Հրատարակութիւն

PDF
Արւեստից Լուրեր
Արւեստից Լուրեր
Մարզական Լուրեր
Սկաուտական Լուրեր
Երէցների Լուրեր
Մասնաճիւղերի Լուրեր
Ընդհանուր Լուրեր

Արենուշների հատւածի թիւ 2 խումբը փետրւարի 2-ին ձմռան ցուրտ օրում միասնական աշխատանք ունեցաւ Արիների հատւածի թիւ 3 խմբի հետ:
Սկաուտները տօնեցին անհատի տարեդարձ և ունեցան հաճելի միասնական աշխատանք:

Ուրբաթ, փետրւարի 2 ին, Արենուշ Հատւածի թիւ 1 խումբը տօնեց իր տարեդարձը
«بهشت مادران»
զբօսայգում և ունեցաւ հաճոյական աշխատանք։
Սկաուտները երգեցին, արշաւեցին, ձնագնդի և տարբեր խաղեր խաղացին, յատկապէս վերյիշեցին իրենց յուշերը։

 

Երեքշաբթի, 2024 թ.-ի յունւարի 9-ին Սպորտի և երիտ. նախարարը՝ դկտ․ Քիոմարս Հաշեմին, այցելեց  «Արարատ» մարզաւան, որին դիմաւորեցին Կենտրոնական վարչութեան նախագահ՝ ընկեր Սոֆի Ջաղարբէգեանը, Կենտրոնական վարչութեան ընկերները և մարզաւանի վարիչը։

Այցելութեանը ներկայ էր ԻԻԽ․ պրն․Արա Շահվերդեանը,որի միջնորդութեամբ էր կայացել սոյն այցը։
Դկտ․ Քիոմարս Հաշեմիին ընկերակցում էին նոյն ոլորտի պատասխանատու անձիք։
Շրջայցի ընթացքում Կենտրոնական վարչութեան նախագահը բացատրութիւններ տւեց Ս․Խաչ Մատուռ-ի և այլ բաժինների վերաբերեալ նաև նախարարը ֆուտբոլի դաշտում այցելեց Արարատ ֆուտբոլի Ակադէմիայի ղեկավար Էդմոնդ Բզիկին և փորձող խմբին։
Այցը նպատակ ունէր նախարարին ծանօթացնելու մարզական նախաձեռնութիւններն ու մարզաւանում ֆինանսական դժւարութիւնների պատճառով թերի կամ կիսաթերի մնացած աշխատանքներն վերանորոգումները։

Նախարարը դժւարութիւնները հարթելու, նամաւանդ վերանորոգման և շինարարական աշխատանքները սահուն դարձնելու նպատակով խօստումներ ներկայացրեց Կենտրոնական վարչութեանը։
Նա արտայայտւել է՝ «Նկատելի է,  50 ամեայ շէնք շինութիւնը թէև կէս դար առաջ է կառուցւել սակայն շատ լաւ է պահպանւել և դա նշանակւում է, որ մարզաւանի պահպանման համար հոգս է տարւում»։
Դոկտոր Հաշեմին մարզաւանի «Տնակ»-ում հանդիպել է «Արարատ» ֆուտբոլի թիմի վետերաններին, նաեւ բասկետբոլիստների եւ թեթեւ ատլետի մարզիկներին։

Հանդիպման աւարտին ՀՄԱԿ-ի Կենտրոնական վարչութեան կողմից նախարարին և միս հիւրերին յանձնւել է ՀՄԱԿ-ի գերբով պատկերւած յուշանւէրներ։

Կիրակի, 2024 թւականի յունւարի 28-ին, Հ.Մ.Ա.Կ.-ի Արւեստից միութեան «Արարատ» եւ Հայ համալսարանականների ընդհ. միութեան «Տաւիղ» երգչախմբերը մի քանի երգերով հանդէս եկան Իրանի Իսլամական Յեղափոխութեան յաղթանակի 45-րդ տարեդարձի մեծարման ծրագրերի շարանում կազմակերպւած՝ միաստւածեան կրօնների նահատակների յիշատակին նւիրւած գնահատման միջոցառմանը, «Անդիշէ» մշակութային կենտրոնում (فرهنگسرای اندیشه):

Պատկերներ ձեռնարկից։

Կիրակի, 2024 թւականի յունւարի 21-ին «Արարատ» Կենտրոնատեղիի «Կոմիտաս» սրահում բեմադրւեց Յովհաննէս Թումանեանի՝ «Պոչատ Աղւէս» մանկական թատերական ներկայացումը Հայաստանից ժամանած «Աբովեանի դրամատիկական թատրոնի» խմբի միջոցով, թատրոնի գեղաւեստական ղեկավար եւ ռեժիսոր Արմէն Սարգսեանի բեմադրութեամբ։

Չնայած այն իրողութեան որ խումբը բեմադրութիւնից ժամեր առաջ էր ժամանել Թեհրան, սակայն բոլոր բեմայարդարման եւ կազմակերպչական աշխատանքները սահուն ընթացաւ եւ արդիւնքում ամէն ինչ շատ լաւ դրսևորւեց։ Երեխաները գոհունակութեամբ դիտեցին ներկայացումը եւ ոմանք նաեւ չվարանեցին բեմի մի քանի աստիճանը բարձրանալ եւ հետաքրքրութեամբ դիտել այն։

Հարկ է նշել որ թատերախումբը հիւրաբար գտնւում էր Իրանում Ֆաջրի փառատօնին մասնակցելու համար։

Ուրբաթ, յունւարի 19-ին Սկաուտական միւթեան Արենուշների հատւածի թիւ 3 և Արիների հատւածի թիւ 4 խմբերը ունեցան միասնական աշխատանք:
Սկզբում անցան <<electric guitar>>-ի դասարան, որը անհատները ծանօթացան երաժշտութեան կեանքի մի փոքրիկ հատւածի հետ։ Ապա աշխատանքը աւարտւեց տասնամարտի և սկաուտականի խաղերով։

Ուրբաթ, 2023 թ․-ի դեկտեմբերի 1-ի երեկոյեան, «Արարատ» մարզաւանի «Վաչիկ Ղարաբէգեան» սրահում նշւեց ՀՄԱԿ․-ի Երէցների միութեան 59 րդ տարեդարձը։
Ներկայ էին միութեան ընկերներն ու Արւեստից, Սկաուտական և Մարզական միութիւնների ու մարմինների վարչական ընկերները, նախկին նախագահներն ու հիւրերը։
Միջոցառումը մեկնարկեց Երէցների միութեան նախագահ՝ ընկեր Գէորգ Թահմազեաանը։ Ծրագիրը յագեցած էր գեղարւեստական ներկայացումներով։
Օրդ․ Փօլէթ Սարուխանեանը կատարեց «իմ անուշ Հայաստան» երգը ապա օրդ. Էլենի Առաքելեանը մեներգեց «Հայ ենք մենք»-ը։
Պատանի դաշնակարուհի՝ Լուսիա Մուրադեանը, որը անցեալ տարի ընտրւել է Մալայզիայի UCSI համալսարանի դաշնամուրի միջազգային մրցոյթին և Իրանի ուսումնադաստիարակչական նախարարութեան միջոցով կազմակերպւած «Ջաբեր էբն հայան» փառատօնին երաժշտական բաժնում գնահատւել է բարձրագոյն գնահատանքով, կատարեց Մորիս Մաշկովսկի՝ օպուս 72, համար 5 , և Արամ Խաչատրեանի «Սօնատրինա»-ի առաջին մասը։
«Ուռին»երգը կատարեց տկն․ Օֆիկ Մատթէոսեանը, դաշնակահարը՝ Ժոզեֆ Գալաստանեանը։
Այնուհետև օրւայ հաղորդավար վարչական ընկեր՝ Անի Աւագեանը բեմ հրաւիրեց Հայաստանից անբաժան, Արցախցի պրն․Արտաշէս գրիգորեանին։
Պրն․ Արտաշէսը աւարտել է Մոսկւայի պետական Կոնսերւատորիայի կատարողական բաժինը: Այնուհետև ֆլէյտայով նւագակցել է Ռուսաստանի, Արցախի և Հայաստանի տարբեր անւանի նւագախմբերում ով կատարեց հայկական ժողովրդական մեղեդիներ։
Ելոյթ ունեցաւ «Արարատ» պարախմբի թիւ 3 և 2 խմբերը «Զատիկ» պարով։
Աւարտին իր շնորհաւորանքների ու ողջոյնների խօսքը հաղորդեց կենտրոնական վարչութեան նախագահ՝ ընկեր Սոֆի Ջաղարբէգեանը։
Ծրագրի գեղարւեստական բաժինը աւարտելով, ներկաները հիւրասիրւեցին համեստ ընդունելութեամբ, հատւեց գեղեցիկ կարկանդակը, ամրագրւեց բազմաթիւ յիշատակելի լուսանկարներ։
Օրւայ սեղանապետ ընկեր Արա Գալստեանը մերթ ընդ մերթ հնչեցրեց շնորհաւորանքի խօսքեր, հրաւիրեց մեներգելու ընկեր Յարութ Նազարեանին և Մեղեդի Նազարեանին։
Միջոցառման վերջին բաժնում օրւան համապատասխան երաժշտութեամբ ներկայ էր պրն․Կարէն Մանսուրեանը։ Ուրախ մթնոլորտում տարեդարձը շարունակւեց մինչ ուշ գիշեր։

Շաբաթ դեկտեմբերի 2-ի 2023թ․-ի երեկոյեան ԻԻԽ Թեհրանի և Հիւսիսային Իրանում Իրանահայութեան պատգամաւոր պրն․Արա Շահվերդեանը այցելեց Արարատ մարզաւանում Մարզական միութեան Բասկետբելի Օմիդ, Երէց և ֆուտբոլի Երէց ու վետերան խմբերին ։
Սկզբում Մարզական միութեան նախագահ՝ ընկեր Արբի Սարգսեանը շնորհալկալութիւն յայտնեց պատգամաւորի ներկայութեան համար և, որ նա միշտ հետամուտ է մարզանքի յառաջադիմութեան ասպարէզում ապա ամփոփ բացատրեց բասկետբոլի երիտասարդ խմբի կազմութեան մասին և, որ շուտով մասնակցելու են երկրի 23-ից վար տարիք ունեցող լիգայում։
Պրն․Արան յաջողութիւն մաղթեց խմբին և յայտնեց իր սահմաններում կաջակցի հնարաւորինը կարիք լինելու դէպքում այնուհետև այցելեց բասկետբոլի և ֆուտբոլի խմբերին և մտերմիկ մթնոլորտում վետերան ընկերների միջոցով կազմակերպւած համեստ հիւրընկալութեան ընթացքին նշեց նրանց կարևոր և դրական դերը ներկայ սերունդների և երկրպագուների ու մարզասէրների կեանքում, Արարատի անունը բարձր պահելու հանգամանքում։
Այս խմբերը ևս շնորհակուլութիւն յայտնեցին պրն․Արային մարզական կեանքում իր հետամուտ լինելու համար այնուհետև պատգամաւորը ամփոփ բացատրութիւններ տւեց իր աշխատանքների ի մասնաւորի վերջին ամիսներում Հայաստանի 8-րդ Համահայկական խաղերին իր կողմից տարած աշխտանքների մասին և գնահատեց առհասարակ վետերան ընկերների Արարատի յարկի տակ օժանդակելու հանգամանքը

Դեկտեմբեր 10-ին, տեղի ունեցաւ Սկաուտական միութեան Աստիճանաւորական դասընթացների շարանի 3-րդ դասարանները:
Սկաուտները սկզբում ունեցան դասարան «jungle book»-ի թեմայով , որի դասատուն էր՝ դկտ. Շանթ Բաղրամեանը: Դասարանի ընթացքում խօսւեց Կրտսեր հատւածի կարեւորութեան մասին, նկատի առնելով jungle book գրքի նիւթին:
Դասարանից յետոյ խմբերի պատասխանատու և աստիճանաորները հանդիպում ունեցան Սկաուտական միութեան Գերագոյն կազմի հետ, որի ընթացքում եղան մտքերի փոխանակումներ, սկաուտները իրենց մտահոգութիւններն ու հարցերը ուղեցին և ստացան համապատասխան պատասխաններ, նաև բացատրւեց Կրտսեր հատւածի աստիճանաւորական կազմի նոր նախագծի վերաբերեալ:

Չորեքշաբթի, 13 դեկտեմբերի 2023թ.-ին տեղի ունեցաւ ընկերական մրցոյթ Հ.Մ.Ա.Կ-ի Մարզական միութեան Սեղանի թենիսի տղայոց խմբի և  Ռադիօ հեռուստատեսութեան (صدا و سیما)
Սեղանի թենիս խմբի միջեւ, վերջինս  հիւրընկալողն էր։
Արդիւնքում 3-2 յաղթեց  Արարատը։