Հրատարակութիւն

PDF
Արւեստից Լուրեր
Արւեստից Լուրեր
Մարզական Լուրեր
Սկաուտական Լուրեր
Երէցների Լուրեր
Մասնաճիւղերի Լուրեր
Ընդհանուր Լուրեր

Ուրբաթ,  նոյեմբերի  19-ին կայացաւ Կրտսերների հատւածի թիւ 1, Արենուշների հատւածի թիւ 3 և Արիների հատւածի թիւ 4 խմբերի միասնական արշաւը Արարատ մարզաւանում։

Օրը սկսւեց օջախի վրայ նախաճաշ պատրաստելով, այնուհետև խմբերը զբաղւեցին սկաուտական խաղերով։

Սկաուտները անցկացրին կապերի և մորս կոդի դասարաններ և վերջում տօնեցին իրենց ընկերոջ ծնունդը։

Միասնական աշխատանքի նպատակն էր սկաուտների մօտ զարգացնել Բարձրացիր-Բարձրացուր նշանաբանի իմաստը, սկաուտական գիտելիքները և մտերմութիւնը, ինչը որ ծառայեց նպատակին ։

2 Օր է մնացել
Իրանի 52-րդ Համահայկական խաղերի բացման հանդիսութեանը

Հանդիսութիւնը կարող էք դիտել live Արարատ-ի instagram-ից՝
https://instagram.com/ararat_organization?utm_medium=copy_link

Կրտսեր հատւածի թիւ 1 խմբի աշխատանքից պատկերներ՝
Կապի դասարան
Դասատու՝ Դեր Խմբապետ Մինէ Ալլահվերդեան
Միասնական քոնսէ Արի հատւածի թիւ 3 և Արենուշ հատւածի թիւ 4 խմբերի հետ:

 

 

2021 թ.-ի, ուրբաթ նոյեմբերի 19-ի երեկոյեան, Սուրբ Մինաս եկեղեցում տեղի ունեցաւ՝

Իրանի 52 -րդ Համահայկական խաղերի ջահի օրհնութիւնը։

 

Այս տարի խաղերը նւիրւած է Բժշկական համակարգին առ ի երախտագիտութիւն կորոնավարակի ծանր օրերին մարդկութեան առողջապահութեան վերականգնմանը ի նպաստ  կատարածի համար։

 

Ջահակիր՝ ընկեր դկտ. Սևակ Հաթամեանը մէկն է այդ նւիրեալ բժիշկներից, ով  բժշկական իր ծառայութիւնն է մատուցել յանուն մարդկութեան առողջութեան։

Ջահակիրների խումբն էր կազմում Արարատի  տղայոց բասկետբոլի թիմը։

 

Կենտրոնական վարչութեան,  Մարզական միութեան վարչութեան ու միութենականների ներկայութեամբ, եկեղեցում քահանայ հայր Տէր Գուրգէն Ներսիսեանի ձեռամբ  օրհնւեց ջահը, այնուհետև ջահակրի և խմբի  վազքով տարւեց մարզաւան, յանձնւեց Կենտրոնական վարչութեան նախագահ՝ ընկեր Հենրիկ Խալոյեանին, ով  ողջունելով երիտասարդներին, մաղթեց առողջ մրցումներ ապա ջահը  տեղադրեց Ս Խաչ Մատուռում։

 

Ջահը կը բոցավառւի Իրանի 52-րդ Համահայկական խաղերի բացման հանդիսութեան օրը, որի ջերմութեան ներքոյ կընթանայ բոլորի սիրւած Համահայկական  խաղերը,

կարգախօս ունենալով՝

 

ԽԱՂԱՂՈՒԹԻՒՆ

ՄԻԱՍՆՈՒԹԻՒՆ

ԱՌՈՂՋՈՒԹԻՒՆ՝

ՄԱՐԶԱՆՔՈՎ

 

                           Հ.Մ.Ա.Կ.

Հ.Մ.«Արարատ»Կ.-ի Երէցների միութեան «Գրական շրջանակ»-ի սոյն թւի 21-րդ տեսակապը տեղի ունեցաւ նոյ. 13-ին, եօթ ընկերների ներկայութեամբ։
Ընթերցւեց Միսաք Մեծարենցի (1886֊1908) "Հովը" բանաստեղծութիւնը։
հնչեց Մեծարենցի խօսքով յօրինւած "Երազ օրեր" երգը.
"Կարմիր ծաղիկ մը գարունի
"առտու մ'ինձի նւիրեցիր,
"ըզգացի թէ տենդեր ունի
"երազկոտ միտքս ուշացիր"։
 Շիրազի "Մայրական" շարքից, ընթերցւեց
"Հրաշք" բանաստեղծութիւնը։
Ընթերցւեց Թումանեանի մի նամակ գրւած Հայաստանի Հանրապետութեան վարչապետ (1919֊1920) Ալեքսանդր Խատիսեանին (1874֊1945)։
Վերջում, ընթերցւեց Համօ Սահեանից մի գեղեցիկ բանաստեղծութիւն, որը շատ այժմէական է հնչում։ Ստորեւ տրւում է այն.

Այս մի բուռ քարեղէն հողում

Ա՜խ, ինչքան զոհեր ենք տւել,
Որ պահենք այս հողը մի բուռ,
Անունը Հայաստան պահենք:
Արիւնի ծովեր ենք տւել,
Որ պահենք այս հողը մի բուռ,
Անունը Հայաստան պահենք:
Քրտինքի ծովեր ենք տւել,
Որ կորդը բուրաստան պահենք,
Տաճար ու ոստան պահենք:
Այս մի բուռ քարեղեն հողում։

Այս մի բուռ քարեղեն հողում,
Դեռ ինչքան ջանք է հարկաւոր,
Որ պահենք մեր հացը հոգևոր,
Եւ պահենք մեր քայլը` այս խենթ
Քառատրոփ թռչող կեանքի հետ:
Եւ պահենք մեզանով լեցուն
Մեր հոգուն տարեկից լեզուն:

Սեփական մեր բոյրը պահենք,
Եւ պահենք մեր համը սեփական,
Սեփական մեր գոյնը պահենք,
Եւ ապրենք մեր տանը սեփական:
Եւ տոհմ ու գերդաստան պահենք,
Եւ պահենք այս հողը մի բուռ,
Անունը Հայաստան պահենք: