|
Փետրւարի 18, 2009
Իրանի յեղափոխութեան 30-ամեակի առիթով
Իսլամական Յեղափոխութեան մեծարման երեկոյ
Չորեքշաբթի փետրւարի 18-ի երեկոյեան,
«Արարատ» մարզաւանի «Վաչիկ Ղարաբէգեան» սրահում, տեղի
ունեցաւ մեծարման երեկոյ նւիրւած Իրանի Իսլամական
յեղափոխութեան 30-ամեակին:
Ձեռնարկին ներկայ էին՝ Թեմիս բարեխնամ
առաջնորդ Գերշ. Տ. Սեպուհ Ս. Արք. Սարգսեանը, պետական
պաշտօնեաներ, Հ.Մ.«Արարատ»Կ.-ի եւ Ալիք օրաթերթի
ներկայացուցիչներ եւ հայ համայնքի լաւագոյն մարզիկները:
Ծրագիրը սկսւեց Իրանի Իսլ. Հանրապետութեան
հիմնով, որը կատարեց Արւեսրից Միութեան երգչախումբը. ապա
ներկաների համար ընթերցւեց Հ.Մ.«Արարատ» Կազմակերպութեան
մարզական գործունէութեան զեկոյցը:
Ծրագրի գեղարւեստական բաժնում Արւեստից
միութեան երգչախումբը կատարեց հայերէն և պարսկերէն երգեր,
որից յետոյ բանախօսեց Հ.Մ.«Արարատ»Կ.-ի Կենտրոնական
վարչութեան նախագահ՝ Էդւարդ Բաբախանեանը նշելով
արհեստավարժ մարզանքի անմիջական կապը ֆինանսների հետ, ուր
զգացւում է կառավարութեան աջակցութիւնը սատարելու
ֆինանսապէս աւելի թոյլ ակումբներին ու
կազմակերպութիւններին:
Օրւայ առիթով բանախօսեց Իսլ.
Հանրապետութեան ներքին գործոց նախարարութեան դիւանագիտական
բաժնի պաշտօնեայ՝ պարոն Մոլաւին, ուր ակնարկեց երկրի
նւաճումներին և փոքրամասնութիւնների ներդրմանը այդ
ոլորտներում, ապա բանախօսեց Թեհրանի հայոց թեմի առաջնորդը
եւ ողջունելով Իսլամական Յեղափոխութիւնը մեծարեց նրա
ձերքբերումներն ու կարևորեց նրա դերը տուժւած ազգերի
առաջխաղացման մէջ:
Ծրագրի աւարտին մեծարւեցին ու
նւէրներով պարգևատրւեցին Հ.Մ.«Արարատ»Կ.-ի անցեալում և
ներկայի միջազգային մրցութիւններում մեդալ շահած
մարզիկները: Նոյնպէս պարգևատրւեցին միութեանս
արւեստագէտները և Հ.Մ.«Արարատ»Կ.-ի օրիորդաց բասկետբոլի
խումբը, որը գրաւել է Իրնաի բարձրագոյն լիգայի առաջին
տեղը, վերջում տեղի ունեցաւ ընդունելութիւն:
Հ.Մ.Ա.Կ.-ի Հանրութեան Հետ Կապ |
