ՄԱՐՏԻ ԱՄՍԱԿԱՆ ՀԱՆԴԻՊՈՒՄԸ
Երկուշաբթի, մարտի 6-ին կայացաւ Երէցների միութեան 2017 թւականի մարտ ամսի հանդիպումը: Կազմակերպիչ յանձնախումբը գեղեցիկ մտայղացմամբ մուտքի առջեւ բոլոր կանանց նւիրեց մէկական վարդ՝ նշելու համար մարտի 8-ը՝ Կանանց միջազգային տօնը, կամ ինչպէս Հայաստանում է նշւում՝ Կանանց ու գեղեցկութեան ամսւայ սկիզբը, որը տեւելու է մինչեւ ապրիլի 7-ը՝ Մայրերի տօնը:
Հանդիպումը համընկնելով վերջերս գումարւած Կազմակերպութեան Պատգամաւորական ժողովին ու այդ ժողովից բխած Կենտրոնական վարչութեան եւ միութիւնների վարչութիւնների նոր կազմերի ընտրութեանը, յատկացւել էր նորընտիր վարչական կազմերի հետ հանդիպումանն ու ծանօթացմանը: Առ այդ, հրաւիրւել էին նորընտիր վարչութիւննների անդամները՝ Կենրոնական վարչութիւնից ներկայ էին փոխնախագահ ընկեր Ժանեթ Թարվերդեանը եւ քարտուղարութեան պատասխանատու ընկեր Լիդա Վարդանեանը, Արւեստից ու Մարզական միութիւններից՝ նորընտիր նախագահներ ընկեր Ալեքս Կարապետեանն ու ընկեր Հարմիկ Շահնազարեանը, ինչպէս նաեւ այդ միութիւնների վարչական անդամները, Սկաւուտական միութիւնից նորընտիր սկաուտապետ՝ ընկեր Արին Մկրտչեանը եւ բնականաբար՝ Երէցների միութեան վարչութեան անդամները:
Երէցների միութեան նորընտիր վարչութեան նախագահ՝ ընկեր Հարմիկ Զովէլեանը, իր խօսքի սկզբում յիշելով միութեան վերջին կորուստ ընկեր Անժիկ Մանուկեանին, ինչպէս նաեւ միութեանս անդամների հարազատ հանգուցեալ Սեպուհ Սերժ Մինասեանին, ներկաներին հրաւիրեց մէկ րոպէ յոտնկայս լռութեամբ յարգել հանգուցեալների յիշատակը: Ապա ընթերցեց նորընտիր Կենտրոնական վարչութեան եւ միութիւնների վարչութիւնների անւանացանկերը ու ներկայացրեց ներկայ վարչականներին: Կենրոնական վարչութեան եւ միութիւնների ներկայացուցիչներն եւս արտայայտւեցին յոյս յայտնելով նոր շրջանը շարունակել համագործակցութեան ոգով ու վառ նւաճումների հեռանկարով:
Երեկոն շարունակւեց ընդունելութեամբ ու ջերմ մթնոլորտում նշւեց մարտ ամսւայ տարեդարձները:

از آنروز به بعد ، خواهر و برادر در دیدارهای پنهانی،خبرهایی را که درباره ی  مادر و بازماندگان می شنیدند به هم می گفتند.فهمیده بودند که آنها را به شهر حلب برده اند . با آنکه درباره ی  سرنوشت تبعید شدگان اطلاعات موثق و مشخصی وجود نداشت ، اما شایعات گوناگونی بر سر زبانها بود...

Երկուշաբթի փետրւարի 13-ի  2017 թ.-ին  «Վաչիկ Ղարաբէգեան»սրահում տեղի ունեցաւ   Երէցների միութեան  ամսւայ ընդհանուր հանդիպումը որտեղ նշւեց  միութեան վաստակաւոր անդամ ՝ընկեր Էդւարդ  Յարութիւնեանի  թարգմանութեամբ,անւանի  իրաւաբան՝ Ֆեթհիյէ Չեթին-ի «Մեծ մայրիկս»յուշագրական գրքի շնորհանդէսը ,100-ից աւելի  անդամների ու հիւրերի ներկայութեամբ:

Սկզբում միութեան նախագահ ՝ ընկեր Հարմիկ Զովէլեանը  ողջունելով ներկաներին , ոտնկայս հրաւիրեց յարգելու նորոգ հանգուցեալ երկու ընկերների յիշատակը ,այնուհետև ներկայացրեց ընկեր Էդւարդի կենսագրականը  նշելով որ սա ընկերոջ երկրորդ հրատարակած գիրքն է ու  պատիւ համարեց ,որ այս շրջանում Երէցների միութիւնը նշել է գրքի երկու շնորհանդէսներ նաև ընթերցեց «Պայման» եռամսեակի խմբագրական կազմի ուղերձը :

Ապա ընկեր Սեդա Թարվերդեանը ներկայացրեց գրքի բովանդակութիւնը լուսանկարներով որից յետոյ ընկեր Արմիկ  Դինիէլեանը   պարսկերէնով մէջբերումներ կատարեց, վերջում թարգմանիչը օրւայ առիթով ունեցաւ  իր խօսքը :

Ներկաները հնարաւորութիւն ունէին սրահում  գնելու«Մեծ մայրիկս»գիրքը :

Ծրագրի աւարտին ներկաները մօտենալով թարգմանչին փոխանցեցին իրենց ջերմ շնորհաւորանքները ,«Պայման» եռամսեակի նւիրած գեղեցիկ ծաղկեփունջը զարդարել էր սրահը , Հանրութեան  հետ կապի  յանձնախումբը  փոքրիկ յիշատակով յայտնեց իր երախտագիտութիւնը :

 Վերջում  տեղի ունեցաւ Հանրային- հասարակական բաժանմունքի կողմից պատրաստւած համեստ ընդունելութիւն որը ուրախ  մթնոլորտում տևեց մինչև ուշ գիշեր:

(Գիրքը վաճառւում է Հուսկ հաստատութիւնում ,نشر ثالث  գրախանութում և մարզաւանի Երէցների Կրպակում )

Մեկնարկեց  Հ.Մ.Ա.Կ.-ի Մարզական միութեան 41-րդ Համադպրոցական խաղերի բացման հանդիսութիւնը

Չորեքշաբթի 8 փետրւարի 2017 թ.-ին շուրջ 1200 հանդիսատեսի,  567 աշակերտ – ուհիների և 100 ից աւելի  մանկապարտէզների  բալիկների ներկայութեամբ և մասնակցութեամբ բացւած յայտարարւեց 41-րդ Համադպրոցական խաղերը:

Արաքս դպրոցի տարրական բաժնի երգչախումբը սկզբում կատարեց  Տէրունական աղօթքը այնուհետև հնչեց Իրանի Իսլ. Հ. Հիմնը, ղեկավարութեամբ Մեղեդի Նազարեանի: Երգչախումբը նաև կատարեց այլ երգեր:

Օրւայ խօսքով հանդէս եկաւ Մարզական միութեան վարչութեան նախագահ ՝ Արա Ջահանեանը:

Տեղի ունեցաւ Թունեան դպրոցի աշակերտների մարզական ցոյցերը որից յետոյ բեմ բարձրացաւ Մարիամ հաստատութեան երկսեռ երգչախումբը Գիտա Եասերիի ղեկավարութեամբ:

Մեծ շուքով մուտք գործեցին մարզիկ աշակերտները: Հարկ  է նշել որ բացման հանդիսութիւնը զուգադիպում էր Թունեան դպրոցի հիմնադրման 60-ամեակի և նւարդ Գուլբենգեան դպրոցի 50-ամեակի բարեբաստիկ առիթներին:

Աշակերտական երդումը կատարեց Սերւին Խոսրովեանը, իրաւարարի երդումը կատարեց Էմելին Ղազարեանը:

«Միասնական շուրջպար» մեներգով հանդէս եկաւ Մխիթար Վարդինը:

Օրւայ խօսքով հանդէս եկաւ Կենտրոնական վարչութեան նախագահ Գէորգ վարդանը:

Ծրագրի աւարտին իր հայրական օրհնանքով մասնակիցներին խօսքը ուղղեց սրբազան հայրը:

Օրւայ հաղորդավարներն էին Արւեստի դպրոցի աշակերտներ՝

Երազ Բանդարին, Մեղրի Սարխոշեանը, Ալէ Խալոյեանը և Անի Յովհաննիսեանը

Ձեռնարկին ներկայ էին թեմիս բարեխնամ առաջնորդ Սրբազան հայրը, թեմական խորհուրդի ներկայացուցիչը, Կրթական խորհրդի ներկայացուցիչը, Պատգամաւորական ժողովի ներկայացուցիչները, դպրոցների տեսուչներ  և փոխտեսուչները, Հայ Կաթողիկէ եկեղեցու սուրբ  քոյրերը, ծնողական խորհուրդները, ծնողները, միութիւների վարչութիւները և Արարատի կենտոնական վարչութեան ընկերները:

Ներկաները մեծ խանդավառութեամբ թողեցին Մարզաւանը:

Մրցումները սկսւելու է հինգշաբթի ժամը 16-ից:

Նիւթը ստացել ենք Արարատի Հանրութեան հետ կապից:

Խաղերի ծրագիրը կարելի է ստանալ Հ.Մ.Ա.Կ.-ի պաշտօնական կայքէջից և թելեգրամից

www.araratorg.org

telegram.me/Araratorg

Հ.Մ.Ա.Կ.