Հ.Մ.Ա.Կ.-ի Սկաուտական Միութեան պատմական “1951-2004”

1944 թւականի յուլիսի 4-ին “Հայ Պատանեկան Մշակութային Միութիւնը” սկսում է իր գործունէութիւնը, միութեան մէջ կազմւում են չորս բաժանմունքներ՝ թատերական, երաժշտական, մարզական եւ գրական, նաեւ մէկ միաւոր մանկահասակների համար օժանդակ անունով:

  1946 թւականին մարտի 11-ին միութեան անունը փոխւում է Հ.Ե. Մշակութային Միութեան եւ օժանդակ միաւորը որպէս պատանիների աշխատանքի միջավայր շարունակում է իր գործունէութիւնը:

1950 թւականին մշակութային եւ միութենական կեանքին նոր թափ տալու նպատակով, 4 միութիւնների միացումով կազմւում է Հայ Մշակութային Արարատ Միութիւնը:

Այս միջոցին երկրում տիրող ճնշումները չէզոքացնելու, պատանեկութեանը աւելի խանդավառելու եւ միութեան աշխատանքներում ներգրաւելու նպատակով, 1951 թւականի ապրիլի 14-ին իրականանում է մտահղացումը, որի հետեւանքով ծնւում է Սկաուտական Միութիւնը:

Սկաուտական Միութիւնը իր աշխատանքը շարունակում է մինչ այժմ՝ 52 անդադար տարիներ մերթ դժւարին ու տքնաջան պահեր՝ մերթ խանդավառութիւն ու ոգեւորութիւն ստեղծող պահեր: Միութիւնը այժմ ունի շուրջ 445 անդամներ, ընդորում ներառւում են արիների, արենուշների, գայլիկների ու արծւիկների հատւածներն ու երէցների փաղանգը:

   Սկաուտական Միութեան նպատակն է դաստիարակել եւ կրթել հայ սերնդին մտայնապէս եւ ֆիզիքապէս, նրանց փոխանցել սկաուտական եւ դաշտային գիտելիքներ, սովորեցնել կեանքը գիտակցաբար վարելու եւ պատահած իւրաքանչիւր խոչընդոտ դիւրութեամբ յաղթահարելու կարողականութիւնը եւ փոխանցել առողջ գաղափարաբանութիւն:

Միութիւնը մինչ այժմ մասնակցել է 6 համահոմենթմենական բանակումների. 1978-ին Յունաստանում, 1980-ին Ֆրանսիայում, 1998, 2000, 2004 եւ 2006 թւականներին Հայաստանում:

Կարեւորագոյն աշխատանքներ՝

1.     Տարեկան երդման ծրագիր

2.     Ողեմպիական մրցութիւններ

3.     Միութեան ընդհնուր հատւածների եւ խմբերի բանակումներ