Հրատարակութիւն

PDF
Արւեստից Լուրեր
Արւեստից Լուրեր
Մարզական Լուրեր
Սկաուտական Լուրեր
Երէցների Լուրեր
Մասնաճիւղերի Լուրեր
Ընդհանուր Լուրեր

 

 

 

 

     «yerakouyn.com» - Համա-ՀՄԸՄ-ական 10-րդ բանակումը արդէն իսկ ընթացք առած է Բիւրականի մէջ, Հայաստան, մասնակցութեամբ աւելի քան 750 սկաուտներու, որոնք Հայաստան ժամանած են 18 շրջաններէ:

Բանակումը սկսաւ Հինգշաբթի, 31 Յուլիս 2014-ին, դրօշակի պաշտօնական արարողութեամբ, որուն ընթացքին Բիւրականի ընդարձակուած եւ վերանորոգուած բանակավայրին մէջ կատարուեցաւ բացման ներքին հանդիսութիւն:

Ապա, ՀՄԸՄ-ի Կեդրոնական վարչութեան անդամները բանակումի խմբապետական կազմին եւ շրջաններու գլխաւոր պատասխանատուներուն ընկերակցութեամբ ուղղուեցան Եռաբլուր, ուր ծաղկեպսակներ զետեղուեցան ՀՄԸՄ-ի Կեդրոնական վարչութեան անդամ նահատակ Վարդան Բախշեանի, Վիգէն Զաքարեանի շիրիմներուն վրայ ու յարգանքի տուրք մատուցուեցաւ արցախեան պատերազմի նահատակներու յիշատակին:

07-31_hmem-016

 

08_01_HAMAHMEM2

Յետմիջօրէի ժամը 6:30-ին (Երեւանի ժամանակացոյցով) բանակումին մասնակիցները փառաւոր եւ տպաւորիչ տողանցքով Ազատութեան հրապարակէն ուղղուեցան Հանրապետութեան հրապարակ, ուր տեղի ունեցաւ պաշտօնական բացման հանդիսութիւն` ներկայութեամբ պետական եւ այլ պաշտօնական հիւրերու: Ապա բոլորը ուղղուեցան Ծիծեռնակաբերդ, ուր տեղի ունեցաւ հոգեհանգստեան արարողութիւն` Ցեղասպանութեան զոհերու յիշատակին:

07-31_hmem1

 

 

http://www.yerakouyn.com/?p=60652

 

 

 

 

 

 Հ.Մ.«Արարատ»Կ.-ի Արւեստից միութեան նախաձեռնութեամբ հինգշաբթի և ուրբաթ յուլիսի 24-25-ին «Կոմիտաս» սրահում, տեղի ունեցաւ «Արարատ» երգչախմբի տարեկան ելոյթը

 

      Հ.Մ.«Արարատ»Կ.-ի Արւեստից միութեան նախաձեռնութեամբ հինգշաբթի և ուրբաթ յուլիսի 24-25-ին «Կոմիտաս» սրահում, տեղի ունեցաւ «Արարատ» երգչախմբի տարեկան ելոյթը Օր. Արաքսիա Խաչատրեանի ղեկավարութեամբ:

     Ելոյթը նւիրւած էր Հ.Մ.«Արարատ»Կ.-ի հիմնադրութեան և գործունէութեան 70-ամեակին, երգչախմբի 10-ամեակին և մեծն «Կոմիտաս» վարդապետի ծննդեան 145-ամեակին, որի հիման վրայ էլ համերգը կրում էր «Կոմիտաս» խորագիրը:

    Համերգին հիւրաբար մասնակցում էին  դաշնակահար, երաժիշտ՝ Ռեբեկա Աշուղեանը (Կոմիտասի  6 պարերը դաշնամուրային կատարումով) և մեներգիչներ՝ Արա Կարապետեանը, Բեթինա Յովսէփեանը և Օֆելիա Մատթէոսեանը:

    Ծրագրի ընթացքին հնչեց «Կոմիտաս» Վարդապետի մշակած անզուգական երաժտացանկից շուրջ 25 կտորներ, որը հաղորդավարներ Իրինա Մանսուրեանի և Էրւին Գալստանի միջոցով հայերէն և պարսկերէն լեզուներով շաղկապւած հաղորդում էին հանդիսատեսին: Երաժշտասէր հանդիսատեսը, հայ և պարսիկ հիւրերի հետ միատեղ մեծ բաւարարութիւն ստացաւ  բովանդակալից ծրագրից:

      Հինգշաբթի օրւայ ծրագրի աւարտին իր գնահատանքի խօսքերն ուղեց երգչախմբին երաժիշտ, կոմպոզիտոր, դիրիժոր՝ Լորիս Ճգնաւորեանը իսկ Ուրբաթ օրը հարաւային իրանահայութեան խորհրդարանի պատգամաւոր՝ Ռոբերտ Բեգլարեանը պարսիկ հանդիսատեսին ամփոփ կերպով ծանօթացրերց մեծն Կոմիտասի կեանքն ու գործունէութիւնը ակնարկելով,  այն փաստը որ՝ Կոմիտասը  ևս  Օսմանեան կայսրութեան միջոցով  հայերի ցեղասպանութեան ենթարկւած կարևորագոյն զոհերից մէկն է եղել:

Հ.Մ.«Արարատ»Կ.

 

 

 

«Մեր մարզիկների յաջողութիւնը»

 

  • Թեհրանի պատանի աղջիկների ակումբային բասկետբոլի արդիւնք՝

Յուլիսի 10  «Բանք սէփահ» - «Արարատ»

                                        13 - 49

Յուլիսի 17  «Արարատ» - «Էսլամ շահր»

                                    59 - 18

  • Թեհրանի կրտսեր աղջիկների ակումբային բասկետբոլի արդիւնք՝

 

Յուլիս 7 «Մալարդ» - «Արարատ»

                       16 - 40

Յուլիս  14 «Արարատ» - «Դամաւանդ»

                                  70 - 21

Յուլիս 21 «Մահմուդի» - «Արարատ»

                                   20 – 48

 

  • Թեհրանի կրտսեր տղաների ակումբային բասկետբոլի արդիւնք՝

Յուլիս 4 «Արարատ» - «Փարսէ»

                                62 – 57

..................................................................................................................................

       Ուրախութեամբ պիտի յայտնենք, որ  Փիւնիկ Առաքելեանը և Լիա Աբրահամեանը ընտրւել են Թեհրանի դպրոցների հաւաքականի կազմի մէջ և օգոստոսի 7ից 17-ը մասնակցելու են միջ-դպրոցական մրցոյթներին, որը տեղի է ունենալու «Մաշհադ» քաղաքում:

   Հ.Մ.«Արարատ»Կ.

 

http://www.honaronline.ir/Pages/News-46684.aspx

http://www.nay.ir/indexf.php?ACT=DETAIL_NEWS&id=3537

Հ.Մ.«Արարատ»Կ.-ի Երէցների միութեան բացառիկ ամսական յանդիպումը տեղի ունեցաւ մարզաւանի «Այգեստան»-ի շրջափակում

        Թւականիս երկուշաբթի յուլիսի 21-ին երեկոյեան ժամը 20:00-ին «Այգեստան»-ի բացօթեայ շրջափակում տեղի ունեցաւ Հ.Մ.«Արարատ»Կ.-ի Երէցների միութեան բացառիկ ամսական հանդիպումը: Հանդիպմանը ներկայ էին Երէցների միութեան վարչութեան ընկերներն ու անդամները: Ինչպէս որ գիտենք միութեան ընդհանուր հանդիպումները կայանում են իւրաքանչիւր ամսւայ առաջին երկուշաբթի օրերը, սովորաբար յուլիս ամսւայ համար հանդիպում չի նախատեսւում որով հետև յուլիսի 4-ին տօնւում է Կազմակերպութեան տարեդարձը: Օգոստոս ամսւայ միութեան հանդիպումը առաջաձգւել է այս օրը քանի որ մեզ մօտ էր գտնւում ԱՄՆ-ից ժամանած պրն.՝ Հրաչ Լուքասեանը: Հանդիպման սկզբին Երէցների միութեան նախագահ ընկ.՝ Ժանետ Թարվերդեանը ներկայացրեց օրւայ արտահերթ ընդհանուր հանդիպման պատճառը և յայտնեց որ ցուցադրւելու է պարոն Հրաչի միջով նկարահանւած ՝ «Արարատի երազներ» վավերագրական ֆիլմը:

Ընկ.՝ Ժանետ Թարվերդեանը ամփոփ ներկայացրեց պրն. Հրաչ Լուքասեանին՝ «Ծնւել է 1946 թ.-ին Նոր Ջուղայում, կրթութիւնը ստացել է Նոր Ջուղայում, Թեհրանում և Անգլիայում: 1979 թ.-ին ընտանիքով փոխադրւում է Անգլիա և ապա ԱՄՆ: Յիշեալը մանկուց սէր է ունեցել որսի և լեռնագնացութեան, և ԱՄՆ-ում նրա ամենամեծ զբաղմունքը եղել է հէնց լեռնագնացութիւնը: Նա անգամներ միայնակ «Սիերա» լեռնաշղթայի արևելքից անցել է դէպի արևմուտք, բարձրացել է Քալիֆորնիայի ամենաբարձր գագաթը: 2006 թ.-ին նւաճել է «Քլիմանջարօ» լեռան գագաթը: Վերջերս նւաճել է նաև «Ալբորզ» լեռնաշղթայի՝ «Դամաւանդ» գագաթը: 2013 թ.-ի օգոստոսի 1-ին պրն.՝ Հրաչ Լուքասեանը 13 հոգանոց լեռնագնացական խմբով նւաճել է «Արարատ» լեռան գագաթը: Խմբին մասնակցել էին՝ ինն հոգի Ամերիկայից, երկու հոգի Հոլանդիայից և երկու հոգի Ռուսաստանից: Այս նւաճման ընթացքում յիշեալը նկարահանումներ է կատարել տարածքի գեղատեսիլ, հրաշալի վայրերից»:

       Հանդիպումը շարունակւեց Ֆիլմի ցուցադրումով, ինչը ներկայացնում էր պրն.՝ Հրաչ Լուքասեանի ճամբորդութիւնը դէպի պատմական Հայաստան, Վրաստան և Թուրքիայ: Նկարահանւել էր հայկական հնագոյն հոգևոր ու մշակութային կոթողներից, Հայաստանի բնական վայրերից, եկեղեցիներից ու վանքերից և «Վահան Տէրեան»-ի տուն-թանգարանից, «Անի» քաղաքի հնամեայ կոթողներից, «Ախլցխայ»-ից, և այլ ուր, իսկ ինչը աւելի յուզիչ ու տպաւորիչ եղաւ ներկանների համար՝ «Արարար» լեռան նւաճման քայլ առ քայլ նկարահանւած բաժինն էր, որը կարծես թէ բոլորով  էին բարձրանում «Արարատ» լեռը մօտիկից զգալով նրա վեհութիւնը:Ֆիլմի աւարտում ցուցադրւեց խմբի այցելութիւնը դէպի «Ախթամար» կղզին, գեղեցիկ մեկնաբանութեամբ:

       Վերջում ընկ.՝ Ժանետ Թարվերրդեանը Երէցների միութեան Վարչութեան անունից շնորհակալութիւն յայտնեց պրն.՝ Հրաչ Լուքասեանին, ցանկանալով նրան նորանոր նւաճումներ և յաջողութիւններ: Ներկաները հիւրասիրւեցին համեստ հիւրընկալութեամբ և տօնւեց յուլիս և օգոստոս ամսիների ընկերների տարեդարձները:  

                         Հ.Մ.«Արարատ»Կ.

 

 

 

 

 

 

2014 թ. Յուլիսի 15-19 տեղի ունեցաւ Հ.Մ.Ա.Կ.-ի Սկաուտական միութեան Արի 4, Արենուշ 2 և Արենուշ 4-ի միասնական բանակումը Գիլանի «Անզալի» քաղաքում:

Պատասխանատուներն էին՝

Արեն.2 Վ.Ա. Սիւնէ Դանիէլեան

Արի4 Ա. Արմէն Շահբէգեան

Արեն. 4 Ա. Արինէ Աղասեան

Օգնականներ՝

Արի 4 Ա. Էդւին Աղաբէգեան

Արեն. 2 Ա. Նարէ Իսայեան

Խմբին օժանդակեցին Պրն. Էդւին Աւագեմեանը և Տկն. Ռիթա Ալահւերդեանը:

            Բանակումի նպատակն էր զարգացնել սկաուտական գիտելիքները և ճանաչել Անզալին:

            Սկաուտական գիտելիքների զարգացման առումով անհատները ունեցել են զանազան դասարաններ 2-րդ կարգի և 3-րդ կարգի գրքերից: Անհատները այցելելով «ماسوله» և ուրախ ժամանց անցկացնելով ծովափում, մասամբ ճանաչեցին քաղաքը: Ինչպէս միշտ բանակումի օրեկան աշխատանքների մասէին կազմում պարատները և զանազան խաղերը: Ըստ աւանդոյթի երեխաները վերջին գիշեր ունեցել են խարոյկ, երգ, թատրոն և այլ աշխատանքներ որոնք անմոռանալի դարձրին բանակումը: Վերջին գիշեր բանակումի հիւր էին Դ.Խ. Արգին Օհանեանը և Դ.Խ. Արբի Շահբէգեանը: Բանակումը աւարտւեց յուլիսի 19-ին Արարատ Մարզաւանում սոյն կանչով՝

«Կեցցէ Արիները, կեցցէ Արենուշները, կեցցէ 2-4 երը»:

 

 

 

 

         Մեր մարզիկների յաջողութիւնը

      Թեհրանի ակումբային տղայոց բասկետբոլի առաջնութեան մրցաշարում, ուր տեղի է ունենում Թեհրանի «Հեյդառնիա» մարզահամալիրում, «Արարատ»-ի մինի բասկետբոլը թւականիս յունիսի 27-ին՝  74-48 հաշւով և յուլիսի 11-ին՝ 70-25 հաշւով հերթականաբար՝ «Ջահան Առա» և «Ռանգ Ալւան» թիմերին յաղթեց: Կրտսերների բաժնում թւականիս յուլիսի 4-ին «Արարատ»-ը նոյնպէս յաջողեց 62-57 հաշւով առաւելութեան հասնել «Փառսէ» խմբին:

          Ուրախութեամբ պիտի յայտնենք, որ «Արարատ»-ի երիտասարդ տղայոց բասկետբոլի խմբից ՝ Արմի Նազարեանը և Դրօ Տէրղուկասեանը ընդգրկւել են Իրանի տղայոց բասկետբոլի հաւաքականի կազմում: Շնորհաւորում ենք մեր մարզիկներին:

 

......................................................................................................................................................................

             Թեհրանի ակումբային բասկետբոլի կրտսեր աղջիկների խաղերի արդիւնքը:

Թւականիս յուլիսի 7-ին «Արարատ»-ը յաղթանակ շահեց «Մալառդ» թիմի դէմ 40-16 հաշւով և յուլիսի 21-ին 48-19 հաշւով յաջողութեան հասաւ «Մահմուդի» թիմի դէմ:

Շնորհաւորում ենք մեր մարզիկներին:

.Հ.Մ.«Արարատ»Կ

          Ամառը եւ ամառային աշխատանքները այն թեման է, որը խիստ հետաքրքրում է երեխաներին եւ նրանց ծնողներին: Ահաւասիկ, այդ դասարաններից են Հ. Մ. «Արարատ» մարզաւանում կազմակերպւող ամառային դասընթացները, որոնց ներգրաււած են մեծ թւով մանուկ-պատանիներ: Առիթը պատեհ համարելով՝ «Արարատ» մարզաւանում այցելեցինք կազմակերպւած տարբեր դասարանները, մօտկից ծանօթանալով տարւող աշխատանքներին եւ զրուցելով դասարանների պատասխանատու տկն. Քաթրին Քարիմեան-Մարտոյեանի հետ:
Զրոյցի ընթացքում Քաթրինն այսպէս ասաց. «Հ.Մ.Ա.Կ.-ի Մարզական միութեան նախաձեռնած դասընթացներին այս տարի մասնակցել են շուրջ 140 աշակերտներ՝ տարիքային երկու բաժանումներով, 4-ից 8 տարեկան, որոնք ունեն ամենօրեայ դասաժամեր եւ 8-ից 13 տարեկան, որոնք մասնակցում են դասընթացների շաբաթական երեք օր՝ ընտրելով իրենց սիրած մարզաձեւերը:
8-ից 13 տարեկան երեխաները ըստ իրենց ցանկութեան սովորում են բասկետբոլ, ֆուտբոլ, սկէյտ եւ թենիս. դրան զուգահեռ՝ նրանք օգտւում են լողարանից, իսկ 4-ից 8 տարեկանները ծանօթանում են տարբեր մարզաձեւերի: Նշեմ, որ այս դասընթացների նպատակն է ծանօթանալ մի շարք մարզաձեւերի, որպէսզի հետագայում պատանի-երիտասարդները կարողանան մասնակցել կազմակերպութեան մարզական խմբերին: Փոքրահասակները զբաղւում են մարմնամարզութեամբ, եօգայով, վալիբոլով, ռազմարւեստի կարատէ մարզաձեւով, ժայռամագլցմամբ, իսկ այս մարզանքների կողքին՝ ունենք այլ զբաղմունքներ: Դրանցից կարելի է թւարկել տարբեր խաղերի, խեցեգործութեան, մտային խաղերի, նկարչութեան, քանի որ ֆիզիկական աշխատանքներին զուգահեռաբար՝ տարւող մտային աշխատանքների շնորհիւ՝ երեխան սովորում է ճիշտ մտածել ու առողջ դատել: Սովորեցնում ենք երգ ու պարային շարժումներ:
Յիշեալ դասընթացներում փորձում ենք օգտւել լաւագոյն մարզիչներից: Դասընթացներին զուգահեռ՝ նշում ենք այն ազգային ու կրօնական տօները, որոնք համընկնում են դասարանների կայացման օրերին, ինչպէս, օրինակ, Վարդավառի տօնը, որը նշում ենք Ս. Խաչ մատուռում»:
Նա այսպէս շարունակեց. «Ամառային դասընթացները տեւում են 6 շաբաթ եւ լինում են երկու փուլով. առաջին 6 շաբաթը աւարտւելով սկսւում է 2-րդ շաբաթը, բայց 5 շաբաթ տեւողութեամբ»:
Դասընթացների պատասխանատուն այսպէս շարունակեց զրոյցը. «Այս դասարանների գծով պէտք է շնորհակալութիւն յայտնենք Հ.Մ.Ա.Կ.-ի Կենտրոնական վարչութեանը եւ Մարզական միութեան վարչութեանը, որոնք երեխաների համար նման առիթներ են ստեղծում: Նշեմ, որ ամէն առաւօտեան աշխատանքը սկսում ենք Տէրունական աղօթքով, որից յետոյ թեթեւ մարզանքներ, ապա երգեր ենք երգում եւ երեխաները աշխուժացած՝ սկսում են իրենց դասարանները. դասաժամերն են առաւօտեան 9:30-ից 12:30-ը»: Դասարանների պատասխանատուն վերջում այսպէս արտայայտւեց. «Նման հաւաքական աշխատանքներ շատ կարեւոր են երեխաների համար եւ առիթ են դառնում երեխաների մօտ զարգանայ միութենական կեանքը, որը շատ տարբեր է դպրոցական կեանքից»:
Ստորեւ ներկայացնում ենք Հ.Մ.Ա.Կ.-ի Մարզական միութեան ամառային դասընթացների մարզիչների եւ դաստիարակների անւանացանկը՝ ըստ մարզաձեւերի.
Ֆուտբոլ՝ Արթին Մինասեան
Բասկետբոլ՝ Ալ Ղանբարի
Բասկետբոլի մարզչի օգնական՝ Թենի Ասատրեան
Թենիս՝ Էրիկ Քամարզարեան
Թենիսի մարզչի օգնական՝ Ռոդրիկ Քամարզարեան
Սկէյտ՝ Հոսէյն Բաղալզադէ
Սկէյտի մարզչի օգնական՝ Նարեկ Աւետեան
Ժիմնաստիկ՝ Լէյլա Բահրամի
Եօգա՝ Էլհամ Այուբի
Վալիբոլ՝ Անի Խեչումեան
Ժայռամագլցում՝ Զահրա Ֆարաջի
Կարատէ՝ Մառլէն Ղարաբէգի
Օրֆ՝ Լիաննա Ղազարեան

4-8 տարեկան երեխաների դաստիարակներն են՝

Անի Նարթինեան
Աւենիա Ռոստոմեան
Անի Սեփանեան
Մեղմիկ Ջորջեան
Գեղանի Շահբազեան
Լուսինէ Փիրջանլու
Արսինէ Աբրահամեան
Հերմինէ Վարդանեան
Օդրին Ռոստոմեան
Օլգա Յակոբեան
Քարմէն Քարիմեան
Լինա Դաւթեան
Ալիս Խուդադադեան

Նիւթը կազմեց Կ. ԴԱՒԹԵԱՆԸ