Հրատարակութիւն

PDF
Արւեստից Լուրեր
Արւեստից Լուրեր
Մարզական Լուրեր
Սկաուտական Լուրեր
Երէցների Լուրեր
Մասնաճիւղերի Լուրեր
Ընդհանուր Լուրեր

Հայոց Ցեղասպանութեան 107-րդ տարելիցին նւիրւած խաղ Հ.Մ.«Արարատ»Կ. Մարզական միութեան նախաձեռնութեամբ։
Երէկ՝ շաբաթ ապրիլի 30-ին Սասունցի Դաւիթ սրահում

 Հ.Մ.«Արարատ»Կ.-ի Սկաուտական միութիւնը ներկայ էր Սուրբ Սարգիս եկեղեցում Հայոց Ցեղասպանութեան 107-րդ տարելիցը ոգեկոչելու և ծաղկեմատոյցի կարգը կատարելու համար:

 

Երէցների միութեան «Գրական շրջանակ»-ի սոյն տարեշրջանի 6-րդ հանդիպումը տեղի ունեցաւ ապրիլի 9-ին հեռավար ձեւաչափով՝  նւիրւած Մայրերի տօնին։ Ներկայ էին 10 ընկերներ։

Ընթերցւեց ժամանակակից գրող Անուշ Սարգսեանի կենսագրականը եւ նրա ինքնակենսագրական վէպից «Մայրս» հատւածը։

Ընթերցւեցին հետեւեալ  բանաստեղծութիւնները.

Իրանահայ բանաստեղծ Կոլիա Տէր Յովհաննիսեանից «Մայրերի տօնն է, մա'յր».

Պարսկերէից թարգմանւած «Մօր սէրը».

Յ.Շիրազից «Մայրս»։

Ընկեր Յարութ Նազարեանը գիթառի հնչիւններով  կատարեց իր իսկ յօրինած երգը Եղիշե Չարենցի «Գազէլ մօրս համար» բանաստեղծութեան  խօսքերով։

  Ներկայացւեց Ազնաւուրի «La mama» յայտնի երգի հայերէն տարբերակի տեսաֆիլմը Պերճ Թուրաբեանի կատարմամբ։

 Այլ նիւթերի շարքին ընթերցւեց Պ.Սեւակի «Բարեւ» բանաստեղծութիւնը։

ԳԱԶԷԼ ՄՕՐՍ ՀԱՄԱՐ

                       Ե. Չարենց

 

Յիշում եմ դէմքը քո ծեր,  մայր իմ անուշ ու անգին,

Լոյս խորշոմներ ու գծեր, մայր իմ անուշ ու անգին։

 

Ահա նստած ես տան դէմ ու կանաչած թթենին

Դէմքիդ ստւեր է գցել, մայր իմ անուշ ու անգին։

 

Նստել ես լուռ ու տխուր, հին օրերն ես յիշում այն,

Որ եկել են ու անցել, մայր իմ անուշ ու անգին։

 

Եւ յիշում ես քո որդուն, որ հեռացել է վաղուց_

Ո՞ւր է արդեօք հեռացել,  մայր իմ անուշ ու անգին։

 

Ո՞ւր է արդեօք հիմա նա, ո՞ղջ է արդեօք թէ մեռած,

Եւ ի՞նչ դռներ է ծեծել, մայր իմ անուշ ու անգին։

 

Եւ երբ յոգնած է եղել, եւ երբ խաբւել է սիրուց_

Ո՞ւմ գրկում է հեծեծել, մայր իմ անուշ ու անգին։

 

Մտորում ես դու տխուր եւ օրրում է թթենին

Տխրութիւնը քո անծիր, մայր իմ անուշ ու անգին։

 

Եւ արցունքներ դառնաղի ահա ընկնում են մէկ֊մէկ

Քո ձեռքերի վրայ ծեր, մայր իմ անուշ ու անգին...

1920

Ուրբաթ, ապրիլի 8-ի առաւօտեան ժամը 11:00-ին մարզաւանի «Վաչիկ Ղարաբէգեան» սրահում տեղի ունեցաւ Երէցների միութեան ընդհանուր հանդիպումը, որը զուգադիպել էր Մայրերի տօնին:

Մուտքի մօտ ողջունելիս սիրելի կանանց նւիրւեց կարմիր վարդեր և քաղցրեղէն:
Երէցների միութեան նախագահ՝ ընկեր Հենրիկ Բաբա Ահարոնեանը բարի գալստեան խօսքով սկսեց հանդիպումը ապա մէկ րոպէ ոտնկայս, լռութեան հրաւիրեց ներկաներին՝ միութեան ընկերներ՝ Վիգէն Մուրադեան և Արմիկ Ղազարեանի մահւան յիշատակը յարգելու համար:
Կազմակերպւել էր գեղարւեստական ծրագիր, սկզբում ասմունքեց Վանէ Մակարեանը Ծնողի սէր-ը Յովհաննէս Շիրազից, դրանից յետոյ ցուցադրւեց Հանրային հասարակական բաժանմունքի կողմից ներկայացւած 6 րոպէ ֆիլմ, որտեղ Քահանա Գրիգորիսը բացատրում է մօր հանգամանքը Քրիստոնէական եկեղեցում:
Ապա մենակատարեցին՝ Մայրիկ երգը Մինէ Թահմասեանը և Սրտի բանալին, Սօնա Ռուբենեանից Թէնի Ֆարմանեանը:
Ծրագրի ընթացքին դաշնամուրով հանդէս եկաւ Դերեն Բարաթեանը
• Գարուն Երևանը,
Ա. Խաչատրեանից
• Չքնաղ երազ, Առնօ Բաբաջանեանից
• Մարտիկի երգը, Աշոտ Աաթեանից
• Գիժ Մարտ
Օրւայ հաղորդավարն էր ընկեր Անի Դրորը:

Ինչպէս միշտ տօնւեց ամսւայ ծննդեան տարեդարձները:
Վերջում համեստ ընդունելութեամբ հիւրասիրւեցին ներկաները։

Շաբաթ մարտի 19 2022թ.-ի վաղ առաւօտեան Հ.Մ.Ա.Կ.-ի Մարզական միութեան բասկետբոլի Երէց եւ սեղանի թենիսի մարզիկ՝ Ռոնի Մեհդիխանին և խմբի պատասխանատու՝ ընկ. Արին Բաղրամեանը մեկնեցին
Նոր Ջուղա՝ մասնակցելու "Իրանահայ 32-րդ Գարնանային խաղեր"֊ին։