Ձեռքի աշխատանքի մրցոյթ՝ “Արարատ” Մարզաւանում

Ուրբաթ հոկտեմբերի 20-ին առաւօտեան ժամը 9-ից մինչեւ կէսօրից յետոյ ժամը 4-ը, Մարզաւանում տեղի ունեցաւ Երէցների Միութեան Արհեստից Բաժանմունքի Ձեռքի աշխատանքի 16-րդ շրջանի մրցոյթը (առաջինը 1990 թւին):
Իրաւարարներն էին՝

Ձեռագործ, Ծաղկակարի համար՝
1-     Տկն. Սեդա Աբրահամեան
2-     Տկն. Սեդա Գրիգորեան
3-     Տկն. Էմմա Խոդաբախշեան

Նկարչութեան համար (պաստառի եւ կտորի վրայ) ՝
1-     Տկն. Արմինէ Կարապետեան
2-     Պրն. Անուշաւան Համիդի

Զանազան ձեռքի աշխատանքների համար՝
1-     Օր. Սիլւա Աւանէսեան
2-     Պրն. Հայկ Մինասեան

Աշխատանքին մասնակցել էին 51 հոգի՝ 193 աշխատանքներով:
        Մասնակցողները ըստ տարիքի բաժանւել էին հետեւեալ դասաւորումով՝ մինչեւ 12 տարեկան, 13-18 տարեկան, 19-30 տարեկան եւ 30-ից վեր:
        Ձեռագործ՝ Ծաղկակարին մասնակցողներից 13 հոգին “Հայ Կին” միութեան կից՝ “Անի” միութիւնից էին, որոնք մասնակցել էին նոյն միութեան ամառային դասարաններին:
        Բոլոր մասնակցողներին Կազմակերպութեան կողմից տրւեց գնահատագիր:
        Իրաւարարներին եւ բարձր նիշ ստացողներին, որպէս յիշատակ տրւեց պատշաճ նւէրներ:
        Ներկայացւած աշխատանքների մէջ յատկանշական էր Այլին Սարգսեանի (28 տարեկան) խաչքարերը եւ Վահէ Հախնազարեանի (14 տարեկան) 14 զանազան ձեռքի աշխատանքները, որոնք իր մտայղացումներն էին: