Հ.Մ.Ա.Կ.–Ի  ԹԻԿՈՒՆՔԸ ՆՇԵՑ ԻՐ ՏԱՐԵԴԱՐՁԸ

«ԵՐԷՑՆԵՐԻ ՄԻՈՒԹԻՒՆ»Ը՝ 45 ՏԱՐԵԿԱՆ

Հ.Մ. «Արարատ» Կազմակերպութեան ամենաբանուկ ու աշխոյժ բաժիններից է՝ «Երէցների Միութիւն»ը, որը համարւում է նաեւ կազմակերպութեան թիկունքը, եւ  որի հիմնադրման 45 ամեակը նշւեց Հինգշաբթի դեկտեմբեր 10–ին,  կազմակերպութեան «Արարատ» մարզաւանի «Վաչիկ Ղարաբէկեան» սրահում։

Հանդիսութեան ներկայ էին՝ Իսլամական Խորհրդարանում՝ Թեհրանի եւ հիւսիսային իրանահայաութեան պատգամաւոր ճրտգ. Գէորգ Վարդանեանը, Թ. Հ. Թեմական խորհրդի ատենապետուհի՝ դոկտ. Այիդա Յովհաննիսեանը, ազգային իշխանութեան ներկայացուցիչները եւ հրաւիրեալներ։

Ձեռնարկի սկզբում Հ.Մ.Ա.Կ.–ի հիմնը կատարեց կազմակերպութեան «Արարատ» երգչախումբը։ Ապա ներկաները մէկ րոպէ յոտնկայս լռութեամբ  յարգեցին դոկտ. Հարմիկ Դաւթեանի, նորոգ հանգուցեալ Արա Ասլանեանի եւ անցնող տարւայ ընթացքում մահացած համայնքի դերակատար անդամնեի յիշատակը։

Յանձնախմբի անդամ Արմինէ Գրիգորեանի միջոցով ընթերցւած  բացման խօսքից  ու գեղարւեստական կատարումից յետոյ «Օրւայ խօսքը» ընթերցեց «Երէցների Միութեան» նախագահ՝ Յարութ Նազարեանը։

Այնուհետեւ ցուցադրւեց «Երէցների Միութեան» 45 ամեայ  պատմականն ու գործունէութիւնը ցուցադրող մի տեսաժապաւէն,   ու վերջում իր ողջոյնի խօսքն ուղղեց Հ.Մ. «Արարատ» Կազմակերպութեան Կենտրոնական Վարչութեան նախագահ՝ ճրտգ. Էդւարդ  Բաբախնեանը։

Վերջում գնահատականներ ու յուշանւէրներ յանձնւեցին Միութեան առաջին վարչութեան կազմի անդամներին, Երէցների Միութեան տարբեր ժամանակաշրջանների վարչութեան նախագահներին, եւ  45 տարիներ ցէնզ ունեցող միութենականներին։

Ծրագրի պաշտօնական բաժնից յետոյ տեղի ունեցաւ խրախճանք, որի ընթացքում հատւեց նաեւ 45 –ամեակի կարկանդակը։

Աւելացնենք, որ ձեռնարկի ընթացքում ելոյթներ ունեցան Հ.Մ.Ա.Կ.–ի «Արարատ» երգչախումբը եւ պարախումբը՝ օր. Արաքս Խաչատրեանի եւ տիկ. Կարինէ Ղազարեանի ղեավարութեամբ, ու մեներգեցից Հանրի Յարութիւնեանը եւ Մեղեդի Նազարեանը։

    Մանրամասութիւնները՝ առանձին։

Լուսանկարիչ՝ Նարեկ Յարութիւնեան

Հ.Մ.Ա.Կ.–Ի  ՀԱՆՐԱՅԻՆ ԿԱՊ