Հ.Մ.Ա.Կ.-ի Մարզական  Միութեան 

Ամառային Դասընթացներ

Մարզական Միութիւնը տարիներ է, որ կազմակերպում է երեխաների  համար մարզական ամառային դասընթացներ: Մարզական  դասընթացների հիմնական նպատակն է մարզանքի միջոցով զարգացնել երեխաների  ֆիզիքական կարողութիւնները, որը նպաստում է նաև առողջութեան և ի յայտ բերել նրանց ընդունակութիւնները տարբեր  մարզաձևերում:
         Այս տարւայ Մարզական ամառային աշխատանքների տևողութիւնը  եղել է 6 շաբաթ, որոնք սկսել են յունիսի 19-ից մինչև օգոստոսի 1-ը  առաւօտեան ժամը 9-ից մինչև 12-ը : 
         Սոյն ծրագրի ընդհանուր պատասխանատուն է եղել օր՝. Քաթրին  Քարիմեանը:
         Դասընթացները  կազմակերպւել  է  ամենայն  բծախնդրութեամբ, որին  համագործակցել  են լաւագոյն  դաստիարակներ  և  մասնագէտ  մարզիչներ:
         Այս տարի մարզական ամառային դասընթացներին մասնակցել են  շուրջ 200 երեխաներ, որոնցից 5-8 տարեկան երեխաները մասնակցել են հետևեալ մարզաձևերին՝ թեթևատլետ, մարմնամարզութիւն, բասկետբոլ, ֆուտբոլ, ճատրակ, տեկւանդօ, լեռնապատ, թենիս և լող: Իսկ 8-13 տարեկան երեխաների համար շաբաթական երեք պահ ֆուտբոլի, բասկետբոլի, սկէյտի և տեկւանդոի  մասնագիտական  դասընթացներ:
         Մարզական աշխատանքներին զուգընթաց՝ նաև ունեցել են զանազան  աշխատանքներ, որոնցից նշելի է վարդավառի տօնակատարութիւնը  Մատուռի շրջափակում, որը տօնւեց փոքրիկ մարզիկների միջոցով և երեխաները այցելեցին մարզաւանի Ս. Խաչ Մատուռը: Փոքրիկները  աշխատանքի ընթացքում  սովորել են  լինել  պարտաճանաչ և հայրենասէր:  Եւ այսօր միութեանս փոքրիկ մարզիկները միութիւնը թողնում են օժտւած  նոր  կարողականութիւններով  ու  փորձառութիւններով:
          Յոյսով ենք, որ երեխաները շարունակելով իրենց նախընտրած  մարզաճիւղը  դառնան  ապագայ  ախոյեանները: