Կենտրոնական Վարչութիւն
Հայաստանի Հանրապետութիւնում լոյս տեսնող հեղինակաւոր, ԱԶԳ թերթը ծաւալուն յօդւած է հրապարակել, որի ընթացքում անդրադարձել է Հ.Մ. «Արարատ» Կ.-ի «Նոր միտք» նախագծի քննարկման միջոցառմանը եւ անցկացման կարեւորութեանը:
ԱԶԳ-ի յօդւածագիր իրանագէտ Կարէն Մկրտչեանը, մասնաւորապէս՝ նշել է, որ նախկինի հետ համեմատած այժմ առկայ է խիստ սահմանափակ հնարաւորութիւններով իրանահայ համայնք, որը սակայն այսօր էլ շարունակում է հմտօրէն հաղորդակից լինել տեխնոլոգիական նորամուծութիւններին՝ փորձելով, դրանք ներմուծել բիզնես հարթութիւն:
Յօդւածագիրն որպէս վկայութիւն փաստել է Հ.Մ. «Արարատ» Կ.-ի «Նոր միտք» նախագծի քննարկման միջոցառմանն, որի ընթացքում բանախօսութեամբ է հանդէս եկել իրանահայ անւանի ձեռներէց, թւային մարքեթինգի մասնագէտ Ժան Պօղոսեանը:
Յօդւածագիրը նաեւ կարեւորել է «Նոր միտք» խմբի առաքելութիւնը, որն նշւած նախագծի միջոցով փորձել է ստեղծել քննարկման կառուցողական եւ փոխշահաւէտ մթնոլորտ տարբեր մասնագէտների ու սոցիալական շերտերի միջեւ:
«Այսպիսով, համայնքային կառոյցները հեռանկարային քայլի են դիմել՝ կազմակերպելով միջազգային կարգի առաջատար մասնագէտի եւ իրենց հայրենակցի կողմից բիզնես ոլորտին առնչւող գիտելիքների փոխանցումը իրանահայութեանը»,- նշւած է նիւթում:
Յօդւածի մէկ այլ հատւածում նաեւ անդրադարձ է կատարւել Սպահանի հայոց թեմի Թեմական խորհրդի ատենապետի եւ«Աֆթաբ» ստեղծարար-նորարարական տան տնօրէնի միջեւ ստորագրւած տնտեսական-ձեռնարկատիրական փոխըմբռնման յուշագրին, որն էլ եւս որակել է, որպէս նմանատիպ կարեւոր նախաձեռնութիւն:
«ԱԶԳ»-ն իր յօդւածի վերջում նշում է, որ իրանահայ համայնքային կառոյցները փորձեր են կատարում եւ պայմաններ են ստեղծում երիտասարդների համար տնտեսական գործունէութեամբ զբաղւելու նպատակով, որն, անկասկած, սոցիալական որոշ խնդիրների լուծման դէպքում կարող է ունենալ հեռանկարային նշանակութիւն կանխելու արտագաղթը:
Երէկ՝ յուլիսի 16-ին, Հ.Մ. «Արարատ» Կ.-ի Կենտրոնական վարչութիւնն իր հերթական նիստի ընթացքում հիւրընկալեց Հ.Մ. «Արարատ» Կ.-ի Թաւրիզի մասնաճիւղի սկաուտապետ ընկ. Սաթիկ Աւագեանին, Նոր Ջուղայի հայ մարզամշակութային Արարատ միութեան Սկաուտական միաւորի խմբի պատասխանատուներից ընկ. Նարեգա Սիմոնեանին եւ Կազմակերպութեան սկաուտական միութեան սկաուտապետ խմբապետ Արգին Պօղոսեանին:
Հանդիպման սկզբին Կազմակերպութեան Սկաուտական միութեան սկաուտապետ խմբապետ Արգին Պօղոսեանը ներկայացրեց միութեան ընդհանուր բանակումին ժամանած Նոր Ջուղայի եւ Թաւրիզի մասնաճիւղի պատւիրակութիւնների պատասխանատուներին, այնուհետեւ շնորհակալութիւն յայտենց կենտրոնական վարչութեանը հիւրընկալելու համար:
Արգին Պօղոսեանն անդրադառնալով Սկաուտական միութեան 2022 թւականի ընդհանուր բանակումին, որն անցկացւում է երկար տարիներ դադարից յետոյ նշեց, որ սկաուտների մօտ բարձր ոգեւորութեամբ է ընդառաջւել բանակումը եւ նկատեց, որ ընդհանուր բանակումի կազմակերպումը մեծ քայլ էր, որն իրականացաւ Կենտրոնական վարչութեան աջակցութեան շնորհիւ:
«Թաւրիզի» մասնաճիւղի Սկաուտական միութեան սկաուտապետ խմբապետ Սաթիկ Աւագեանը բարձր գնահատեց բանակումի կազմակերպւածութիւնը եւ անցկացման գաղափարը, մասնաւորապէս, Գերագոյն կազմի, եւ խմբերի պատասխանատուների ջանքերը: Նշեց, որ Թաւրիզի մասնաճիւղի սկաուտները մշտապէս ցանկանում են կապերն ամրապնդել Թեհրանի մասնաճիւղի սկաուտների հետ եւ նման մասշտաբի բանակումները նրանց համար երազանքի բնոյթ է կրում:
Այնուհետեւ, Նոր Ջուղայի սկաուտական պատւիրակութեան պատասխանատու ընկ. Նարեգա Սիմոնեանը նոյնպէս բարձր գնահատեց բանակումի կազմակերպումը եւ շնորհակալութիւն յայտնեց հիւրընկալութեան համար:
Կազմակերպութեան նախագահ ընկ. Հենրիկ Խալոյեանն իր խօսքերում անդրադարձաւ Սկաուտական բանակումին եւ նշեց, որ նման բնոյթի բանակումները եւ գաղափարները անհրաժեշտ է վերածւեն նախաքայլի մեր ապագայ նպատակների եւ աւելի մեծ ծրագրերի իրականացմանը նպաստող:
Հանդիպման ընթացքում նաեւ արտայայտւեցին Կազմակերպութեան Կենտրոնական վարչութեան փոխնախագահ ընկ. Արա Գալստեանը եւ քարտուղարութեան պատասխանատու ընկ. Սոֆի Ջաղարբէգեանը, որոնք ողջունեցին հիւրերին եւ բարձր գնահատեցին միութեան ընդհանուր բանակումի կազմակերպումը , եւ առանձին անդրադարձան կազմակերպութեան պատրաստակամութեանը ընդլայնելու յարաբերութիւնները թէ՛ մասնաճիւղի տարբեր միութիւնների, թէ՛ Նոր Ջուղայի Արարատ միութեան:
Կառուցողական քննարկման մթնոլորտ՝ Հայ Դատ, Հայոց Ցեծասպանութիւն, նոր սերունդ. Հ.Մ. «Արարատ» Կ.-ի «Նոր Միտքը» հիւրընկալեց դոկտ. Ռուբինա Փիրումեանին
Յուլիսի 14-ին, Հ. Մ. «Արարատ» Կ.-ի «Նոր միտք» խմբի նախաձեռնութեամբ, տեղի ունեցաւ քննարկման միջոցառում՝ «Հայոց Ցեղասպանութեան աղէտի ընկալման եւ անդրադարձը գրականութեան մէջ եւ պատմական յիշողութեան փոխանցման հարցը սերունդներին» թեմայով: «Նոր միտք» նախաձեռնութիւնը նպատակ ունի նոր մթնոլորտ ձեւաւորել նոր մտքերի դրսեւորման եւ համախմբման համար եւ պարբերաբար բանախօսական հաւաքներ կազմակերպելով փորձում է վեր հանել ազգային, հասակական, տնտեսական, մշակութային եւ այլ ոլորտներին առնչւող հարցեր ներկայացնելով, թեմաներին առնչւող համապատասխան լուծումներ:
«Նոր մտքի» միջոցառմանը ներկայ էին Իսլ. խորհրդարանում Սպահանի եւ հարաւային իրանահայութեան պատգամաւոր Ռոբերտ Բեգլարեանը, «Ալիք» հաստատութեան ներկայացուցիչ Սեւան Դանիէլեանը, Թեհրանի Հայ Դատի յանձնախմբի փոխնախագահ Նարբէ Աբուլեանը, Հ. Մ. «Արարատ» Կ.-ի կենտրոնական վարչութեան անդամներից, միութենականներ եւ հիւրեր:
Խմբի անունից ծրագիրը մեկնարկեց խմբի անդամ իրաւաբան Արա Ջահանեանն, որի ընթացքում անդրադարձաւ խմբի ձեւաւորման նպատակներին, մասնաւորապէս, նշեց, որ խումբը ձգտում է քննարկման կառուցողական մթնոլորտ ստեղծել՝ տարբեր թեմաների եւ հարցերի առնչութեամբ՝ ներգրաււելով, հասարակութեան տարբեր խաւերին: Այնուհետեւ Հ.Մ. «Արարատ» կազմակերպութեան Կենտրոնական վարչութեան անդամ եւ «Նոր միտք» յանձնախմբի հարցերով կապ Սիւնէ Ֆարմանեանն անդրադարձաւ դոկտ. Ռուբինա Փիրումեանի կենսագրութեանը:
Բանախօսութեան ընթացքում դոկտ. Ռուբինա Փիրումեանը համապարփակ ներկայացրեց թեման եւ աղէտին արձագանգելու փուլերի վերաբերեալ: Բանախօսն անդրադարձաւ աղէտի ընկալման տարբեր արձագանգներին, այդ թւում՝ ցեղասպանութեան ենթարկւած ազգի, մասնաւորապէս՝ հայերի ընկալումներին, որոնք նրա համոզմամբ լինում են տարբեր բնոյթների՝ զայրոյթ, վրէժ, վերականգնում, յուսալքութիւն, յիշողութիւնների չարաշահում եւ այլ տիպի արձագանգներ:
Դոկտ. Ռուբինա Փիրումեանը շեշտեց, որ տարբեր ծրագրերով փորձել է Հայոց Ցեղասպանութեան հարցը լուսաբանել եւ հասարակութեան ուշադրութեան կենտրոնում պահել, ինչպէս նաեւ՝ կիրառել իր հեղինակային ծրագրերը՝ երեխաներին Ցեղասպանութեան թեման ներկայացնելու եւ նրանց հասանելի ու ընկալելի դարձնելու նպատակով:
Օրւայ բանախօս, դոկտ. Ռուբինա Փիրումեանն իր բանախօսութեան ընթացքում համապարփան անդրադար կատարեց նաեւ հայ ժողովրդի պատմական իղձերին ու վեհ նպատկներին, նշելով, որ վստահաբար անհրաժեշտութիւն կը լինեն փոխելու մեր մարտավարութիւն ու ռազմավարութիւն, եւ անհրաժեշտ է ձգտել գտնելու ամենաճիշտ ճանապարհը, սակայն ո՛չ երբեք գերնպատակը, այլ վեհ նպատակն անհրաժեշտ է մշտապէս պահել, պահպանել ու առաջնորդւել յանուն այդ նպատակի վերջնական իրագործման:
Դոկտ. Ռուբինա Փիրումեանն անդրադառնալով իր հեղինակային ծրագրերին նշեց, որ մանկավարժական բնոյթի ծրագրերի եւ ձեռնարկների միջոցով փորձել է ուսուցիչներին ներկայացնել Ցեղասպանութեան թեմային կապւած դասերի աւելի ճիշտ եւ հասանելի մատուցելու տարբերակները։ Նա ներկայացրեց թէ, որոնք են իր համոզմամբ՝ այն վստահելի մօտեցումներն, որի արդիւնքում երեխաները հոգեկան ընկճւածութիւն չեն ապրի Ցեղասպանութեան հարցին առնչւելուց:
Միջոցառման ընթացքում ներկաների եւ բանախօսի միջեւ ձեւաւորւեց հետաքրքիր եւ անմիջական քննարկման մթնոլորտ:
Միջոցառման աւարտին դոկտ. Ռուբինա Փիրումեանը իր վերջին՝ «Թաւրիզից Ստալինեան Գուլագ. ընդհատւած պատմութիւն» խորագիրը կրող գրքի մի քանի հատորներ նւիրեց Հ.Մ. «Արարատ» Կազմակերպութեանը: Նոյն այն գիրք, որն անդրադառնում է «ԱԼԻՔ»-ի (1960-1971) թւականների խմբագրապետ դոկտ. Բաղդիկ Մինասեանի կենսագրական տւեալներին, ով իր կեանքի աւելի քան 10 տարիները անց է կացրել ստալինեան ճիրաններում, աքսորւելով Սիբիր:
Նշենք, որ դոկտ. Ռուբինա Փիրումեանը հայերէն լեզւի եւ գրականութեան դասախօս եւ UCLA համալսարանի համահետազօտողներից է: Նա Հայ Դատի եւ Հայոց Ցեղասպանութեան մասին բազմաթիւ գիրքերի, դասագիրքերի եւ հետազօտական յօդւածների հեղինակ է: Իր գլխաւոր գործերի շարքում են «Աղէտի հանդէպ գրական հակազդեցութիւններ. համեմատութիւն հայկական եւ հրէական փորձառութիւններին» (1993), եւ հայերէն լեզւով «Հայաստանը՝ Հայ Յեղափոխական Դաշնակցութեան եւ Պոլշեւիկների յարաբերութեան շրջագիծին մէջ. 1917-1921» (1997), (թարգմանւած եւ հրատարակւած ռուսերէնով,) «Հայ Դատ»՝ 10-12-րդ դասարանի աշակերտների համար դասագիրքերի շարքը, ինչպէս նաեւ՝ «Հայ Դատի պատմութեան» ամբողջական դասագիրքեր՝ նախատեսւած Հայաստանի երկրորդական վարժարանների համար (2000): «Եւ նրանք, որոնք շարունակեցին ապրել Թուրքիոյ մէջ 1915-ից յետոյ»-ը (2008) եւ ամենավերջին հրատարակութիւնն է:
Նա ունեցած է դասախօսական լայն ասպարէզ եւ մասնակցել է բազմաթիւ միջազգային գիտաժողովների: Նա իր ասպարէզի ընթացքին կատարած իրագործումների համար արժանացած է Հայկական Կրթական Ֆոնտի մրցանակին, ինչպէս նաեւ՝ Մեծի Տանն Կիլիկիոյ Արամ Ա կաթողիկոսի շնորհած Մեսրոպ Մաշտոց շքանշանին:
متنسخنرانی قرائت شده در ۹مین مسابقات والیبال ارومیه
عالیجناب گریگور چیفتچیان اسقف اعظم ارامنه آذربایجان، جناب آقای دکتر بیرامی مدیر کل ورزش و جوانان استان آذربایجان غربی، جناب آقای نوروزی مدیر کل اداره فرهنگ و ارشاد اسلامی استان آذربایجان غربی، نماینده محترم آشوریان در مجلس شورای اسلامی مهندس شارلی انویه، میمانان گرانقدرورزشکاران عزیز ،همكاران، همياران ورزش دوست ،خانمها – آقایان
با سلام و یاد خدا بسيار خرسندم كه توفيق حاصل شد در زادگاه نياكان خود ، در استان آذربايجان و شهر زيباي اروميه برای افتتاحیه امروز در كنار شما باشم.
بسيار خرسندم چون اين مراسم مصادف است با ٧٨-مين سالگرد تاسيس باشگاه ارارات ، باشگاهی که توانسته در برگ برگ صفحات عمرش همراه به اهداف خود که همانا تربیت نسل جوان و جامعه ای سالم است، ثابت قدم باشد.
حضار محترم همانگونه که مستحضرید كل جهان و جامعه ورزش دو سال تمام با مشكلات عدیده ای در خصوص پاندمي كورنا دست و پنجه نرم میکرد، بسياري از ورزشگاهها كلا تعطيل شده و یا به آستانه تعطیلی رسیدند و تيمهاي ورزشی که محضر سلامت اجتماعی است، متلاشي شدند جا دارد ياد و خاطره كليه ورزشكاران و كادر درماني و كساني كه در راه مبارزه با اين پاندمي ايثار گري كردند را گرامي بداريم.
پاندمي ، مردم را از هم دور کرد، ولی دلها را خیر.
جهان را دگرگون کرد، و این دگرگونیها هر چند موجب چالش های انساني و اجتماعی عدیده ای شد ولي موجب فزونی معنولیت و دوری جستن انسانها از مادیات گردید.
اميد است كه بسياري به اين درك رسيده باشند كه براي داشتن جهاني بهتر ، زيباتر و پویاتر نياز به جوامعي سالم داريم و دولتمردان براي داشتن جوامع سالم بايد برنامه ريزي بلند مدت و استراتژي ملي و عملي داشته باشند .
-با همين هدف و براي رسيدن به يك توسعه پايدار بايد به توسعه انساني اهميت داده شود
و براي توسعه انساني مهمترين امر پاسداشت از ارزشهاي والاي انساني است
اري نهادهاي مختلفي در اين راه گام بر ميدارند ولي چه وسيله و يا روش تربيتي بهتري از ورزش ، فرهنگ و هنر ،که میتوانند مرهمی والا و موثر در جهت احياي اين ارزشهاي كم رنگ شده انساني باشند !
اينجانب فرهنگ هنر و ورزش را يكجا عرض میکنم زیرا باور دارم كه ورزش نيز هنر است و در حقيقت فرهنگ اجماع هر دو٫سخنم كمي فلسفي شد !
اینجا جا دارد اشاره ای شایسته به اساسنامه باشگاه آرارات داشته باشم ، اساسنامه ای که با اهداف بلند خود میکوشد با ترسیم راهکارهای تربيتي گامی در خصوص پرورش و تربیت نسلهاي اينده بردارد،
امروز با گذشت ۸۷ سال از عمر این باشگاه ،میتوانم با افتخار عنوان کنم که این مهم به گواه فرزندان پرافتخار خود که در عرصه های مختلف جامعه بزرگ ایران و در کنار دیگر هموطنان گرامی به سلامت زندگی و فعالیت میکنند، جامعه عمل پوشانده شده است.
ارامنه ایران همواره دوش به دوش خواهران و برادران مسلمان و دیگر اقوام کشور در عرصه های مختلف ورزشی و اجتماعی و اقتصادی حضور فعال داشته و در دفاع و صیانت از مرز و بوم این کشور اهتمام ورزیده و در این راه شهدای بسیاری نیز تقدیم استقلال کشور نموده اند، و گواه این مدعا حضور جوانان ارمنی در تیم های ملي يا حضور هنرمندان ارمنی در پهنه فرهنگ و هنر این سرزمین و صنعتگران ارمنی در عرصه تولید بوده و این امر نشات یافته از فرهنگ غنی ایرانی است .
باشگاه فرهنگی و ورزشی آرارات با قدمت 78 ساله خود بعنوان يك سازمان مردم نهاد با كمترين كمكها و حمايتهاي دولتي ، مفتخر است که توانسته گامی ارزشمند در اين راستاي بردارد.
شعبه ارومیه این باشگاه که 68 سال قبل پایه گذاری گردید از زمان تاسیس سعی داشته ، تا با ارائه خدمات فرهنگی و ورزشی به ارامنه ساکن در استان آذربایجان غربی امکان رشد و شکوفایی استعدادهای جوانان ارمنی در زمینه های مختلف را فراهم سازد و همچنین با همکاری نزدیک با ساختارهای ورزشی و فرهنگی استان نمودی از همزیستی مسالمت آمیز میان ادیان را به نمایش گذارد.
امید است برگزاری چنین مسابقات ورزشی زمینه پرورش هرچه بیشتر استعدادها و ایجاد همبستگی بین نیروهای جوان و سوق دادن آنها به سمت جامعه ای سالم در جهت خدمت به همنوع و سربلندی هر چه بیشتر میهن عزیزمان، ایران گردد.
در انتها آرزوی توفیق و بهروزی برای تمام عزیزان را دارم، با مسابقاتی دوستانه و جوانمردانه.
Չորեքշաբթի, յուլիսի 6-ի երեկոյեան, ՀՄԱԿ-ի 78-ամեակի տօնակատարութեան յանձնախումբը Արցախից հիւրաբար ժամանած երկու ընկերներ՝ Նելա Ղուլեանին և Սուսանա Գրիգորեանին հիւրընկալեց մարզաւանի ընթրիքների բաժնում, նւիրեց կազմակերպութեան կողմից պատրաստւած յուշանւէրները և մաղթեց բարի ճանապարհ։
Հ.Մ. «Արարատ» Կազմակերպութեան կենտրոնական վարչութեան նախագահ ընկ. Հենրիկ Խալոյեանի ելոյթը կազմակերպութեան 78-ամեակի միջոցառման ընթացքում
Այսօր Հ.Մ.«Արարատ» կազմակերպութեան տարեդարձն է: Իրօք այսօր չեմ ուզում անդրադառնալ մեր կազմակերպութեան պատմական անցեալին, չեմ ուզում անդրադառնալ վերջին մէկ տարում անգամ իրականացած այն գործունէութեանն, որը երկու տարի համաճարակի դադարից յետոյ, հիմնական նպատակ էինք նպատակադրել՝ մեր կազմակերպութեան եւ համայնքի աշխուժացումը: Եւ այսօր հպարտօրէն հաւատացած ենք, որ մեծամասնաբար յաջողել ենք մեր նպատակն իրագործել:
Հիմնականում այսօր որպէս օրւայ խօսք ուզում եմ անդրադառնալ երկու խորհրդանշական հանգամանքների: Առաջինն յուլիսի 4-ի խորհրդին. ինչպէս գիտէք յուլիսի 4-ը այն օրն է, երբ 1944 թւականի երկրորդ համաշխարհային պատերազմի դժնդակ օրերին, միաւորւեցին ժամանակի 5 պատանեկան միութիւնները՝ որի արդիւնքում ստեղծւում է այդ փոքրիկ միութիւններից այս հսկայ կազմակերպութիւնը:
Ուրեմն այս օրւայ խորհուրդը եւ խորհրդանիշը ՄԻԱՒՈՐՈՒՄ-ն է, միասնական ոգին, որը պիտի օրինակ լինի ընդհանրապէս դժւարին օրերերի համար. այսինքն երբ մարդ անհատը կամ կազմակերպութիւնները ու նոյնիսկ ազգերը ունեն գեր-նպատակ, (ինչքան էլ մարդիկ լինեն որ թերահաւատ են այդ գեր նպատակի իրագոծմանը) իսկ եթէ կայ հաւատք ու այդ հաւատքի շուրջ համախմբւում են մարդիկ և ստեղծւում է միասնական ոգի ու համապատախան կամք՝ իրագոծելու ճշտւած նպատակը, յաջողութիւնը անխուսափելի է դառնում:
Բնականաբար, ինչպէս 78 ամեայ մեր կազմակերպութեան անցեալը՝ նաև մեր համայնքում եւ մեր ազգի պատմութեան մէջ լինում են դժւարին օրեր, յաղթանակի և բնականաբար պարտութեան օրեր կամ վայրեջքներ. բայց հենց վայրեջքներից է որ պէտք է ծնունդ առնի միասնական ոգին ու վերակերտւի նոր յաղթանակներ:
Այստեղ նաև չենք կարող չյիշել այն խաւին, որոնք իրենց անձնականը չեն գերադասել հաւաքականին, եւ պատրաստ են եղել իրենց թանկագինը նւիրաբերել ազգին և հայրենիքի որպէսզի մենք գոյատևենք. ու նոյնը եղել է հայրենիքում մեր ազգի համար, մեր համայնքում ու մեր կազմակերպութեան մօտ:
Երկրորդ խորհրդանիշը, որ կարևորութեամբ պիտի անդրադառնամ այն է որ, այսօր մեր միութենականների կողքին ներկայ են Հայաստանից ժամանած մեր արւեստից միութեան պարախմբի պարացոյցը և Արցախից մեզ մօտ ժամանած ՀՕՄ-ի ընկերուհիները, որոնք բերել են հայրենիքի ու Արցախի համն ու հոտը:
Բնական է որ հայրենիքի հողից կտրւած լինելը մեր ամենամեծ բարդութիւնն է, ու սփիւռքում բազմազան միութիւններ իրենց արւեստի, մարզական, սկաուտական եւ այլ ոլորտների խմբերով ու աշխատանքով փորձել են սերմանել սերունդների մօտ հայրենասիրութիւնն ու ազգասիրութիւնը եւ անցեալ երկար տարիներին այդ արժէքները եղել են վերացական. իսկ վերջին 30 տարում այսինք Հայաստանի անկախութիւնը վերակերտմամբ՝ փոխւել է իրավիճակը
և մեզ նման միութիւնները աւելի բարդ գործ ունեն կատարռլու, հայրենիք-Սփիւռք համագործակցութեան ու հոգեբանական կապն ապահովելու առումով:
Սիրելիներ, այսօր այն պահն է, որ ամէն մէկս մեր տեղայնական եւ մասնագիտական աշխատանքում առաւել կամք միտք եւ միասնականութիւն պէտք է դրսեւորենք եռամիասնութեան խորհուրդը իրականացնելու:
Շնորհաւորելով մեր բոլորի սիրած նախկին պատանեկան յետոյ երիտասարդական միութեան ու այսօր որպէս կազմակերպութիւն աշխատող Թեհրանում, Ատրպատականում, հարաւային Իրանում եւ սփռւած ամբողջ աշխարհով մէկ իր անդամներով... որոնք վերջին օրերին մէկ առ մէկ՝ նախկին նախագահներ և հին ընկերներ զանգել ու փոխանցել են իրենց շնորհաւորանքները. պարտք եմ համարում փոխանցել մեր սիրելի ընկերներին ու միաժամանակ յիշեցնել որ, Արարատ կազմակերպութեան առաքելութիւնն ու մեր ժողովուրդի եւ մեր բարձրագոյն ժողովների որոշումներն յուշում են մեզ, ու դրանք պարտաւորեցնող են՝ ամէն մէկիս համար, որպէսզի կարողանանք այդ որոշումները եւ մեր ճշտւած գեր նպատակները իրականացնենք:
Այդ գերնպատակներից կարելի է լինեն նպատակներ, որոնք ֆիզիքական են ինչպէս կառուցումը այս հոյակապ մարզահամալրի դէպքում, դարձեալ դժւարին օրերին. երբ բազմաթիւ մարդիկ են եղել որոնք հաւատացած չեն եղել, իսկ դա կատարւել է: Անգամ կառուցւելուց յետոյ, մարդիկ են եղել որոնք հաւատացած չեն եղել որ այս կառոյցը կարելի է գոյատեւի, պահպանւի իր 75 հազար քմ-ով ու իր բազմազան հնարաւորութիւններով, բայց դա պատահել է:
Այն ինչ ապագային է վերաբերում մենք ունենք ծրագրեր, որոնք երեւան են գալիս որպէս ինչ որ կառոյցի գաղափարով, ինչպէս յայտարարել ենք օրինակ Արարատի թանգարանը, որով պէտք է ցուցադրենք ոչ միայն մեր համայնքին, այլ Իրանի մեր հայրենակիցներին, իրանահայութեան մարզանքի եւ մշակոյթի դերին այս երկրում:
Սակայն կան գերնպատակներ որոնք դաստիրակչական են, կամ կրթադաստիրակչական, որոնց արդիւնքները երբեք երեւան չեն գալիս ֆիզիքապէս և որի ուղղութեամբ աշխատում են բազմաթիւ միութենականներ, ազգային կառոյցների ղեկավարող դէմքեր, կրթադաստիրակչական միաւորների մասնագէտներ... եւ յոյս ունենք, որ այս պէտք է շարունակւի եւ մեր ապագայ սերունդները, շարունակեն նոյն ճանբան եւ այսպէս աւելին հզօրանայ Արարատը եւ Արարատի կողքին իր քոյր միութիւնները ու այս ճամբով ծառայենք մեր ազգին ու հայրենիքին:
Հ.Մ. «Արարատ» Կազմակերպութեան Կենտրոնական վարչութեան նախագահ ընկ. Հենրիկ Խալոյեանը կազմակերպութեան 78-ամեակի տօնակատարութեան ընթացքում արտայայտած ելոյթի մէկ այլ հատւածում յատուկ կարեւորեց Համազգայի հայ կրթական միութեան եւ ՀՄԸՄ կառոյցների հետ կապերի ամրապնդմանը միտւած քայլերը, ՀՄԸՄ-ի ընդհանուր ժողովին կազմակերպութեան ներկայացուցչի մասնակցութիւնը:
Անդրադառնալով Կազմակերպութեան Արւեստից միութեան ձեռքբերումներին, մասնաւորապէս՝ բարձր գնահատեց հայաստանեան արւեստի ոլորտի տարբեր կառոյցների հետ նրանց համագործակցութիւնները պարախմբերի, թատերական խմբերի եւ այլոց հետ:
Կազմակերպութեան նախագահը ողջունեց մարզական միութեան ձեռքբերումները բասկետբոլի խմբերի վերականգման, ֆուտբոլի խմբի կազմման՝ «Արարատ ֆուտբոլ ակադեմիայի» հիմնման կապակցութեամբ եւ նրանց մասնակցութիւնը յառաջիկայում նախատեսւած համա-Հ.Մ.Ը.Մ ական մարզախաղերին:
Ընկ. Հենրիկ Խալոյեանը բարձր գնահատեց յատկապէս Հ.Մ. «Արարատ» Կ.-ի Սկաուտական միութեան աշխատանքների վերակտիւացումը՝ կորոնավիրուսի համավարակից յետոյ եւ կարեւորեց Սկաուտական միութեան համահայկական բանակումի գաղափարի իրականացման անհրաժեշտութիւնը՝ յոյս յայտնելով, որ տարբեր երկրերի ՀՄԸՄ-ական խմբեր կը յաջողեն մասնակցել նախատեսած բանակումին:
Անդրադառնալով երէցների միութեան գործունէութեանը Նախագահ Հենրիկ Խալոյեանը նշեց, որ երէցները վերականգնել են իրենց աշխատանքները կորոնավիրուսի նւազումից յետոյ սկսել են 40 հոգով եւ յաջողել են կազմակերպել 5 հազարից աւելի այցելութիւն ունեցող բազար, եւ աւելի քան 2 հազար այցելու արձանագրած մայիսի 28-ին միջոցառում:
Նրանք ըստ Հենրիկ Խալոյեանի՝ բարձր աշխուժութիւն են ցուցաբերում յատկապէս վերջին շրջանում կատարելով տարբեր տօնակատարութիւնների կազմակերպման յանձնառութիւնները:
Կազմակերպութեան նախագահն իր խօսքերում նաեւ անդրադարձաւ Կենտրոնական վարչութեան եւ Կազմակերպութեան կողքին կանգնած տարբեր մարմինների եւ գործունէութեանը: Բարերարների, որոնք ազգային կառուցների, այդ թւում՝ Արարատի թիկունքն ամուր են պահում, Վարիչ մարմնի, որն ըստ նրա կատարում են կազմակերպութեան ղեկավարման կարեւոր աշխատանք, հանրութեան հետ կապերի, Արխիւային յանձնախմբի աշխատանքները, եւ Խաժակ Արզումանեան ցուցասրահի ակտիւացման ծրագրերն, որտեղ վերջին մէկ տարւայ ընթացքում թւով 6 ցուցադրութիւններ են կազմակերպւել, եւ կազմակերպութեան կողքին կանգնած սիրելի պաշտօնեաների եւ բոլոր նրանց ջանքերն, որոնք նպաստում են Արարատ Կազմակերպութեան զարգացմանը:
«Նոր միտք»-ը յուլիսի 2-ին, նախաձեռնել է դիսկուրս-քննարկման միջոցառում, հանրայայտ ձեռներեց, թւային մարքեթինգի մասնագէտ, «Մոդիր է Սաբզ» կազմակերպութեան համահիմնադիր Ժան Պօղոսեանի ներկայութեամբ:
Ժան Պօղոսեանը պարսկերէն լեզւով մի քանի բեսթսելեր գրքերի հեղինակ է եւ թրէյնինգների կազմակերպման մասնագէտ՝ դիջիթալ մարքեթինգի ոլորտին առնչւող:
Նրա հետ քննարկման առանցքում լինելու է հէնց թւային մարքեթինգը, որի ընթացքում մասնագէտը ներկայացնելու է տարբեր ուղիներ բիզնեսների աճ ապահովման վերաբերեալ, մասնաւորապէս՝ նոր տեխնոլոգիաների կիրառման հնարքները:
Միացէ՛ք մեզ յուլիսի 2-ին, ժամը 20:30-ին Հ.Մ. «Արարատ» Կ.-ի «Մաջնունեան» սրահում:
Յունիսի 3-ին տեղի ունեցաւ խորհրդակցական եւ համակարգման հանդիպում Կենտրոնական վարչութեան, Վարիչ մարմնի, «Արարատ» ֆուտբոլի ակադեմիայի տնօրէնի եւ Մարզական միութեան գրասենեակի պատասխանատուի միջեւ «Արարատ»- ֆուտբոլի դպրոցի աշխատաքների համակարգման եւ համագործակցութիւնների սահունացման նպատակով:
Հանդիպման սկզբին ընկ. Արա Գալստեանն ողջունեց Մարզական միութեան եւ Իրանի ազգային հաւաքականի նախկին անդամ, «Արարատ»-ի նախկին խաղացող Էդմոնդ Բզիկի միջեւ համագործակցութեան կայացումը եւ կարեւորեց նախանշւած նպատակների, այդ թւում՝ իրանահայ պատանի եւ երիտասարդներին ֆուտբոլի դպրոց ներգրաււման անհրաժեշտութիւնը:
Այնուհետեւ, Մարզական միութեան նախագահ ընկ. Արբի Սարգսեանը անդրադարձաւ ֆուտբոլի նոր ակդեմիայի արձանագրութեան վիճակագրական տւեալներին եւ նշեց, որ օրեցօր աճում են նոր ակադեմիայով հետաքրքրւող անձանց թւերը եւ ժողովրդի պահանջների բաւարարման նպատակով անհրաժեշտ է գործադրել բոլոր ջանքերը:
«Արարատ» ֆուտբոլի ակադեմիայի տնօրէն՝ Էդմոնդ Բզիկը նոյնպէս կարեւորեց բարձորակ ծառայութիւնների մատուցման նպատակով՝ համագործակցութիւնները եւ անդրադարձաւ իր նախատեսած պլաններին ու ծրագրերին:
Վարիչ մարմնի նախագահ ընկ. Նորիկ Մանասէրերանը եւս մարզաւանի վարիչ մարմնի անունից իր պատրաստակամութիւնը յայտնեց եղած հնարաւորութիւններն ուղղել «Արարատ» ֆուտբոլ ակադեմիայի ծրագրերի իրականացմանը:
Հանդիպմանը ներկայ էին «Արարատ» ֆուտբոլ ակադեմիայի տնօրէն Էդմոնդ Բզիկը, Կենտրոնական վարչութիւնից ընկերներ Արա Գալստեանը, Սիւնէ Ֆարմանեանը, Մարզական միութեան վարչութեան ընկերներ Արբի Սարգսեանը, Արթին Մինասեանը եւ մարզական միութեան գրասենեակի պատասխանատու ընկ. Նարէ Քեշիշեանը:
Հանդիպման աւարտին ընկերները միասնաբար շրջեցին մարզաւանում՝ հնարաւորութիւնների ուսումնասիրութեան եւ նախատեսւող ծառայութիւնների վերաբերեալ որոշումների կայացման նպատակով:
Յունիսի 3-ին տեղի ունեցաւ խորհրդակցական եւ համակարգման հանդիպում Կենտրոնական վարչութեան, Վարիչ մարմնի, «Արարատ» ֆուտբոլի ակադեմիայի տնօրէնի եւ Մարզական միութեան գրասենեակի պատասխանատուի միջեւ «Արարատ»- ֆուտբոլի դպրոցի աշխատաքների համակարգման եւ համագործակցութիւնների սահունացման նպատակով:
Հանդիպման սկզբին ընկ. Արա Գալստեանն ողջունեց Մարզական միութեան եւ Իրանի ազգային հաւաքականի նախկին անդամ, «Արարատ»-ի նախկին խաղացող Էդմոնդ Բզիկի միջեւ համագործակցութեան կայացումը եւ կարեւորեց նախանշւած նպատակների, այդ թւում՝ իրանահայ պատանի եւ երիտասարդներին ֆուտբոլի դպրոց ներգրաււման անհրաժեշտութիւնը:
Այնուհետեւ, Մարզական միութեան նախագահ ընկ. Արբի Սարգսեանը անդրադարձաւ ֆուտբոլի նոր ակդեմիայի արձանագրութեան վիճակագրական տւեալներին եւ նշեց, որ օրեցօր աճում են նոր ակադեմիայով հետաքրքրւող անձանց թւերը եւ ժողովրդի պահանջների բաւարարման նպատակով անհրաժեշտ է գործադրել բոլոր ջանքերը:
«Արարատ» ֆուտբոլի ակադեմիայի տնօրէն՝ Էդմոնդ Բզիկը նոյնպէս կարեւորեց բարձորակ ծառայութիւնների մատուցման նպատակով՝ համագործակցութիւնները եւ անդրադարձաւ իր նախատեսած պլաններին ու ծրագրերին:
Վարիչ մարմնի նախագահ ընկ. Նորիկ Մանասէրերանը եւս մարզաւանի վարիչ մարմնի անունից իր պատրաստակամութիւնը յայտնեց եղած հնարաւորութիւններն ուղղել «Արարատ» ֆուտբոլ ակադեմիայի ծրագրերի իրականացմանը:
Հանդիպմանը ներկայ էին «Արարատ» ֆուտբոլ ակադեմիայի տնօրէն Էդմոնդ Բզիկը, Կենտրոնական վարչութիւնից ընկերներ Արա Գալստեանը, Սիւնէ Ֆարմանեանը, Մարզական միութեան վարչութեան ընկերներ Արբի Սարգսեանը, Արթին Մինասեանը եւ մարզական միութեան գրասենեակի պատասխանատու ընկ. Նարէ Քեշիշեանը:
Հանդիպման աւարտին ընկերները միասնաբար շրջեցին մարզաւանում՝ հնարաւորութիւնների ուսումնասիրութեան եւ նախատեսւող ծառայութիւնների վերաբերեալ որոշումների կայացման նպատակով:
