեղն են զբաղեցնում ոչ միայն իրանահայ բեմերում, այլեւ՝ Իրանի եւ ինչու չէ Հայաստանի բեմերում:
   Յիշեալ երաժիշտ կատարողներից են՝ Շաքէ եւ Հանրի Յարութիւնեանները, որոնք, սեպտ. 6-ին ելոյթով հանդէս եկան Հայաստանում:
Արդէն 2-րդ անգամն է, որ յիշեալները ելոյթով հանդէս են գալիս Երեւանում՝ Մոսկւայի տան սրահում:
   Միջոցառման սկզբում բացման խօսքն արտասանեց Վիկտորիա Անտաբեանը, որը կազմել էր Արմինէ Գրիգորեանը:
Վոկալ երաժշտութեան համերգին իր մասնակցութիւնն էր բերել Հայաստանի վաստակաւոր երգչուհի Յասմիկ Հացագործեանը, որը հանդէս եկաւ երկու երգով:

   Երեկոյին նւագակցութեամբ հանդէս եկան՝ իրանահայ դաշնակահար Իմելդա Պետրոսեանը եւ Երեւանի կոնսերւատորիայի վոկալ ամբիոնի կոնսերտմայեստր Լիանա Աւետիսեանը, որը ներկայումս դասաւանդում է Երեւանի Սպենդիարեանի անւան երաժշտական դպրոցում, իսկ ջութակով ելոյթ ունեցաւ Արման Գրիգորեանը, որը աւարտել է Երեւանի պետական կոնսերւատորիան, մասնակցում է Հայաստանի պետական ֆիլհարմոնիկ նւագախմբին եւ միջազգային բազմաթիւ մրցոյթների դափնեկիրն է:

Վոկալ երաժշտութեան համերգը մեկնարկեց «Կիլիկիա» երգով:
   Երկու բաժիններից բաղկացած ծրագրի յայտագիրը յագեցած էր հայ եւ միջազգային երաժիշտների գործերից, ինչպէս՝ Կոմիտաս, Ա. Բաբաջանեան, Ալ. Յարութիւնեան, G. Puccini, Մ. Ալէս, R. Rodgers, F. Loewe, A. Piazzolla, R. Falvo, Cottrau, E. Dicapua, F. Lachini, V. Monti:
   Ծրագիրը, որի գեղարւեստական ղեկավարն էր ՀՀ վաստակաւոր արտիստ, օպերայի մենակատար Յասմիկ Հացագործեանը, ներկաների կողմից բուռն քաջալերանքի արժանացաւ, ձեռնարկի հովանաւորողն էր ճարտարագէտ Շահէն Աղամալը, ձեռնարկի կազմակերպիչ եւ ընդհանուր պատասխանատուներն էին՝ Ռոզալին Շիրւանեանը եւ Արա Աւագեանը: Երեկոյի աւարտին բեմ հրաւիրւեց՝ արտայայտւելու Հ. Մ. «Արարատ» Կ.-ի երգչախմբի խմբավար, Երեւանի Խաչատուր Աբովեանի անւան Պետական մանկավարժական համալսարանի դասախօս Արաքս Խաչատրեանը:
   Ծրագիրը իրենց ներկայութեամբ պատւել էին՝ մեծ թւով իրանահայ մտաւորականներ ու ազգային գործիչներ, ինչպէս՝ Ալբերտ Աճեմեանը, Նորայր Էլսայեանը եւ....:
   Միջոցառման աւարտին կազմակերպւել էր համեստ ընդունելութիւն:

Մի ներկայ

    Թւականիս հինգշաբթի սեպտեմբերի 25-ին Հ.Մ.«Արարատ»Կ.-ի Արւեստից դպրոցի սաները միասնաբար տօնեցին Հայաստանի անկախութեան 23-րդ տարեդարձը և հատեցին օրւայ առթիւ գեղեցիկ ձեւաւորմամբ տորթը: Այնուհետև երգեցին Հայաստանի պետական հիմներգը: Վերջում Դպրոցների վերամուտի առիթով Երեխաներին տրւեց նւերներ:

Հ.Մ.«Արարատ»Կ.

   Թւականիս ուրբաթ Սեպտեմբերի 26-ին առաւօտեան ժամը՝ 11-ից սկսեալ Հ.Մ.«Արարատ»Կ.-ի լողաւազանների շրջափակը լեցուն էր մանուկների ներկայութեամբ:

         «Արւեստից» միութեան նախաձեռնութեամբ կազմակերպւած «Առաջին զանգ» բացօթեայ մանկական դաշտահանդէսը ջերմ ընդառաջում ունեցաւ  թէ փոքրիկների և թէ ծնողների կողմից:

          Խաղավայրը զարդարւած էր գունաւոր կրպակներով որոնք նախատեսւած էին «հողագործութեան և բաուսաբանութեան», «նկարչութեան», «թեփախաղի»,« թռիչքային խաղերի» և մի շարք ուրիշ խաղերի համար: Յատկանշելի է «Նայիրի» հրատարակչութեան գրքերի կրպակը, ուր Հայաստանից բերւել էր գունազարդ  և գեղեցիկ գրքերով որտեղ արժանացաւ բոլորի ուշադրութեանը:

Նախախատեսւած էր նաև բուֆէ , որտեղ մատակարաւում էր տաք ճաշ:

          Երեխաները մի քանի ժամ լիցքաթափւելուց  յետոյ  շատ ուրախ և դրական էներգիայով թողեցին խաղահրապարակը:

                                                       Հ. Մ. «Արարատ». Կ.-ի Արւեստից միութիւն

«ԱԼԻՔ» - Խաչվերացի եւ «Արարատ» մարզաւանի Ս. Խաչ մատուռի անւանակոչութեան տօնի առթիւ, երէկ՝ կիրակի, սեպտեմբերի 14-ին, մատուռի շրջափակում, մատուցւեց ս. պատարագ՝ նախագահութեամբ Թեհրանի հայոց թեմի առաջնորդ Տ. Սեպուհ արք. Սարգսեանի:

Պատարագիչն էր Թեհրանում հիւրաբար գտնւող Մեծի Տանն Կիլիկիոյ կաթողիկոսութեան միաբան Տ. Վահրիճ աբղ. Ղարախանեանը:
Պատարագի երգեցողութիւնը կատարեց Թեհրանի Ս. Սարգիս եկեղեցու երգեցիկ խումբը՝ խմբավարութեամբ դոկտ. Էլիպս Մասեհեանի եւ երգեհոնի նւագակցութեամբ Նարեկ Աբրահամեանի:
Պատարագի ընթացքում, հաւաքական խոստովանանքից յետոյ, մեծ թւով հաւատացեալներ Հաղորդութիւն ստացան:

Պատարագից յետոյ, ըստ աւանդական կարգի, ռեհանով զարդարւած խաչով կատարւեց անդաստանօրհնէքի արարողութիւն, որի աւարտին Սրբազան Հայրը գնահատանքի խօսք ասաց ներկայ հասարակութեանը՝ արարողութեանը խուռներամ կերպով մասնակցելու համար, ապա բացատրեց Խաչվերացի խորհուրդը՝ այն բնութագրելով որպէս խաչի փառաբանութեան տօն:

Նա նաեւ շնորհաւորեց Հ. Մ. «Արարատ» կազմակերպութեան 70-ամեակը՝ նշելով, որ 1915 թւականից յետոյ կեանքի կոչւած մշակութային կառոյցները հայ ժողովրդի յարութեան խորհրդանիշն են:

Երէկ երեկոյեան ժամը՝ 18:30-ին Հ.Մ.«Արարատ»Կ.-ի Մարզական միութեան Համահայկական խաղերի յանձնախմբի նախաձեռնութեամբ 46-րդ Համահայկական խաղերի շրջանակներում, տեղի ունեցաւ «Միմոս» տիկնիկային թատրոնը «Արարատ» Մարզաւանի Այգեստանի շրջափակում: Խումբը ժամանել էր Հայաստանից: Թատրոնի գեղարւեստական ղեկավար ՝ Նունէ Ջրբաշեան:

    Հ.Մ.Ա.Կ-ի Սկաուտական միւթեան կրտսեր հատւածի թիւ 1 խմբի բանակումը տեղի է ունեցել յուլիսի 16ից 18-ը «Արարատ» Մարզաւանի բանակավայրում:

Բանակումին մասնակցել են 18 գայլիկ և արծւիկներ: Բանակումի նպատակն է եղել Սկաուտական 12 դաւանանքների գործադրումը:

Երեք օրեայ բանակումի ընթացքում , ամէն օր  վերհիշւել է  4 դաւանանքը, տեղի է ունեցել ժայրամագլցման դասարան, կապի դասարան, գիտելիքների մրցութիւն, հայերէն լեզւի բայերի հոլովման մասին դասարան, դիմակահարդարում ,երգեր գիտարի ստեղնաշարային գործիքով, կողմնորոշման դասարան, պատ ներկել և ցեխով բաժակների պատրաստում: