Հրատարակութիւն

PDF
Արւեստից Լուրեր
Արւեստից Լուրեր
Մարզական Լուրեր
Սկաուտական Լուրեր
Երէցների Լուրեր
Մասնաճիւղերի Լուրեր
Ընդհանուր Լուրեր

Թւականիս փետրւարի 25-ին, Հ.Մ.«Արարատ»Կ.-ի Արւեստից միութեան վարչութեան Նախագահ՝ ընկեր Քրիստինէ Արզումանեանը եւ փոխ նախագահ՝ Գրետա Հախբանդեանը այցելեցին ձեռագործի վարպետ տկն. Մարիամ (Մարօ) Մեհրաբեան Զովէլեանի բնակարանը եւ մտերմիկ զրոյց վարեցին իր հետ։

 

Սոյն այցելութեամբ տկն. Մարոյին պաշտօնապէս հրաւիրեցին առաջիկայ հինգշաբթի եւ ուրբաթ, թւականիս 3 եւ 4 մարտին կայանալիք ցուցահանդէսին, որը տեղի է ունենալու «Արարատ»մարզաւանի«Խաժակ Արզումանեան» ցուցասրահում նւիրւած երեք արւեստագէտներ օրդ. Լեոնի (Լալիկ) Թաշճեանին, տկն. Օֆիկ Նազարեանին եւ տկն. Մարօ Զովէլեանին։

 

Մարիամ (Մարօ) Մեհրաբեան Զովէլեանը ծնւել է Աբադան քաղաքում, ջարդից վերապրող հօրից եւ Չարմահալցի մօրից։ Նա իր խստապահանջ եւ բարեսիրտ հօրից է ժառանգել իր ամուր կամքը եւ աշխատասիրութիւնը, իսկ մօրից հայուհու վայել նրբագեղ արւեստի նկատմամբ սէրը։

 

Փոքր հասակից ժամանել է ձեռագործի դասնթացների, որը երկար տարիներ եղել է իր զբաղմունքը եւ հետաքրքրութիւնը։

 

Աշխատել է Աբադանի նաւթային ընկերութիւնում, որպէս տնօրէնների գրասենեակի պատասխանատու։

Մարօն կարճ ժամանակ դասաւանդել է Աբադանի հայոց դպրոցում, ակտիւօրէն մասնակցել է Աբադանի Գուսան երգչախմբի նաեւ համայնքի ազգային հասարակական աշխատանքներին։

Ապա Թեհրան հաստատւելով, անդամակցել է Հայ Կին միութեան աշխատանքներին եւ մի քանի շրջան եղել է վարչութեան անդամ։

 

Մարոյի ձեռարւեստը եւ սփրոցները անգամներ ցուցադրւել եւ վաճառւել են հայ Կին միութեան տարեկան ցուցահանդէս վաճառքներում եւ բազմիցս ցուցադրւել հայկական եւ Իրանական ցուցասրահներում որոնք մաքրութեան, գոյների համադրութեան եւ ճաշակի առումով նմանեցւել են գեղանկարչութեան։

 

Քաջառողջութիւն ենք մաղթում մեր սիրելի արւեստագէտին։

Հինգշաբթի, թւականիս փետրւարի 24-ին, Հ.Մ.«Արարատ»Կ.-ի Արւեստից միութեան վարչութեան Նախագահ՝  ընկեր Քրիստինէ Արզումանեանը եւ փոխ նախագահ՝ ընկեր Գրետա Հախբանդեանը եւ ցուցասրահի յանձնախմբի անդամ՝ Արմէն Այւազեանը այցելեցին ձեռագործի վարպետ՝ տկն. Օֆիկ Նազարեանի եւ Թեհրանի գեղարւեստի ֆակուլտետի ճարտարապետութեան շրջանաւարտ եւ արւեստգէտ՝ Արամազդ Նազարեանի բնակարան ու մտերմիկ զրոյց վարեցին տէր և տկն. Նազարեանների հետ։

 

Սոյն այցելութեամբ տէր և տկն. Նազարեանները պաշտօնապէս հրաւիրւեցին առաջիկայ հինգշաբթի եւ ուրբաթ, թւականիս 3 եւ 4 մարտին կայանալիք ցուցահանդէսին, որը տեղի է ունենալու «Արարատ» մարզաւանի «Խաժակ Արզումանեան» ցուցասրահում նւիրւած երեք արւեստագէտներ Լեոնի (Լալիկ) Թաշճեանին, Օֆիկ Նազարեանին եւ Մարօ Զովելեանին։

 

Տկն. Նազարեանը երկար տարիներ է ինչ զբաղւում է ասեղնագործութեամբ եւ նրա ձեռագործ աշխատանքներից մի քանի նմուշներ ցուցադրւել են 2019 թւականին կայացած «Հայ կանանց ձեռքի աշխատանքներ»-ի ցուցահանդէսում:

 

Ճրտպ. Արամազդ Նազարեանը դեռ մանկուց սիրել եւ հետաքրքրւած է եղել նկարչութեամբ ու իր աշխատասիրութեան շնորհիւ ստեղծել է բազմաթիւ կտաւներ, որոնք 2017 թւականին ցուցադրւեցին «Ա.Մանուկեան» թանգարանում։

 

Լիայոյս ենք, որ մօտ ապագայում նաեւ կը վայելենք ճրտպ. Արամազդ Նազարեանի նկարչութիւնները եւ կտաւները Հ.Մ.«Արարատ»Կ.-ի «Խաժակ Արզումանեան» ցուցասրահում։

 

Ընկերները մեծ հրճւանլով վայելեցին զոյգ արւեստագէտների աշխատանքները եւ գոհունակութեամբ աւարտեցին այցելութիւնը։

 

Քաջառողջութիւն ենք մաղթում մեր սիրելի արւեստագէտներին։

Թւականիս փետրւարի 8-ին,
Սոս Սարգաեանի անւան համազգային թատրոնի խումբը, նախապէս պայմանաւերւածութեամբ հ.Մ.Ա.Կ-ի Արւեստից միութեան մի քանի վարչականների ընկերակցութեամբ, այցելեցին Ալիք օրաթերթի տպարան եւ խմբագրութիւն, որտեղ և
հիւրընկալւեցին ու մասնակցեցին հարցազրոյցի։
Հարկ է նշել խումբը, այսօր երեկոյեան ներկայացում է ունենալու Ջուղայի Արարատ միութեան յարկի տակ, իսկ վաղը երեկոյեան, ժամը 19:30-ին, Թեհրանում՝ Հ.Մ.Ա.Կ.-ի "Կոմոտաս" սրահում կը ներկայացնի Յովհաննէս Թումանեանի "Լոռեցի Սաքոն" ։

Յաջողութիւն ենք մաղթում խմբին իրենց հիւրախաղերում։
(Հարցազրոյցը տեսնել Ալիք օրաթերթի յառաջիկայ համարներում)

Թւականիս Փետրւարի 10-ին, Արարատի "Կոմիտաս" սրահում
"Սոս Սարգսեանի անւան համազգային թատրոն"-ը բեմադրեց Յովհաննէս Թումանեանի "Լոռեցի Սաքոն" Նարինէ Գրիգորեանի բեմադրութեամբ։

"Լոռեցի Սաքոն" ներկայացումը իր մասնագիտական մատուցմամբ օժտւած էր լոյսի եւ պատկերի հետաքրքիր նորարարութիւններով, որը հիացմունք պատճառեց հանդիսատեսին եւ արժանացաւ նրա բուռն ծափողջոյններին։

Աւարտին բեմ հրաւիրւեց Հ.Մ.Ա.Կ.-ի նախագահ՝
ընկեր Հենրիկ Խալոյեանը եւ օրւայ առիթով յուշանւէր յանձնեց
խմբին։

Խումբը ուշ երեկոյեան Արւեստից միութեան եւ Կենտրոնական վարչութեան ընկերների միջոցով հիւրընկալւեց Հայոց Ակումբում եւ յաջորդ առաւօտ մեկնեց Երեւան։

Ուրբաթ, յունւարի 21-ին, Հուսկ կենտրոնում տեղի ունեցաւ
«کارگاه اصول و فنون مذاکره» դասախօսութիւնը՝ դոկտոր Ամիր Դաբիրի Մեհրի միջոցով, նաև մասնակցեցին Սկաուտական միութեան անդամները, ովքեր միութեանը կը փոխնցեն իրենց ձեռքբերած