ՀՄԱԿ-ի Մարզական միութեան օրիորդաց բասկետբոլի Կրտսեր խումբը յաղթելով «Աթաշի»խմբին, յաջողել է անցնել մրցումների միւս փուլ, խաղերը շարունակւում են:
Խաղի արդիւնք՝
«Արարատ» 57- 37 «Աթաշի»
Արիների հատւածի թիւ 4 խումբը, նոյեմբերի 21-ին ունեցաւ հաճելի ու տպաւորիչ Գիշերային արշաւ:
Սկաուտները աշխատանքն սկսեցին խմբային խաղով, ապա պատրաստեցին սեղան և աթոռի սարքաւորում: Սկաուտները պատրաստեցին չիզբըրգըր, ու իրենց ընթրիքը վայելեցին հէնց իրենց սարքաւորումի վրայ:
Նոյեմբերի 29-ին, Արենուշների հատւածի թիւ 4 խումբն աշխատանքն սկսեց մեկնելով Թոչալ։ Նրանք բարձր տրամադրութեամբ սկսեցին իրենց օրը քայլելով ու զբօսնելով դէպի Թոչալի սահնակավայրը և վայելեցին հաճելի տեսարանները ու վերադարձին պատրաստեցին օմլեթ, այսպիսով աւարտեցին իրենց աշխատանքը քաղցր յուշերով։
Ուրբաթ, նոյեմբերի 29-ին Արենուշների հատւածի թիւ 3 խումբն իր աշխատանքն սկսեց խարոյկի դասարանով, որի դասատուն էր՝ Դ.Խ Վաչէ Թորոսեանը: Դասարանի ընթացքին անհատները ծանօթացան «Ինչպէս տարբեր իրավիճակներում խարոյկ պատրաստել» և իրենց պատրաստած խարոյկների վրայ նախաճաշ՝ «Քեսադիլա» պատրաստեցին։
Արենուշների հատւածի թիւ 2 խումբը նոյեմբերի 29-ին աշխատանքն սկսեց միասնական ձեռքի աշխատանքով Կրտսերների հատւածի թիւ 2 խմբի հետ:
Ապա խումբը բաժանւեց խմբակների և խմբակ 1 և 2-ի անհատները մասնակցեցին Արարատ կազմակերպութեան և Սկաուտական միութեան կառոյցի դասարանին, որի դասատուն էր՝ Խ. Գայիանէ Դաւթեանը:
Խմբակ 3 և 4-ի անհատները ունեցան Դանակ-Կացինի դասարան, որի դասատուն էր՝ Դ.Խ. Վահագն Շահվերդեանը և վերջում Արենուշները տօնեցին խմբի անհատների տարեդարձը:
Ուրբաթ, նոյեմբերի 29-ին Արիների հատւածի թիւ 1 խումբն իր աշխատանքն սկսեց «Արարատ» մարզաւանից դուրս: Սկաուտները այցելեցին باغ کتاب և խաղացին փախուստի սենեակի խաղը (اتاق فرار)։
Արշաւի ընթացքում ունեցել են հաճելի և մտերմիկ ժամանց միմեանց հետ։
Ուրբաթ, նոյեմբերի 22-ին, Արարատի ընտանիքը ջերմ մթնոլորտում նշեց ՀՄԱԿ-ի Երէցների միութեան 60- ամեակը։
Սկզբում միութեան նախագահ ընկեր՝ Գէորգ Թամրազեանը ողջունելով ներկաներին, շնորհաւորեց օրւայ կապակցութեամբ ապա հաղորդավար ընկեր՝ Վանէ Տէր Ղազարեանը բեմ հրաւիրեց գեղարւեստական բաժինը ներկայացնող խմբին ըստ հետևեալի՝
- Երգի կատարում ՝ Բենիա Ասլանեան « Կուզես »
- Երգի կատարում ՝ Նարէ Դարասի « Եարէն Էրւածիմ »
- Ասմունք ՝ Նարէ Օհանեան «Սասունցիները պարը»
- Երգի կատարում ՝ Ալիս Յովսէփեան «Ալւան Վարդեր»
- Դաշնամուրի կատարում՝ Արեգ Մարգարեան «Հայկական երգերի շարան»։
Վարչութեան ընկեր՝ Անի Աւագեանը ընթերցեց Երևանից ստացւած շնորհաւորական ուղերձ, երէց ընկերներ՝ Նելա և Ալբերտ Ղարիբեաններից։
Ցուցադրւեց Երէցների միութեան 60-տարւայ աշխատանքներից պատրաստած պատմական ֆիլմ, որը պատրաստել էր ընկեր Կարէն Մնացականեանը։
Ապա Կազմակերպութեան նախագահ՝ ընկեր Սոֆի Ջաղարբէգեանը և 80-ամեակի յանձնախմբի նախագահ՝ ընկեր Համլետ Խալոյեանը հերթաբար արտայայտւեցին օրւայ առիթով։
Կարկանդակի հատման արարողութիւնը կատարւեց խանդավառութեամբ, նախկին շրջանների նախագահների մասնակցութեամբ։
Վերջում ներկաները վայելեցին ուրախ երաժշտութիւն։
Օրւայ սեղանապետ՝ ընկեր Արա Գալստեանը վարեց խնջոյքի մի բաժինը և հրաւիրեց մի շարք երէց ընկերների արտայայտւելու, ընդորում մասնակից ժամանակի նախագահներին։
Պատրաստւել էր համեստ հիւրընկալութիւն։
Արիների հատւածի թիւ 2 խումբը, նոյեմբերի 22-ին ունեցաւ խոհարարութեան դասարան և Արիները սովորեցին պատրաստել (pancake) որպէս նախաճաշ:
Դասարանի նպատակն էր զարգացնել անհատների խոհարարական հմտութիւնները։
Ուրբաթ, նոյեմբերի 22-ին Արենուշների հատւածի թիւ 3 խումբն ունեցաւ խմբակի աշխատանք: Իւրաքանչիւր խմբակ իր պատասխանատուի հետ ունեցաւ զանազան դասարաններ և ուրախ ժամանց։ Դասարանին մաս էր կազմում՝ Բոկսի դասարան, որի դասատուն էր՝ ոչ շարքային սկաուտ Քրիստ Յակոբեանը։
Արիների հատւածի թիւ 3 խումբը նոյեմբերի 22-ին աշխատանքը սկսեց Կարիճի ապրելակերպի և բնոյթի մասին դասարանով: Սկաուտները աշխատանքը շարունակեցին ֆուտբոլ խաղալով:
Օրը աւարտեցին նորանոր գիտելիքների ձեռքբերումով և բարձր տրամադրութեամբ:
