|
Երէցների Միութեան Ապրիլ ամսւայ Հանդիպում
Երկուշաբթի ապրիլի 7, 2008-ին, մարզաւանի
«Շահբազեան» սրահում տեղի ունեցաւ Երէցների Միութեան
ամսական հերթական հանդիպումը, որը զուգադիպել էր մայրերի
օրւան:
Այս ծրագրին հրաւիրւել էին Թեհրանի Հայ
Կանանց Բարեգործական Ընկերութեան, Հայ Կին եւ Կանանց
Եկեղէցասէր Միութեան Վարչութիւնները:
Կանանց Եկեղէցասէր Միութիւնը ունենալով
Մայրերի օրւայ տօնակատարութիւն չկարողացաւ մասնակցել
ծրագրին:
Նախ միութեան նախագահ՝ ընկեր Շուշիկ
Սողոմոնեանը ողջունեց ներկաներին եւ շնորհաւորելուվ Յիսուս
Քրիստոսի Յարութեան տօնը, շնորհաւորեց նաեւ հայ մայրերի
մեծարման օրը:
Ապա ներկայացւեց Հայ Կանանց Բարեգործական
Ընկերութեան պատմութիւնը:
Ցուցադրւեց Թ.Հ.Կ. Ընկերութեան 100-ամեակի
ֆիլմը. միութեան նախագահ՝ տկն. Անէթ Այւազեանը
բովանդակալից տեղեկութիւններ փոխանցեց 103 տարւայ
գործունէութեան մասին: Մայրերի օրւայ վերաբերեալ կարճ
ընթերցեց ընկեր Անահիտ Աբրահամեանը:
Հրաւիրւեց «Հայ Կին» միութեան նախագահուհի
տկն. Դիանա Յովհաննիսեանը, որ հակիրճ բացատրութեամբ
ներկայացրեց միութեան շուրջ 70 տարիների գործունէութիւնը:
Հ.Մ.Ա.Կ.-ի Արւեստից Միութեան պարի խմբի
պարուսոյց՝ տկն. Անահիտ Աւետեանը իր համագործակցութիւնը
ունեցաւ 3 հոգանոց պարով «Հայի աչեր» անւամբ պարը, որը
կատարեցին ընկերներ Թինա Անտոն, Լինդա եւ Լինէթ
Սարգսեանները:
Ընթերցւեց ապրիլ ամսում ծնւած ընկերների
անունները. հիւրերը հիւրասիրւեցին Արհեստից բաժանմունքի
միջոցով պատրաստւած ընթրիքով:
Ծրագրին ներկայ էին հարիւրից աւել անդամներ
եւ հիւրեր:
|
