Կիրակի մայիսի 7, 2017 թ.-ին Արարատ մարզաւան այցելեցին Թեհրանի քաղաքապետարանի երրորդ բաժնի առաջին մասնաբաժնի քաղաքապետ պրն. Դկտ. Աքբարին և սոցիալական բաժնի փոխ տնօրէն պրն. Ղալամին, նրանց դիմաւորեցին կազմակերպութեան նախագահ՝ Գէորգ Վարդանը, մարզաւանի վարիչ մարմնից Արման Մուրադեանը, Կ.Վ. գրասենեակի վարիչ Սևան Ծառուկեանը, մարզաւանի վարիչ Արբի Զոհրաբեանը նաև ներկայ էին «Արարատ» թաղամասի Քաղխորհրդի մարմնի պատւիրակութիւնից Արա Ծատուրեանը և Արէն Պօղոսեանը: Խումբը շրջագայեց մարզաւանը և հարկ եղած բացատրութիւնները տրւեց հիւրերին:

Չորեքշաբթի 19 եւ հինգշաբթի 20 ապրիլի 2017 թ.թ.-ին Կենտրոնական վարչութեան նախագահ` ընկեր Գէորգ Վարդանը եւ նիւթականի պատ.` ընկեր Ռաֆիկ Բաղումեանը, գրասենեակի վարիչ` ընկեր Սեւան Ծառուկեանի ընկերակցութեամբ այցելութիւն ունեցան Հ.Մ.Ա.Կ.-ի Ատրպատականի մասնաճիւղերը:

Հ.Մ.Ա.Կ.-ի Միջվարչական ընդհանուր հանդիպումը տեղի ունեցաւ չորեքշաբթի մայիսի 3-ի 2017 թ.-ին:

 Սոյն հանդիպմանը ներկայ էին միութիւնների, մարմինների և մասնաճիւղերի ներկայացուցիչները: Սկզբում Կենտրոնական վարչութեան նախագահ ընկեր Գէորգ Վարդանը ողջունելով կազմակերպութեան ղեկավար կազմերին ամփոփ բացատրութիւններ տւեց շրջանի ծրագրերի մասին, ապա միութիւնների ու մարմինների ներկայացուցիչները մէկ առ մէկ ծանօթացրին իրենց անձնակազմը ու ներկայացրեցին անցեալ քանի ամիսների և յառաջիկայ աշխատանքների ծրագրերը:

            Կազմակերպութեան ժամանակի նախագահ՝ ընկեր Վանիկ Փեթրոյեանի Թեհրան լինելու առիթը պատեհ համարելով Կենտրոնական վարչութիւնը հրաւիրել էր իրեն և նախքին նախագահներին, ներկայ էին ընկերներ՝ Վարուժան Առաքելեանը, Թովմաս Թովմասեաը և Համլետ Խալոյեանը որոնք միջվարչականի հիմնական օրակարգից յետոյ միացան հանդիպմանը: Նախագահները ևս արտայայտւեցին և ողջունեցին ժողովականներին: Այնուհետև հրաւիրեալներին միացան թեմիս բարեխնամ առաջնորդ արք. Սեպուհ Սրբազանը և Տէր Մակար եպս. Աշգարեանը:

 Սրբազան հայրը յայտնեց իր ուրախութիւնը նման հանդիպման ներկայանալու համար և յայտնեց որ իր հետ բերել է Կիլիկիոյ Կաթողիկոսութեան Արամ Վեհափառ հայրապետի Կոնդակը, որը Տէր Մակար Աշկարեանի միջոցով ընթերցւեց ու յանձնւեց նախագահ ընկ. Գէորգ Վարդանին յանուն հայանպաստ և ազգանպաստ աշխատանքների, յիշեցնելով, որ քանի ամիս առաջ Գէորգ Վարդանը պարգևատրւել է Կիլիկիոյ Կաթողիկոսութեան «Ասպետ»-ի շքանշանով: Սրբազան հայրը ողջունեց Արարատի մեծ դերը համայնքում և սփիւռքում և մաղթեց մեծ վերելքներ, անխոնջ ծառայութիւն բոլոր արարատականներին և շքանշանի ու կոնդակի տարօսը մաղթեց ազգային հասարակական կեանքում բոլոր անձնւէր աշխատողներին:

            Նախագահը յայտնեց իր շնորհակալական և երախտագիտութիւն խօսքերը և այս պարգևը համարեց իր հետ աշխատող բոլոր կազմերի սեփականութիւնը:

            Ներկաները հրաւիրւեցին համեստ ընդունելութեան, օրւայ սեղանապետի պարտականութիւնը յանձնւեց ընկեր Արա Շահնազարեանին, սկսւեց ինքնաբուխ գեղարւեստական ներկայացումների շարանը, հանդիպումը ընթացաւ և աւարտւեց աննախընթաց և միութենական ոգի ներշնչող, միասնաբար աշխատելու հրամայականով:

Ուրբաթ 14 ապրիլի 2017 թ.-ի առաւօտեան «Արարատ» մարզաւան այցելեցին՝ Թ.Հ.Թ. բարեխնամ առաջնորդ՝ գերաշնորհ Տ. Սեպուհ Արք. Սարգսեանը,  Առաջնորդական փոխանորդ՝ Գերաշնորհ Տ. Մակար Ս. Եպս. Աշգարեանը, Գերշ. Տ. Մեղրի Եպս. Բարիքեանը և Հոգշ. Տ. Արտաւազդ Աբղ. Շարոյեանը: Հոգեւոր հայրերը շրջելով Մարզաւանի տարածքը այցելեցին «Ռոստոմ Ոսկանեան» նորակառոյց մարզահամալիր եւ Ս. Խաչ Մատուռ: Կազմակերպութեան կողմից նրանց հիւրընկալում  էին Կենտրոնական վարչութեան նախագահ՝ ընկեր Գէորգ Վարդանը և նոյն վարչութեան անդամներ՝ ընկեր Դաւիթ Մարգարեանը և Արբի Սարգսեանը, «Արարատ» մարզաւանի Վարիչ մարմնի նախագահ՝ ընկեր Գէորգ Մկրտչեանը, Մարզաւանի վարիչ՝ ընկեր Արբի Զոհրաբեանը եւ Կենտրոնական վարչութեան գրասենեակի պատ.՝ ընկեր Սեւան Ծառուկեանը: Այցելութեանը յաջորդեց Կազամակերպութեան մարզիկների հետ հանդիպում, ուր Սրբազան հայրը իր առաքելական յորդորներով մաղթեց մազիկներին Աստւածային օրհնութիւններով օծուն բարձր նւաճումներով եւ յաջողութիւններով լի գործունեայ աշխատանք: Հանդիպման աւարտին Կենտրոնական վարչութեան կողմից հիւրընլկալւեցին խումբը և մտերմիկ զրոյց ունեցան համայնքային եւ Մարզաւանի ընդհանուր  հարցերի շուրջ:

Հ.Մ.«Արարատ» Կ.-ի Հանրութեան հետ կապ

Չորեքշաբթի, 1 մարտի 2017 թւականի առաւօտեան, Կենտրոնական վարչութեան նախագահ՝ ընկեր Գէորգ Վարդանը ու Կենտրոնական վարչութեան գրասենեակի պատասխանատու՝ ընկեր Սեւան Ծառուկեանը, այցելեցին Իրանի առաջնակարգ ակումբներից՝ «Էնղելաբ» մարզահամալիր: Նրանց հիւրընկալեցին՝ Իրանի Ազգային Օլիմպիական կոմիտէի նախագահ՝ պրն. Քիումարս Հաշեմին եւ մարզահամալրի տղայոց բաժնի լողաւազանների տնօրէն՝ պրն. Քազեմին: Ընկերները այցելեցին մարզահամալրի տարբեր բաժիններ, ծանօթանալով մարզահամալիրի առկայ աշխատանքներին, մանրամասն բացատրութիւն տրւեց մարզահամալրի տեխնիկական աշախատանքներից նաեւ լողաւազանի տարբեր բաժիներից: Շրջագայութիւնից յետոյ ընկերները հիւրենկալւեցին պրն. Քիումարս Հաշեմի գրասենեակում եւ բանակցութիւններ կատարւեց շարունակական եւ միասնական գործունէութիւն ծաւալելու կապակցութեամբ, պրն. Քիումարս Հաշեմին խոստանալով «Արարատ» մարզաւանի լողաւազանների բարեկարգման աշխատանքներում համագործակցել կազմակերպութեան հետ: Ընկեր Գէորգ Վարդանը իր շնորհակալութիւնը յայտնեց պրն. Քիումարս Հաշեմիից  հիւրընկալման համար, անդրադառնալով ցուցադրւած աջակցութեան ու յաճախակի այցելութիւններին, յոյս յայտնեց ապագայում եւս պահպանել եւ շարունակել սերտ յարաբերութիւններ:

Վերջում՝ բարեմաղթանքների ջերմ մթնոլորտում, հիւրերը հրաժեշտ տւեցին միմեանց կրկին հանդիպման եւ համագործակցութեան խոստումներով:

Հ.Մ. «Արարատ» Կ.

Երէկ շաբաթ երեկոյեան փետրւարի 25-ի, 2017 թ.-ին Կենտրոնական վարչութեան հրաւէրով մտերմիկ հանդիպման էին  հրաւիրւել  անցեալ շրջանում աշխատող բոլոր մարմիններն ու յանձնախմբերը:

 Կազմակերպութեան նախագահ ընկ.Գէորգ Վարդանը ողջունելով ներկաներին գնահատեց բոլորի անվերապահ համագործակցութիւնն ու աշխատասիրութիւնը Արարատի ընտանիքում ու մաղթեց ,որ ընկերները այս շրջանին ևս կը շարունակեն նոյն եռանդը ներդնել յանձնախմբերում ու մարմիններում յանուն կազմակերպութեան յառաջխաղացման ,որի արդիւնքը վայելում են ու կը շարունակեն վայելել մեր համայնքն ու նոր  սերունդը.

Հանդիպումը շարունակւեց հիւրընկալութեամբ և մտերմիկ մթնոլորտում:

Սիրելի հայրենակիցներ, ուրախութեամբ յայտնում ենք որ, յառաջիկայ օրերին տեղի է ունենալու جام حذفی մրցաշարի եզրափակիչ մրցումը: Արարատի խումբը յաղթելով جام حذفی -ի բոլոր մրցումները կանգնած է եզրափակիչ փուլում:

Բոլորս միասին ներկայանալով մրցմանը քաջալերենք մեր ֆուտբոլիստներին:

 Մրցման օրը և ժամը կը տեղեկացւի շուտով: