Լեռնաստանի
Միջազգային Օրւայ Տօանակատարութիւն՝
«Արարատ»-ի Կոմիտաս սրահում
2007-ի դեկտեմբերի 11-ին, Արարատ Կենտրոնակեղիի «Կոմիտաս»
սրահում, չորրորդ տարւայ համար տօնւեց «Լեռնաստանի միջազգային
օրը», Հ.Մ.Ա.Կ.-ի Մարզական Միութեան եւ Իրանի լեռնագնացների
միութեան նախաձեռնութեամբ եւ համագործակցութեամբ:
Միացեալ Ազգերի Կազմակերպութեան յաջող փորձից յետոյ,
2002 թիւը «Լեռնաստանի Միջազգային Տարի» յայտարարելու
ուղղութեամբ, 2003 թւից Մ.Ա.Կ.-ի ընդհանուր ժողովը դեկտեմբերի
11-ը հռչակեց որպէս «Լեռնաստանի միջազգային օր», որը
2004 թւից շարունակաբար տօնւել է մարզական միութեան
եւ Իրանի Լեռնագնացների Միութեան համագործակցութեամբ:
Մ.Ա.Կ.-ի կառոյցի մէջ, աշխատանքը յանձնարարւած է FAO-ին,
(Food and Agricalture Organization), որն ամէն տարի
նշանակում է օրւայ համապատասխան թէման: Այս տարւայ համար
ճշտւած թէման էր «կլիմայի փոփոխութիւնը լեռնային շրջաններում»:
Ծրագրում նախ ընթերցւեց կազմակերպութեան բացման խօսքը,
որից յետոյ արտայայտւեց Իրանի լեռնագնացների միութեան
նախագահ Աբբասէ Մոհամադին: Նաեւ օրւայ թէմայի կապակցութեամբ
արտայայտւեց համալսարանի դասախօս՝ թռչնագէտ եւ բնապահպանման
դոկտ. Էսմայիլէ Քահրոմը: Ծրագրի ընթացքին նաեւ դաշնամուրի
որակեալ կատարումներով ելոյթ ունեցաւ պրն. Ալւին Յովհաննիսեանը:
Օրւայ հաղորդավարն էր Սուրէն Ստեփանեանը:
Ծրագրին ներկայ էին շուրջ 400 հոգի հայ եւ պարսիկ լեռնագնացներ:
Նախասրահում նաեւ կազմակերպւել էր լեռնագնացական գրքերի
եւ հանգուցեալ վետերան լեռնագնաց «Մահմուդ Աջալ»-ի լուսանկարների
ցուցահանդէս:
|
