Մայիսի 3-ին տեղի ունեցաւ Հ.Մ.Ա.Կ-ի Սկաուտական միութեան «Ընտանիքի օր»-ւայ տօնակատարութեան ձեռնարկը։ Ծրագրի սկզբում բացման խօսքով հանդէս եկաւ Վ.Ա. Գայիանէ Դաւթեանը ,որտեղ ընդգծեց. «Մարդու կատարելագործմանը նպաստող առաջին և հիմնական կառոյցն է ընտանիքը, որի գրկում մարդը ստանում է ճշմարտութեան և բարու մասին առաջին և որոշիչ գիտելիքները, սովորում է , թէ ի՜նչ է նշանակում սիրել և սիրւած լինել»։
Ծրագրին ներկայ էին միութեան ծնողները և սկաուտները , որոնք վայելեցին սկաուտների գեղարւեստական կատարումները։ Ծրագրի ընթացքում նախատեսւել էր տախտակի, սկաուտական կապի և հրացանաձգութեան զբաղմունքներ, որոնցից յետոյ տեղի ունեցաւ զւարճալի մրցոյթներ և մասնակիցները միասնաբար պարեցին հայկական քոչարի։ Ծրագրի վերջում տեղի ունեցաւ ճաշկերոյթ ,որին մասնակցեցին ներկաները։