Հրատարակութիւն

PDF
Արւեստից Լուրեր
Արւեստից Լուրեր
Մարզական Լուրեր
Սկաուտական Լուրեր
Երէցների Լուրեր
Մասնաճիւղերի Լուրեր
Ընդհանուր Լուրեր

«Արարատ»-ի Խաժակ Արզումանեան ցուցասրահում արդէն մի քանի օր է ցուցադրութեան է հանւել երիտասարդ արւեստագէտ Նինէլի Խաչիկեանի ստեղծագործութիւնները:

Նինէլիի ուշագրաւ կտաւներն արտացոլում են երիտասարդ արւեստագէտի հաստատուն քայլերն արւեստի ոլորտում:

Նա մեզ հետ ուենցած զրոյցների ընթացքում նշել է, որ իր կտաւները մեծ ընդառաջում են գտել ցուցասրահում:

Թէեւ, սա Նինէլիի առաջին անհատական ցուցադրութիւնն է, սակայն երիտասարդի կտաւները երկար ժամանակ միայնակ չեն մնացել Հ.Մ. «Արարատ» Կ.-ի Խաժակ Արզումանեանի անւան ցուցասրահի պատերին՝ գրանցելով բացառիկ քանակի պահանջարկ, եւ թւով 30 կտաւներից միայն մի քանիսն է մնացել:

Նինէլիի աշխատութիւնների ցուցադրութիւնը շարունակւելու է մինչեւ ուրբաթ դեկտեմբերի 24-ը՝ Արարատի Խ. Արզումանեան ցուցասրահում:

Հետաքրքրական է, որ «Խաժակ Արզումանեան» ցուցասրահը իւրօրինակ արւեստի կենտրոնի վերածման միտում է արձանագրել, այն մի քանի շաբաթների ընթացքում համախմբել է արւեստագէտների, մտաւորականների, շարքային քաղաքացիների, եւ այն հասցրել է արւեստի ոլորտով հետաքրքրող անձանց համար աչքի ընկնող կենտրոններից մէկի վերածւել:

Ուրբաթ, 2021 թւականի,  դեկտեմբերի 17-ի առաւօտեան, «Արարատ» մարզաւանի «Վաչիկ Ղարաբէգեան» սրահում տօնակատարւեց Երէցների միութեան հիմնադրման 57-ամեակը:

Բացումը կատարեց Երէցների միութեան նախագահ՝ ընկեր Հենրիկ Բաբա Ահարոնեանը, ով  ողջունելով ներկաներին   հրաւիրեց Կենտրոնական վարչութեան  նախագահ՝ ընկեր Հենրիկ Խալոյեանին, նա իր խօսքերում յոյժ գնահատեց երէցներին և միութեան կարևոր դերը  Կազմակերպութեան մէջ ու շնորհաւորելով միութեան  57-ամեակը մաղթեց բեղմնաւոր աշխատանք։

Ցուցադրւեց միութեան աշխատանքներից տեսաերիզ, այնուհետև գեղարւեստական ծրագրով ելոյթ ունեցան Արւեստից միութեան «Շանթ ու Շանթիկ» թատերախմբերի  և Սկաուտական միութեան անդամները ըստ հետևեալի՝

 Սելին Ղևոնդեանը ասմունքեց «Ես իմ անուշ Հայաստանի»

 Նոյ Նազարեանը՝ ասմունքեց «Հայը»,

 Անի Յովհաննիսեանը՝ ասմունքեց «Սասունցիների պարը» ,

Դերէն Բրաթեանը՝ դաշնամուրով ելոյթ ունեցաւ «Հայկական երգերի շարանը» և Թենի Ֆարմանեանը, ով մեներգեց «Լուսին»-ը։ Երիտասարդ միութենականները բուռն գնահատւեցին ծափողջոյններով։

 Խրախճանքի բաժնում հատւեց տարեդարձի գեղեցիկ կարկանդակը և կատարւեց   յիշատակալից միասնական նկարահանումներ։ ընդունելութիւնը շարունակւեց շատ հաճելի և ուրախ մթնոլորտում։

Ուրբաթ՝ դեկտեմբերի 10-ին տեղի ունեցաւ Արի և Արենուշ հատւածների միատեղ աշխատանքը, որը սկսւեց մարզախաղով, այնուհետև շինեցին թղթէ աշտարակներ և հաճելի խաղով իրենց աշխատանքը աւարտին հասցրին։

 

Շարունակւում է Սկաուտական միութեան ղեկավար դաստիարակչական աշխատանքների շարանը, իսկ այս անգամ միութեան աստիճանաւորների մասնակցութեամբ։

Հինգշաբթի՝ դեկտեմբերի 9-ին տեղի ունեցաւ Սկաուտական միութեան աստիճանաւորական Գիշերային աշխատանքը։ Աշխատանքը սկսւեց հետաքրքիր մարզախաղով, այնուհետև սկաուտներին բախտ վիճակւեց ականատես լինել աստղագիտական բացառիկ իրադարձութեանը, որը Վեներա (Արուսեակ) և Պլուտոն արեգակնային համակարգի մոլորակների համատեղ գծում երևան գալն էր։ Այս իրադարձութիւնը ներկայացւեց Հայաստանի Բիւրականի աստղադիտարանի մագիստրոս կոչումով աստղագետի միջոցով։ Սկաուտները ստանալով համապատասխան գիտելիքներ, այս իրադարձութեանը ականատես եղան աստղադիտակով։

 

Իսկ օրը աւարտին հասցրին խարոյկահանդէսով։

Յետաձգւում է«ԽԱՇ, ՆԱԽԱՃԱՇ և ՍՈՒՐՃ» 

Տեղեկանք

Ուրախութեամբ յայտնում ենք, որ Հ.Մ.Ա.Կ.-ի Երէցների միութեան Հանդէս-Ձեռնարկ բաժանմունքի նախաձեռնութեամբ, ուրբաթ դեկտ. 10-ի առաւօտեան ժամը 9։00-ից 12։30 կազմակերպւել է «ԽԱՇ, ՆԱԽԱՃԱՇ և ՍՈՒՐՃ» մարզաւանի «Վաչիկ Ղարաբէգեան» սրահում։ Իւրաքանչիւր մասնակցի համար 90.000 թուման է նախատեսւած։