|
Նոյեմբեր եւ դեկտեմբեր ամիսների ընթացքում
տեղի ունեցան Կազմակերպութեան բաժանմունքների ընդհանուր եւ
չորս միութիւնների ու չորս մասնաճիւղերի ընդհանուր կամ
ներկայացուցչական ժողովները եւ ընտրւած պատգամաւորները ի
մի եկան մասնակցելու Կազմակերպութեան
22-րդ Պատգամաւորական Ժողովի բացմանը:
Կենտրոնական Վարչութեան հրաւէրին
արձագանգելով ժողովին հիւրաբար մաս էին կազմում Հ.Մ.Ը.Մ.-ի
Կենտրոնական Վարչութեան նախագահ՝ Գառնիկ Մկրտչեանը եւ
անդամ Պատրիկ Գիւլբէնգեանը եւ Համազգային Հայ Կրթական եւ
Մշակութային Միութեան ներկայացուցիչ՝ Գեղանի Էթիմեզեանը:
Արդէն մի քանի շրջան է, որ ըստ
համապատասխան որոշման Պատգամաւորական Ժողովի առաջին նիստին
կարող են որպէս ունկնդիր մասնակցել Կազմակերպութեան բոլոր
անդամները, որոնք ներկայ կարող են լինել մինչեւ շրջանաւարտ
Կենտրոնական Վարչութեան բարոյական տեղեկագրի ընթերցման
աւարտը:
Կենտրոնական Վարչութիւնը յարմար նկատեց
22-րդ Պատգամաւորական Ժողովի անդրանիկ նիստին հրաւիրել
նաեւ համայնքի ղեկավար կառոյցների ներկայացուցիչներին,
որպէսզի յիշեալները հնարաւորութիւն ունենան էլ աւելի
մանրամասնօրէն տեղեկանալու "Արարատ" Կազմակերպութեան մէջ
տարւող աշխատանքների ծաւալից եւ մանրամասնութիւններից:
Այսպիսով 2007-ի յունւարի 16-ին երեկոյան
ժամը 6:30-ին Մարզաւանի Ս. Դաւիթ սրահում հանդիսաւոր
բացումը կատարւեց 22-րդ Պատգամաւորական Ժողովի, որին բացի
շուրջ 40 միութենականների, որոնք եկել էին որպէս ազատ
ունկնդիրներ, իրեն ներկայութեամբ յարգել էին Տ. Սեպուհ
Արքեպիսկոպոս Սարգսեանի ներկայացուցիչներ՝ Տէր Ղեւոնդ
քահանայ Լոշխոճեան-ը եւ Տէր Ռուբէն քահանայ Միսիսեան-ը, Թ.
Հ. Թեմական Խորհրդի ներկայացուցիչներ՝ ատենապետ՝ Նորայր
Արամեանը եւ Անէթ Բաղդասարեանը, Ալիք Հաստատութեան
ներկայացուցիչներ՝ Վիգէն Բաղումեանն ու Գեւիկ Մկրտչեանը եւ
Իրանի Իսլամական Խորհրդարանում Հիւսիսային Իրանահայութեան
պատգամաւոր՝ Գէորգ Վարդանեանը:
Հ.Մ.Ա.Կ.-ի
22-րդ Պատգամաւորական Ժողով
Նիստը բացւած յայտարարւեց ժամը 6:30-ին՝
Տէր Ռուբէն քահանայ Միսիսեան-ի արտասանած Տերունական
աղօթքով:
Ապա, մուտք գործեց Կազմակերպութեան դրօշը
Սկաուտական Միութեան անդամ, վարիչ առաջնորդ՝ Արայիկ
Նազարեանի միջոցով, որից յետոյ հնչեց Հ.Մ.Ա.Կ.-ի հիմնը:
Ապա բացման եւ բարի գալստեան խօսք ընթերցեց
Կենտրոնական Վարչութեան նախագահ՝ Հենրիկ Խալոյեանը: Ընկերը
իր խօսքի աւարտին, որպէս ժամանակաւոր նախագահներ բեմ
հրաւիրեց ժողովին վճռական ձայնի իրաւասութեամբ մասնակցող
Երիցագոյն՝ ընկեր Նելլա Ղարիբեանին եւ Կրտսերագոյն Ժորժիկ
Աղայեանին՝ վարելու համար նիստը:
Նախագահութիւնը նախ բեմ հրաւիրեց Թեհրանի
Հայոց Թեմի Առաջնորդ՝ Տ. Սեպուհ Արքեպիսկոպոս Սարգսեանի
ներկայացուցիչ՝ Տէր Ղեւոնդ քահանայ Լոշխոճեանին, որը
փոխանցեց Սրբազան Հօր պատգամը:
Դրանից յետոյ ներկաները անցեալ շրջանի
ընթացքին վախճանւած Կազմակերպութեան անդամների յիշատակը
յարգեցին՝ մէկ րոպէ ոտնկայս լռութեամբ:
Ապա նախագահութիւնը ստուգեց եւ ժողովի
հաստատմամբ ընդունեց միութիւնների պատգամաւորների եւ
վարչութիւնների ու մարմինների լիազօրագրերը, որով ժողովը
պաշտօնական ճանաչեց 31 վճռական ձայնի իրաւասութիւն
ունեցողներից 30-ի ներկայութիւնը:
Այնուհետեւ կատարւեց մնայուն նախագահութեան
ընտրութիւն. Ժողովը բաց քւէարկութեամբ որոշեց ունենալ 3
նախագահներ ընկերներ՝ Հրաչ Զարիֆեան, Հանրի Քոչարեան եւ
Հարմիկ Զովէլեան:
Ապա ժողովը ընթացաւ խորհրդակցական ձայնի
իրաւունքով հրաւիրեալների ընտրութեամբ եւ փակ քւէարկութեան
արդիւնքում ընտրւեցին ընկերներ՝ Թովմաս Թովմասեանց
(Սարուխանեան), Այիդա Յովհաննիսեան, Շեռլի Աւետեան, Ալֆրէդ
Հաւան եւ Ռայմոնդ Խաչատրեան:
Այնուհետեւ տեղի ունեցաւ Կազմակերպութեան
անցեալ երկու տարւայ գործունէութեան կապակցութեամբ
պատրաստւած տեսաժապաւէնի ցուցադրումը: Փոքրիկ դադարից
յետոյ, նիստը շարունակւեց, ուր հերթաբար ելոյթ ունեցան՝
նախ Համազգային Հայ Կրթական եւ Մշակութային Միութեան
Կենտրոնական Վարչութեան ներկայացուցիչ՝ Գեղանի Էթիմեզեանը,
ապա Հ.Մ.Ը.Մ.-ի Կենտրոնական Վարչութեան ատենապետ՝ Գառնիկ
Մկրտչեանը, որը նաեւ իր խօսքի աւարտին իր միութեան կողմից
Կենտրոնական Վարչութեան նախագահին յանձնեց Հ.Մ.Ը.Մ.-ի
յուշանւէրը, փոխադարձաբար Կենտրոնական Վարչութիւնը նաեւ
Համազգայինի եւ Հ.Մ.Ը.Մ.-ի ներկայացուցիչներին յանձնեց
Կազմակերպութեան յուշանւէրը:
Ապա առիթ տրւեց Թեհրանի Հայոց Թեմի
Թեմական Խորհրդի ներկայացուցիչ եւ Կազմակերպութեան անդամ՝
Անէթ Բաղդասարեանին, խորհրդի պատգամը ուղղելու ժողովին,
որից յետոյ արտայայտւեցին Կազմակերպութեան անդամ եւ Իրանի
Իսլամական Խորհրդարանի Հիւսիսային Իրանահայութեան
պատգամաւոր՝ ընկեր Գէորգ Վարդանեանը: Վերջում իր
արտայայտութիւններն ու բարեմաղթանքները ժողովին ուղղեց
Ալիք Հաստատութեան ներկայացուցիչ՝ Գեւիկ Մկրտչեանը:
Խօսքերի բաժինը աւարտւելուց յետոյ ընկեր
Կարինէ Ղարախանեանը ընթերցեց Կենտրոնական Վարչութեան
երկամեայ գործունէութեան բարոյական զեկոյցը:
22-րդ Պատգամաւորական Ժողովի դռնբաց նիստը
աւարտւեց ժամը 11-ին, որից յետոյ Երէցների միութիւնը
ներկաներին հիւրասիրեց թեթեւ ընթրիքով:
Յաջորդ օրերին 8 նիստերի ըմթացքում ժողովը
զբաղւեց եւ իր լրումին հասցրեց բոլոր օրակարգերը, յաջորդ
երկու տարիների համար կիրառելով մի շարք որոշումներ եւ
վերջում ընտրեց Կենտրոնական Վարչութեան եւ Հաշւեքննիչ
Մարմնի անդամներին:
22-րդ Պատգամաւորական ժողովից ընտրւած
Կենտրոնական Վարչութիւնը, կատարել է պաշտօնաբախշում եւ
պարտականութիւնների բաժանում՝ ըստ հետեւեալի՝
Էդիկ Բաբախանեան՝ նախագահ
եւ ֆուտբոլի ընկերութեան հետ կապ
Հրաչ
Զարիֆեան՝ փոխնախագահ,
Սկաուտական Միութեան եւ
Ատրպատականի
մասնաճիւղերի հետ կապ
Ժանեթ Թարւերդեան՝
քարտուղարութեան պատ. եւ Շիրազի մասնաճիւղի հետ կապ
Ռիտա Մարգարեան՝
նիւթականի պատ.
Նորիկ Մանասերեան՝
Մարզաւանի Վարիչ Մարմնի հետ կապ
Սերոժ Մատթէոսեան՝ Մարզական
Միութեան հետ կապ
Ալեքս
Կարապետեան՝
Արւեստից
Միութեան եւ "օթոմասիոն" յանձնախմբի հետ կապ
Շերլի Աւետեան՝ "Հանրութեան
հետ կապ"-ի հետ կապ
Արբի
Գալստեան՝
Կենտրոնատեղիի Վարիչ Մարմնի եւ արխիւային
յանձնախմբի
հետ
կապ
Նոյն
ժողովից ընտրւած Հաշւեքննիչ Մարմինը կատարել է
պաշտօնաբախշում ըստ հետեւեալի՝
Հանրի Քոչարեան՝ նախագահ
Թորիկ Թորիկեան՝
փոխնախագահ
Մառինա Բադալ՝
քարտուղարութեան պատ.
Հայդուկ Մուրադեան՝
նիւթականի պատ.
Գրիշ Մանուկեան՝
խորհրդատու
|
