ՀՄԱԿ-ի Մարզական միութեան նախաձեռնութեամբ՝
Մեկնարկեց Իրանի Համահայկական 54-րդ խաղերը
Հինգշաբթի 2023 թ.-ի սեպտեմբերի 7-ի երեկոյեան բոցավառւեց Իրանի Համահայկական խաղերի 54-րդ շրջանի ջահը:
Խաղերի ջահը նախապէս օրհնւած՝ Սուրբ Մինաս եկեղեցուց Սուրբ Խաչ մատուռ յանձնւած և պահւած էր, վետերան մարզիկ ընկեր Թինա Իսայեանի ձեռամբ, ջահագարդ ունենալով «Արարատ»-ի Մինի բասկետբոլի խմբին։
Հ.Մ.Ա.Կ.-ի հիմնադիրները նման մրցութիւններ նախաձեռնելով նպատակ են ունեցել կրթելու համայնքի զաւակների միտքն ու ոգին, սերմանելով ազգասիրութիւն և միասնութիւն:
Հանդիսութեանը ներկայ էին Իրանի հայ Կաթողիկէ համայնքի հոգևոր առաջնորդ Տէր Սարգիս եպիս.Դաւթեանը, Աւետարանական եկեղեցոյ հոգևոր հայրերը, Իրանի իսլ. հանրապետութիւնում Հայաստանի հանրապետութեան Արտակարգ և լիազօր դեսպան՝ դկտ.Արսէն Աւագեան և տիկինը, ԻԻՀ Հայաստանի հանրապետութեան գործերի ժամանակաւոր հաւատարմատարը,
ԻԻ Խորհրդարանում հիւսիսային Իրանում իրանահայութեան պատգամաւոր՝ պրն. Արա Շահվերդեանը, Թ.Հ.Թ. Պատգամաւորական ժողովի և Թեմական խորհրդների ներկայացուցիչները, Ալիք հաստատութեան, Ազգային մարմինների և Քոյր միութիւնների ներկայացուցիչները, վարչականները և միութենական հրաւիրեալները:
Միջոցառումը մեկնարկեց Տէրունական աղօթքով ապա Սկաուտական միութեան դրօշակագարդը և թմբկահարները
Ի Իսլ. Հանրապետութեան և «Արարատ» Կազմակերպութեան հիմներգերով, որոնք կատարւեցին Արարատ երգչախմբի միջոցով ծածանեցին դրօշները։
Հաղորդավարները բացւած համարեցին 54-րդ շրջանի խաղերը յայտնելով,
որ սոյն շրջանի խաղերին մասնակցել են շուրջ 350 մարզիկներ, ընդորում
ՀՀ Սիւնիքի, Թեհրանի, Նոր Ջուղայի Արարատի մասնաճիւղեր՝ Թաւրիզի և Ուրմիայի խմբերը։
Այնուհետև մասնակից միութիւնների մարզիկների ներկայացուցիչները միութիւնների անունները կրող փլաքարդներով, քայլերգով ներկայացան դաշտ։
Ցուցադրւեց Սուրբ Մինաս եկեղեցում օրհնւած ջահի տեսաերիզը, որին յաջորդեց Մարզաւանում ջահագարդի մուտքի և ջահավառութեան կենդանի ցրման երիզը, ապա ներկաների ծափողջոյններով Թինա Իսայեանը բոցավառեց 54-րդ խաղերի ջահը որին յաջորդեց հրավառութիւն։
54-րդ շրջանի բոցավառւած ջահի ջերմութեան ներքոյ սիրով կընթանան Համահայկական խաղերը։
Կատարւեցին իրաւարարի երդումը ճատրակի իրաւարար Արմիտա Գրիգորեանի և
Մարզիկի երդումը Սինթիա Քէշիշեանի միջոցով ով Հայաստանի 8-րդ Համահայկական խաղերի թեթևատլետ մարզաձևում գրաւել է երրորդ տեղը։
Ապա Կենտրոնական վարչութեան նախագահ՝ ընկեր Սոֆի Ջաղարբէգեանը օրւայ առիթով արտայայտւեց, ով նաև պարսիկ հիւրերի համար արտայայտւեց պարսկերէն լեզւով։
Մարզիկների ելքից անմիջապէս յետոյ տեղի ունեցաւ Արարատ Ֆուտբոլի ակադեմիայի և Մինի բասկետբոլի խմբերի ցոյցերը։
Արւեստից միութեան «Արարատ» երգչախումբը կատարեց՝
Հայ ժողովրդական երգերի շարան, Մուշի շրջան
Երաժշտութիւն
Ստեփան Շաքարեանի
Գովք Հայաստանի
Երաժշտութիւն
Աշոտ Սաթեանի
Երևան-Էրեբունի
Երաժիշտութիւն
Էդգար Յովհաննիսեանի
Արարատ պարախումբը կատարեց՝
Սևանի և յաղթական պարերն ապա ցուցադրւեց Գիւմրիում նկարահանւած ֆլեշմոբ
Էլի լաւա պարի կլիպը։
հանդիսութիւնը աւարտւած համարելով, ներկաները ինչպէս յայտարարւել էր անցնելով «Սասունցի Դաւիթ» սրահ դիտեցին օրւայ բասկետբոլի մրցումը՝ «Արարատ 1» – «Փերիոյ» խմբերի միջև։
Յաջողութիւն ենք մաղթում բոլոր մարզիկներին և սպասում ենք քաջալերող մարզասէրների խուռներամ մասնակցութեանը։
Օրւայ հաղորդավարներն էին՝ Մոնթէ Իսմայիլեանը, Սերլի Ղևոնդեանը և Միշէլլա Միրզախանեանը, նիւթերի համադրողը՝ ընկեր Անահիտ Նազարեանը։
Արւեստից միութեան Արարատ երգչախմբի և պարախմբիբ նախապատրաստական փորձերը
Իրանի համահայկական խաղերի նախօրէակին։
2023 թւականի սեպտեմբերի 4-ին ՀՄԱԿ-ի Արւեստից միութեան վարչութիւնը խորհրդակցական հանդիպում ունեցաւ Արխիւային յանձնախմբի նախագահ՝ ընկեր Արա Ծատուրեանի հետ։
Վարչութիւնը մօտկից ծանօթացաւ արխիւայինի աշխատանքներին ի մասնաւորի արւեստիցին առնչւող արխիւներին եւ աշխատանքներին ու ստացաւ ընկերոջ խորհուրդները արխիւները բարելաւելու ուղղութեամբ։
Չորեքշաբթի երեկոյեան, 2023 թ.-ի օգոստոսի 23-ին Հ.Մ.Ա.Կ.-ի Արւեստից միութեան նախաձեռնութեամբ "Արարատ" կենտրոնատեղիի "Կոմիտաս" սրահում տեղի ունեցաւ բացառիկ երաժշտական երեկոյ մասնակցութեամբ Հայաստանից ժամանած Խաչատրեան Եռեակի։
Ելոյթը նւիրւած էր հայազգի անւանի երաժիշտ՝ Արամ Խաչատրեանի հարիւր քսան ամեակին։
Երեկոյին ներկայ էին ԻԻՀ Հայաստանի հանրապետութեան դեսպանութեան գործերի ժամանակաւոր հաւատարմատարը և անձնակազմը, Ազգային մարմինների ներկայացուցիչները, անւանի երաժիշտ՝ Լորիս Ճգնաւորեանը, քոյր միութիւնների եւ մարմինների ներկայացուցիչները, "Արարատ" կազմակերպութեան Կենտրոնական վարչութեան ընկերները և համայնքի արւեստագէտ եւ արւեստասէր անձիք։
Խաչատրեան տրիոյի երաժիշտներն ու գործիքաւորումներն են՝ Արմինէ Գրիգորեան դաշնամուր, Կարէն Քոչարեան թաւջութակ և Կարէն Շահգալդեան ջութակ, որոնց ներկայացրեց օրւայ հաղորդավար ընկեր Մեղեդի Նազարեանը։
Ապա եռեակը հանդէս եկաւ՝ Կոմիտասի, Խաչատրեանի, Միրզոյեանի եւ Առնօ Բաբաջանեանի կտորներով։
Խաչատրեանի անւան եռեակը՝ Խաչատրեան Տրիոն, հիմնադրւել է 1999 թւականին որպէս «Արսիկա»։ Խաչատրեանի անւան եռեակը համերգներով հանդէս է եկել աշխարհի աւելի քան 40 երկրների 100 քաղաքում ու համերգասրահներում: Այդ շարքում կարելի է յիշել Վիեննայի Մուզիքֆերեյին, Համբուրգի Լայցհալ, Լայպցիգի Գևանդհաուզ, Միւնխենի Գաշտայգ Ֆիլարմոնի, Լոնդոնի Փուրսլ Ռում, Տոկիոյի Սանթուրի և Տորոնտոյի Քըրնըր Հալ համերգասրահները: Եռեակը նայև անգամներ մասնակցել է համաշխարհային հռչակաւոր փառատոների ինչպէս՝ Կոստա-Ռիկայում Արւեստների , Մեքսիկայում Սերբանտինո, Համբուրգի Ռուսական Քամերմուզիքֆեստ, Մալտայի Երաժշտական միջազգային և մի շարք այլ փառատօներ: Եռեակի ելոյթները հեռարձակւել են ռադիոյով և հեռուստատեսութեամբ։
Եռեակը թողարկել է 9-ը ձայնասկաւառակ նւիրւած հայկական ու ռուսական երաժշտութեան, ներառեալ Խաչատրեանի ու մալտացի երգահան Ալեքսեյ Շորի երաժշտութիւնը Սոնի ընկերութեան միջոցով։
Եռեակի ստեղծագործական գործունեութիւնն անմիջականօրէն կապւած է Երևանում Արամ Խաչատրեանի տուն-թանգարանի հետ, որտեղ ձայնագրւում են եռեակի ձայնասկաւառակները:
Ելոյթը ողջունւեց և աւարտւեց ներկաների բուռն ծափողջոյններով։
2023 թ.-ի գոստոսի 11-ի առաւօտեան Երէցների միութեան Հանրային հասարակական բաժանմունքի նախաձեռնութեամբ՝ տեղի ունեցաւ Օգոստոս ամսւայ ընդհանուր հանդիպումը նւիրւած՝ Նաւասարդի տօնին։
Սկզբում Երէցների միութեան վարչութեան փոխ նախագահ՝ ընկեր Անի Աւագեանը ողջունեց ներկաներին նշելով Երէցների միութեան և երեք բաժամունքների նորընտիր վարչութիւնների անձնակազմի անունները, մաղթելով իրենց ոյժ ու կորով և նորանոր յաջողութիւներ։
Ապա Հանրային հասարակական բաժանմունքի վարչութեան միջոցով ընթերցւեց համառօտ տեղեկանք Նաւասարդ տօնի մասին, ցրւեց ասմունք ժամանակի անդամ՝ ընկեր Ռազմիկ Արզոյեանի կատարումով Դանիէլ Վարուժանից։
նշւեց Օգոստոս ամսւայ տարեդարձները և վերջում ներկաները հիւրընկալւեցին աւանդական հարիսայով պատրաստւած ընկերների ձեռքով։
Աւարտին ընկերները այցելեցին Արխիւային գրասենեակ, որտեղ պատասխանատու ընկեր Արա Ծատուրեանը հետաքրքիր բացատրութիւններ փոխանցեց ներկաներին։
ՀՄԱԿ-ի "Արարատ" պարախմբի Հայաստանում կատարած աշխատանքները
2023 թ. Յուլիս-Օգոստոս
Պատկերներ՝ Ֆլէշմոբից և Գիւմրու ճամբարից
(Բ մաս)
Համահայկական 8-րդ խաղեր
Տղ. բասկետբոլ
Թեհրան 76- 74 Գլենդել
Մոնրոուզ
2023 օգոստոսի 9
Համահայկական 8-րդ խաղեր
Բասկետբոլ
Թեհրան 79-47 Արաք
2023 օգոստոսի 8
