Հ.Մ.Ա.Կ.-ի Սկաուտական միութեան Արիների հատւածի թիւ 2 խմբի նախաձեռնութեամբ, յուլիսի 2 և 3-ին կայացաւ FIFA 17 PS4-ի մրցութիւնները «Վաչիկ Ղարաբէգեան» սրահում: Մրցութեանը մասնակցել էին շուրջ 50 հոգի: Մրցութեան եզրափակիչ փուլում մրցեցին Արթուր Աւանէսեանը և Արքայ Նազարեանը, որը ախոյեան դարձաւ Արթուր Աւանէսեանը: ներկաները մեծ խանդավառութեամբ թողեցին սրահը:
Թեհրան նահանգի ակումբների առաջին կարգի բասկետբոլի մրցաշարում յաղթական եղաւ «Արարատ»-ի բասկետբոլի տղայոց թիւ 1 խումբը:
Սկսեալ փետրւարի 2016 թւականից մինչ այժմ, տեղի է ունեցել բասկետբոլի 49 մրցումներ Թհերան նահանգի ակումբների առաջին կարգի խմբերի միջև, և վերջապէս երեքշաբթի յուլիսի 4, 2017թ.-ին յաղթական համարւեց «Արարարտ»-ի թիւ մէկ խումբը, երկրորդ տեղը գրաւեց «Օղաբ» և երրորդը «Օմիդ» խմբերը, հարկ է նշել որ յաղթող և երկրորդ տեղը գրաւած խումբը 2017 թւականին մուտք գործեցին « جام برتر » մրցաշար:
Շնորհաւորում ենք Մարզական միութեան բասկետբոլիստներին և «Արարատ»-ի մեծ ընտանիքին
Արշաւը սկսւեց ժամը 9-ին երկսեռ երիտասարդների ու երէցների միասնական պորձով:
Պորձից հետոյ տեղի ունեցաւ մրցութիւններ։ Ապա Շահբազեան սրահում տեղի կայացաւ մտերմիկ զրոյց և մտքերի փոխանակում որի ընթացքում մարզիկները ծանոթացան յանձնախմբի անդամներին։
Արշաւը ծառայեց իր նպատակին որն է՝ անդամների միջև մտերմութիւնը:
Աոյն արշաւին հրաւիրւած էին վոլիբոլի վեթերաններ ընկերներ Գառնիկ Իսաղուլեանը և Ռազմիկ Միրզախանեանը։
Նախաձեռնութեամբ ՀՄԱԿ-ի Երէցների միութեան վարչութեան եւ Հանրային-հասարակական բաժանմունքի ու «Գրական շրջանակ»-ի համագործակցութեամբ ուրբաթ, յունիսի 23-ին, երեկոյեան ժամը 7-ին «Արարատ» մարզաւանի «Շահբազեան» սրահում տեղի ունեցաւ վերջերս Երեւանում լոյս տեսած «Հարփիկ Թամրազեան»-ի յիշատակին նւիրւած ժողովածուի շնորհանդէսը:
Բացման խօսքով հանդէս եկաւ միութեան Հանրային-հասարակական բաժանմունքի նախագահուհի՝ ընկեր Արմինէ Գրիգորեանը: Նա ակնարկելով «Հարփիկ Թամրազեան» անունը կրող հատորին, ամփոփ գծերով ներկայացրեց հեղինակի կեանքն ու ազգային-հասարակական ծաւալուն գործունէութիւնը, որ ցաւօք վաղաժամ ընդհատւեց մեքենայի վթարի պատճառով՝ 1977-ին:
Այնուհետեւ ելոյթ ունեցաւ Հարփիկ Թամրազեանի դուստր, մասնագիտութեամբ լեզւաբան՝ դոկտ. Արմինէ Թամրազեանը: Նա շնորհակալութիւն յայտնելով Երէցների միութեան վարչութեանը եւ բոլոր նրանց, որոնց ջանքերի շնորհիւ կազմակերպւել է սոյն ձեռնարկը, անդրադարձաւ գրքի ենթաբաժիններին ու յօդւածներին: Նրա բացատրութեամբ՝ գրքի նիւթերը ընտրւել են տպագրւած կամ ձայնագրւած բազմաթիւ նիւթերի միջից:
Յաջորդ բանախօսը ընկեր Վարդան Վարդանեանն էր: Նա ակնարկելով գրքի յօդւածներին, հետաքրքիր նմուշներ կատարեց Հարփիկ Թամրազեանի մօտեցումների ու համոզմունքների մասին, իսկ խօսքի վերջում յուշեր պատմեց նրա հետ ունեցած իր հանդիպումներից ու տպաւորութիւններից:
Այնուհետ շուրջ 6 րոպէ տեւողութեամբ հնչեց Հարփիկ Թամրազեանի կենդանի ձայնը՝ մի հատւած Մեծ Եղեռնի 50-ամեակին արտասանած բանախօսութեան ձայնագրութիւնից:
Ժողովածուում տեղ գտած Հարփիկ Թամրազեանի բանաստեղծութիւններից ընթերցեցին ընկերներ՝ Արմիկ Դանիէլեանը, Սաթի Արթունօֆն ու Սեդա Թարվերդեանը: Այդ ընթացքին սրահում հնչում էր «Երգը կորցրած կարապը» բանաստեղծութեան վրայ յօրինւած Զօրի Դաւոյեանի երաժշտութիւնը:
Վերջում Իրանահայ գրողների միութեան նախագահ, բանաստեղծ Վարանդը ընթերցեց Հարփիկ Թամրազեանին նւիրած իր բանասեղծութիւնը՝ գրւած պատանի տարիքում նրանից ստացած տպաւորութեան հիման վրայ, ապա մի օրինակ իր վերջին գրքից - իրանական արդի բանաստեղծներից կատարած թարգմանութիւններ - նւիրեց դոկտ. Արմինէ Թամրազեանին:
Նախասրահում ներկաներին էր տրամադրւում խնամքով կազմւած, որակեալ տպագրութեամբ «Հարփիկ Թամրազեան» հատորը: Նաեւ նախատեսւած էր ընդունելութիւն ծրագրի սկզբում եւ վերջում:
Հ.Մ.Ա.Կ.
Հինգշաբթի, յունիսի 15-ին տեղի ունեցաւ Հ.Մ.Ա.Կ.-ի Սկաուտական միութեան Արիների հատւածի աստիճանաւորական գիշերայինը:
Աշխատանքի նպատակն էր սկաուտների միմեանց հետ յարաբերութիւնների սերտացումը:
Գիշերային աշխատանքի ծրագրի մաս էր կազմում՝ դասարաններ, ազատ զրոյց, եւ այլ աշխատանքներ:
Օրւայ դասարանի բանախօսն էր՝ Պրն. Յովիկ Բեհբուն: Նա լայնածաւալ բացատրութիւններ տւեց բանակումների եւ ճամբարների վերաբերեալ: Դասարանի վերջում արի աստիճանաւորները դասախօսին ուղղեցին հարցեր ու յայտնեցին իրենց տեսակէտները:
Հինգշաբթին արիների հատւածի համար աւարտւեց ազատ զրոյցով: Երկու ժամ տեւողութեամբ ջերմ եւ մտերմիկ զրոյցը՝ լի էր քննարկումներով, տեսակէտներով եւ հետաքրքիր առաջարկներով: