|
«Էմմանուէլ Մելիք-Ասլանեան. դաշնակահար, կոմպոզիտոր» գրքի շնորհանդէսը «Կոմիտաս» սրահում
Ուրբաթ նոյեմբերի 9-ին, Հ.Մ.Ա.Կ.-ի «Կոմիտաս» սրահում Արւեստից Միութեան նախաձեռնութեամբ տեղի ունեցաւ երաժշտագէտ-արւեստաբան Լիդա Բերբերեանի հեղինակութեամբ լոյս տեսած «Էմմանուէլ Մելիք-Ասլանեան. դաշնակահար, կոմպոզիտոր» գրքի շնորհանդէսը, որին ներկայ էին՝ Թեհրանի Հայոց Թեմի առաջնորդ Տ. Սեպուհ արք. Սարգսեանը, Թ.Հ.Թեմական խորհրդի եւ միութիւնների ներկայացուցիչներ, Էմանուէլ Մելիք-Ասլանեանի հարազատները, արւեստագէտ-արւեստասէր հասարակութիւն:
Օրւայ առթիւ Հ.Մ.Ա.Կ.-ի խօսքն ընթերցեց Կարինէ Սարուխանեանը, ցուցադրւեցին Էմանուէլ Մելիք-Ասլանեանի կեանքի տարբեր հանգրւանները պատկերող սահիկներ եւ նրա մասին արտայայտութիւններ ունեցան իր երբեմնի աշակերտները: Ընթերցւեց Էմանուէլ Մելիք-Ասլանեանին աշակերտած երաժիշտ քոյրեր՝ Հայնուշ եւ Հրաչուհի Մակարեանների երախտագիտական խօսքը, Էմանուէլ Մելիք-Ասլանեանի «Ֆանտազիա» երաժշտական կտորը դաշնամուրով կատարեց Արին Աւանէսեանը եւ վերջում գրքի հեղինակ Լիդա Բերբերեանը խօսք առնելով՝ նշեց գրքի հրատարակման դրդապատճառները:
Շնորհանդէսը աւարտւեց ընդունելութեամբ:
|
